#زئرده #الليله١٠١

#زئرده

#الليله١٠١

الحدوته المرادى حقيقيه زى حكايه #الشنطه_المعجزه 

اللى ده الرابط بتاعها

https://www.facebook.com/102264164820545/posts/142331610813800/

بردو جيران ماما زمان ف الحى العريق والشارع الجميل (( ابن الرشيد ))

اللى لا اتولدت فيه ولا عشت فيه بس حبيته من حب امى فيه ومن حكاياتها عنه 

(( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم 

تقريبا كان اسمها نوال بس اللى كانت الدنيا كلها بتناديها بيه كان زيئرده

كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره 

وعلشان كده كانت عايشه ف شقه ف بيت اهلها بس بتبات لوحدها ف شقتها

كان الناس كلها عارفين انهم مرتاحين ماديا 

وف ليله صيفيه حاره

حين لم يكن يوجد لا تكييف ولا حتى مروحه فى هذا الزمان القديم 

و حيث لا يوجد حل سوى ان تنهى ليلتك بدش بارد لتذهب للنوم متأخراً

على ١١ونص ١٢ بالليل كده 

بعد ساعه ولا ٢ اما المدينه كلها تغرق فى سبات عميق مفيش صاحى 

كانت كالعاده بايته لوحدها وحست بحركه معاها ف اوضة النوم .... ورفعت عينها بالراحه ولقت واحد معاها ف الاوضه داخل يتسحب وكلفتت نفسها بالغطا 

دا حرامى عارف ان اللى عندها كتير و عارف انها لوحدها وعلشان كده اتجرأ انه يدخل البيت وهى فيه 

المهم فتح الدولاب وجاب ملايه من الدولاب فرشها وفضل يفضى كل محتويات الدولاب فيها من لبسها ولبس جوزها وكل حاجه طبعا اخد اى فلوس او دهب قابله 

كل ده وزئرده متكلفته بالغطا بس بتبص عليه بنص عين من تحت الغطا 

شايفاه وهو مش شايفها 

واستنت عليه لحد ما خلص كل اللى ف الدولاب وحطه على الارض وربطها من الاربع الاطراف وبقت بقجه كبيره ولفحها على ضهره 

كل اللى حيلتها هيروح 

كل شقى جوزها واللى حوشوه ف سنين من فلوس ودهب هيفقدوه 

دا حتى مش هيبقى عندهم هدوم يلبسوها ولا هيكون معاهم فلوس يشتروا بيها جديد 

بس بردو ممكن يموتها لو عرف انها صاحيه 

دا راجل طول بعرض 

وهى راحت ولا جت .... زئرده

يا ترى هتعمل  ايه 

هتدافع عن حاجتها 

ويمكن تموت ... هتموت شهيده 

بس دى بردو  هتموت 

ولا تحافظ على عمرها ... العمر مش بعزقه 

ومحدش بيموت م الجوع

 

#حكايات_امى

#ادعولهم_بالرحمه

#زئرده

#دخل_الحرامى_وانا_نايمه

#شوف_قلة_ادبه

#هى_مش_زئرده_بس_جباره

#ابتسام

بقالى اكتر من سنه بكتب قصص كل ليله قصة جديده... تقرأها وتعمل كده🤔 وحاجات تعرفها فتعمل😳  وساعات ☺او😱او😞او😭 بس اؤكد لك انك عمرك ما هتعمل 🥱او😤او😞 وغالبا هتكون كده😂😂😂  وبما ان الحكايات مرت عليها سنه  بس احسب انها مرت مرور الكرام وهتكون جديده عليكم ..اتمنى تقرأوها واتمنى اسمع رأيكوا فى القصه ... ودى كانت قصة الليله ١٠١

#ابتسام