#القرد_والتمساح #الليله٢٤٢ #الجزء_الثالث

#القرد_والتمساح
#الليله٢٤٢
#الجزء_الثالث

وقفنا عند ان التمساح قرر انه يضحى بصاحبه علشان التمساحة مراته قالت له علاجها انها تاكل من قلب قرد  

نرجع للقرد ومعضلته ينط ف الميه ويغرق علشان ميستفادوش به ولا بلحمه 

ولا يكمل معاه ويموت ضحية الصديق الخاين 

بس دا قرد 

ذكى يعنى 

وعلشان كده قال للتمساح ان زعلان جدا على مرض زوجتك ويسعدنى بشدة  انى اساعدها على الشفاء 

بس انا نسيت قلبى على الشجره 

فممكن نرجع للشجره واجيب قلبى واقدمه لزوجتك هديه 

صدق التمساح كلام القرد 

ووصل القرد للشجره  وطلع بسرعه 

والتمساح تحت مستنيه ينزله بالقلب 

بس لقى القرد بينده عليه ويقوله : 

انت متستاهلش صداقتى اذا مكانش بسبب خيانتك للصداقه ، يبقى علشان جهلك وغبائك انت مش عارف اننا شايلين قلوبنا جوه صدورنا 

انا مش هديلك ثقتى ابداً

 

وكمان مش هديلك  فاكهه تانى 

واكيد مش هتاخد قلبى 

امشى من هنا واوعى تيجى تانى تحت شجرتى 

ساعتها حس التمساح بالندم بعد ما خسر صديقه و خسر الفاكهه اللى بيحبها 

اتعلم التمساح الدرس وعرف ان الخيانه عمر ما تكون لها عواقب كويسه 

وان هو ضحى بحاجه كانت مستمره معاه علشان منفعه مؤقته وياريته حتى طالها 

واتعلم القرد ان الوحده خير من جليس السوء

وان لازم نشغل عقلنا طول الوقت وان حتى لو حسينا ان النهايه حتميه ممكن بردو نلاقى منها مفر 

واتعلمت مرات التمساح ان حتى لو خدعت جوزها علشان يخون صديقه فهى مش هتفضل تخدعه طول الوقت 

خصوصا ان ... اللى  بيصدقك مره وبتطلع كداب 

عمره ما هيصدقك تانى حتى ولو انت كنت صادق المرادى لان هو خلاص فقد ثقته فيك 

واتعلمنا احنا من الحدوته ان فى نبات اسمه الجامبو 

واتعلمنا ان فى بلاد المطره فيها فى الصيف وبتكون اسمها مناطق استوائيه او موسميه 

واتعلمنا ان التمساح ممكن يعيش على الارض او فى الميه 

وانه مش محتاج يرفع راسه لفوق علشان يشوف لان ربنا جعل عنيه فوق راسه مش على الجنبين

واتعلمنا من القرد نشغل عقلنا

 

واتعلمنا منبقاش زى التمساح ونقابل الاحسان بالاساءة

#القرد_و_التمساح 

#ابتسام