#القرد_والتمساح #الليله٢٤١ #الجزء_الثانى
#القرد_والتمساح
#الليله٢٤١
#الجزء_الثانى
طبعا اجارك الله لما يكون فى ست غرضها ف حاجه وجوزها مش موافق
هتشغل الزن
والالحاح لحد ما يوافق
طب لو موافقش ... تشغل السهوكه
ياستى دا صاحبى
دا بينا عيش وفاكهه ... بس تقول لمين ؟؟
واذا مجاش بالالحاح ... ولا بالسهوكه ... يبقى ييجى بالحيله ...
وانا تعبانه يا زوجى العزيز وميعالجنيش الا قلب قرد
وضحى بمراتك بقى يا تمساح يا خاين علشان صاحبك
ودخلت التمساح المسكين فى جدليه اخلاقيه اضحى بصاحبى ولا بمراتى
وللاسف اختار يضحى بصاحبه
مع انه كان ممكن يفكر ف انه يجيب لها قرد تانى وميضحيش بصاحبه
القرد يتعوض او ميتعوضش بس ... الا ام العيال
وراح التمساح على القرد وهو مقرر الغدر
وقاله : مراتى بتشكرك اوى على الفاكهه اللذيذه .... وعاوزه ترد لك الجميل وتعزمك عندنا ف البيت
فرح القرد بان بقى له اصدقاء وبيحبوه
وبيعزموه وبيعزمهم وقرر انه ينزل من على شجرته ويقبل عزومة اصدقاؤه
بس فى مشكله ... هاوصل لبيتك ازاى يا تمساح وانا مش بعرف اعوم
قاله التمساح : متخافش انا هشيلك على ضهرى
ونزل القرد على ضهر التمساح
ولما نزل القرد لضهر التمساح ونزل التمساح ووصل لنص النهر
بدأ التمساح يحكى الحقيقه لصاحبه
قاله : الصراحه ان زوجتى مريضه علاجها انها تاكل قلب قرد
واتخض القرد خصوصا انه ف وسط الميه ودا خلاه محتار
لو فكر ينط ف الميه هيموت
ولو كمل طريقه مع التمساح هيموت
ياترى هيعمل ايه ؟؟
هل فى حل للقرد ؟؟
موقف القرد على ضهر التمساح فكرنى بالقصه دى
الليله٣٢
اخرة خدمه الغز علقه
https://www.facebook.com/102264164820545/posts/130835568630071/
ولنا ف الغد تكمله باذن الله
#القرد_والتمساح
#ابتسام
تعليقات
إرسال تعليق