#عضة_اسد_ولا_نظرة_حسد(٢) #الليله ٢١٦ #سفينه #الجزء_الثانى

عضة_اسد_ولا_نظرة_حسد(٢)
#الليله٢١٦
#سفينه
#الجزء_الثانى

سفينه اتكسرت المركب اللى هو فيها وكان معرض للغرق

ونجاه ربنا فى البحر واتعلق  فى لوح خشب ورماه على الموج على الشط

ولقى نفسه ف غابه ...

حاول يوصل لمكان فيه بشر .. بس هو تايه فى الغابه 

وقابل اسد 

الشخص العادى فى الموقف ده اكيد مش هيقدر يجرى لان ركبه هتسيب 
طبعا احنا مش بنتكلم عن ابطال زى هاشم او جحدر ودول حكاياتهم لسه هتتحكى باذن الله 

انت بتتكلم عن شخص عادى يعنى لا قوه خارقه ولا شجاعه فذه 

المهم انى انا لو مكانه لو لسه محافظه على وضوئى😔...  هاصلى 

انما بقى سفينه كلمه 

اه ... والله زى ما بقوكم كده كلمه وجه كلامه للاسد 

لاء مش بس كده ... دا كمان قاله باسم الدلع  

اصل العرب بتطلق على الاسد ييجى ٥٠ اسم منهم ورد وغضنفر وليث واسامه و ابو الحارث

 فهو كلم الاسد و قاله : يا ابا الحارث .. انا سفينه مولى رسول الله صلى الله عليه وسلم 

فطأطأ الاسد رأسه واقبل على سفينه وحمله على عاتقه 

وخرج به من الغابه حتى دله على الطريق 

ثم رجع قليلا 

ثم اقعى على ذنبه يعنى كأنه قاعد على قدميه الخلفيتين

ثم اخذ يهمهم ... كأنه يودعه 

اخرجه البخارى  وابو نعيم الذهبى ... عن محمد بن المنكرر عن سفينه رضى الله عنه 
«ركبت سفينة في البحر فانكسرت بهم فتعلقت بلوح منها حتى طرحتني إلى جزيرة فيها أجمة يسكنها أسد فقال سفينة: يا أبا الحارث وهي كنية الأسد - أنا سفينة مولى رسول الله صلى الله عليه وسلم قال فطأطأ رأسه وجعل يدفعني بكتفه حتى وضعني على الطريق فلما وضعني على الطريق همهم فظننت أنه يودعني بالسلام».

ونلاحظ انى نزلت الاسناد مع الحكايه نفسها علشان احيانا ناس مبتقراهاش لما بكتبها  ف الكومنتات 
وزى ما قلت ف الاول وكررت تانى الحكايه غريبه 
لان الاسد مكانش يعرف سفينه زى الاسد بتاع اندروكليز كان يعرفه 

دى رحمة ربنا ودا كرمه 
ودى حمايته لأولياؤه

توفي سفينة رضي الله عنه بالعراق، بعد عام السبعين للهجرة في زمن الحجاج بن يوسف الثقفي . 

وتوته توته خلصت الحدوته 

ومننساش لنا حكايات تانيه مع اسود تانيه وعلاقات غريبه ومريبه مع البشر ... بس هيكون فيها فتاك وهيموته 
اقصد الاسد ولا الانسان بكلمة فتاك دى ... ده اللى هنعرفة ساعتها 

#سلسلة_رجال_واسود
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد