#حدوتة_انا_صغيره
#حدوتة_انا_صغيره
حدوتة النهارده صغننه وحاجه كده خفيفه
مالهاش هدف محدد منها لكن دمها خفيف
و الغريب انها مش شعر ولا زجل بس بتتحفظ بسهوله
انا لما بحكيها لجيل دلوقتى بعمل تعديل لتتوافق مع العصر ههههه
هحط تعديلى للكلمه بين قوسين علشان تعرفوا النص الاصلى
انا صغيره👧
وعشتى (شقتى ) صغيره🏠
قعدت بكنسها
لقيت جنيه ...(100 جنيه ) 💸
جبت به لحمه🍖🍖
حطيتها ع الوابور (البوتجاز )🍙
جت القطه كلتها🐱
مسكت القطه ضربتها 🐈
جت صاحبة القطه خانقتنى😠
قولتلها تعالى نروح للقاضى👳
قولتله يا سيدى ياقاضى
قالى نعم يا ستى 💁
قولتله انا صغيره👧 ....
قالى خلقة ربكى 👐
قولتله وعشتى (شقتى ) صغيره🏠 ...
قالى على قدكى
قولتله قعدت بكنسها ...
قالى لنفسكى
قولتله لقيت جنيهة ... (100جنيه )💸 ...
قالى من رزقكى
قولتله جبت به لحمه ...
قالى من نفسكى
قولتله حطيتها ع الوابور (البوتاجاز) ...
قالى ف محلكى
قولتله جت القطه كلتها 😭😭😭 ...
قالى من خيبتكى 😡
قولتله يا قاضى القضيه يوه جتك زاظيه 😠
تسيب القطه الحراميه وتتشطر ع الوليه😧😢
احكوها لولادكم واستمتعوا بضحكتهم ...
واستحملوا زنهم لما يطلبوا تعيدوها تانى
#من_حكايات_امى_الله_يرحمها
#اناصغيره
#ابتسام
تعليقات
إرسال تعليق