#حرب_الملوخيه #الليله٢٣٨ #اصل_الحكايه #الجزء_الثالث
#حرب_الملوخيه
#الليله٢٣٨
#اصل_الحكايه
#الجزء_الثالث
ويدور الزمان
وبعد ما اتخانقنا مع الهكسوس علشان مناكلهاش
وتخانقنا مع الحاكم بامر الله علشان ناكلها
ينط لنا اليابانيين وييجى دكتور يابانى اسمه كوسوكى ايمورى ف جامعة تاكو شوكو
و اسامى كده جايه من كرتون كونان
الراجل ده كان جاى مصر يدرس اللغه العربيه
ولكن وقع ف غرام الملوخيه
حضرة الاستاذ توجومورى ده ولا كوسوكى ايمورى بعت منها لاهله ف اليابان.
وبسلامته استاذ متخصص ف علم النبات
وبالتالى خد كام عود ملوخيه وبدل مايقطفهم وهو ساكت
ويقعد يخرطهم للمدام زى عبد المنعم ابراهيم ف قصر الشوق
وهى ترقصله زى ناديه لطفى وتغنيله بس قولوا لامى طب وانا مالى
لاء .. دا هو ومراته حللوها
وعد معايا ياسيدى
**- ماده تقاوم الخلايا السرطانيه
**- جميع مركبات فيتامين ( ب ) ولقى فيها قيمه غذائيه عاليه جدا للطفل ونضارة البشره
يسكتوا
لاء
عملوا مؤسسة للملوخيه 😂😂
واستوردوا من مصر اطنان من الملوخيه
( ٤٥ طن ملوخيه ناشفه )
دا غير البذور اللى استوردوها وحللوا ..
وعملوا ايه ف المؤسسه دى ... و بعد ما استزرعوا كميات كبيره
يسكتوا على كده
ابدا
عملوا مصانع !!!
طب تصنع ايه من الملوخيه ؟؟؟؟؟
خد عندك
**كبسولات دوائيه لعلاج السموم
**وضغط الدم
**والسكر
**والامراض المستعصيه
زى السرطان
وفى دكاتره يابانيين مبيعالجوش مرضاهم الا بالملوخيه
يسيبوها .... لاء قمت مديله خد عندك
**خبز بالملوخيه
**مكرونه بالملوخيه
**كعك بالملوخيه
**وخد التقيله بقى ايس كريم ملوخيه
**مستحضرات تجميل
**اغذية اطفال
**واكياس شاى
اه والله ... علشان بعد كده لما حد يعيب على شايك الوحش ويقول دا زى مايكون ملوخيه
قوله انا فعلا ارقى لمستوى اليابانيين وصوره له هنا 👇
لاء وكمان سموها ملكة الخضروات
وألفوا عنها كتب
المهم انهم من كتر فرحتهم بالملوخيه واللى عمالين يعملوه بيها يقوموا يسجلوها كمنتج يابانى
ناااااااااعم 😳
اه من اللى بتحط ايدك ف وسطك وانت بتقولها دى 👈👯♀️
اقولها وانا حاطه ايدى ف وسطى كده👯♀️
اه يا مصريين فى حرب حاليا من سنه ٢٠٠٢
لما اليابانيين سجلوا الملوخيه باسمهم ونحن لا ندرى عنها شيئاً
ورثنا بيضيع ياخوانا
اتصرفوا بقى احنا ضيعنا اليهود بيقولوا الاهرامات بتاعتهم
واليابانيين بيقولوا الملوخيه بتاعتهم
احنا اللى بناكل الخيه من ايام الهكسوس يا جدعان
ييجى بتوع بلاد الواق الواق دول يقولوا الملوخيه هى منتج يابانى
اه ... اليابان هى بلاد الواق الواق اللى كانت بتتقال زمان ف كتب زمان
والهند هى بلاد تركب الافيال
اما بحر الظلمات يا لطيف اللطف فهو المحيط الاطلنطى
ولكن لهذا حكايه اخرى
#حرب_الملوخيه
#اصل_الاشياء
#سلسلة_حكايه_ورا_كل_اكله
#ابتسام
تعليقات
إرسال تعليق