#فاتت_جنبنا
#فاتت_جنبنا
المره دى مش هحكى الحكايه
هاسيبكم تسمعوها بلسان احد ابطالها
او هو البطل الوحيد ف الحدوته
فاتت جنبنا
الاغنيه دى بحبها اوى
اساسا لما بسمعها بحس كأنى بتفرج على مسلسل مشوق ومستنيه الحلقه الجايه
او فيلم تشويق من اللى بتأجل دخول الحمام او عمل الشاى لوقت الاعلانات 😉
الكلمات لحسين السيد
والالحان محمد عبد الوهاب
وطبعا ملك الاحساس والرومانسيه والسهوكه عبد الحليم حافظ
بتقول د. حامده بنت حسين السيد ان باباها كتب ف الاغنيه ان بطلة القصه
هتكون معجبه بصاحب عبد الحليم
بس عبد الوهاب اقنعه انه يغير النهايه
بيقول عبد الوهاب ان ايامها عبد الحليم كان عنده جلطه ف رجله لكن كان مصمم انه يحضر البروفات بنفسه فاتعملت ف بيته وهو على كرسى ورافع رجله على كرسى
لمده ساعه و١٠ دقايق بتعيش ف حاله حلوه بين
ترقب
وتشويق
وامل وفرح ودموع
وشويه ويعمل المفتش كورونبو علشان يعرف طريقها
لحد ما توصل للنهايه السعيده
وبعد ما خلصت شوية اللفلفه ف الاغنيه نوصل للنتيجه اللى اتعلمناها والفايده اللى لازم نستخلصها من الموضوع
اولا البنت
كانت مش مؤدبه وماشيه ف الشارع تبصبص للصبيان وتضحكلهم
ومش ولد ولد لاء دى كانت بتعاكس الاتنين مع بعض لوكشه واحده
ثانيا عبد الحليم
بيتكلم طول الاغنيه عن صاحبه انهم متلازمين
يعنى بيمشوا دايما سوا
ولما يلاقيه بيضحك
و لما بيبانله ف عينه شكوى
يعنى قاعدين علطول مع بعض
اكلين
شاربين
حابين
متثبتين من البنوته سوا
ومع ذلك يامؤمن
كل اللى شاغله ان البنت تحبه هو😆
وف النهايه لايسعنى الا ان اقول
وقفة الراجل🧍♂️
بمليون ست🧍♀️🧍♀️🧍♀️🧍♀️🧍♀️
بس لوحضرت الست💃 ...
يغوووور الراجل 🦵🤸♂️
وقالتله انا من الاول بضحكلك يااسمرانى ...
يا اسماااارااااانى
ف الاخر نصيحه
اقرأ وردك من القرآن
وادى فرضك
ولو حبيت تروح قلبك ساعه و١٠ دقايق اسمع فاتت جنبنا
او شغلها ف العربيه
او شغليها وانت بتغسلى الملاعين
وتحت 👇رابط الغنوه ع الساوندكلاود
https://soundcloud.com/user78019026/ihlhgbdnhh2r
#غنوه_وحدوته_ومش_ابله_فضيله
#ابتسام
تعليقات
إرسال تعليق