#القرد_والتمساح #الليله٢٤٠

#القرد_والتمساح 
#الليله٢٤٠

كان ياما كان
 
ف غابه بعيده .. بعيده 

قرد عايش على شجره

كانت ثمار الشجره لذيذه والقرد بيحبها اوى 

كان ثمر الشجره دى نبات اسمه الجامبو 
كان لذيذ وكتير  و القرد بيحبه اوى 

بس القرد مكانش مبسوط  علشان كان عايش لوحده مالوش اصحاب ولا جيران 

والمثل بيقول الجنه من غير ناس ما تنداس 

بس الشجره كانت بتحميه من شمس الصيف ومن مطره 

اصل الغابه اللى عايش فيها القرد المطر بيكون فيها ف الصيف مش زى عندنا المطر ف الشتا  

و على فكر مطرة الشتا دى ف اماكن قليله ف العالم منها مصر لان اغلب العالم المطر فيه بيكون ف الصيف

المهم

وف يوم من الايام لقى تمساح جاى يتمسح ( بايخه بس معلش مقدرتش امسك نفسى من الالشه ) 

و يعوم من النهر اللى جنبه وووصل للشط وراح تحت ضل الشجره اللى فيها القرد  وريّح كده 🐊

ولما دارت عنيه لفوق لان التمساح مش بيعرف يرفع رقبته

شاف القرد 

سلم عليه وقاله ازيك يا قرد 

رد القرد السلام 

قاله ممكن اسألك على مكان الاقى فيه اكل ؟؟؟

انا مش لاقى حاجه اكلها من الصبح حتى النهر مفيش فيه سمك النهارده

رد القرد قاله : انا معرفش السمك فين علشان انا مش باكل سمك 

معرفش مكان تانى غير الشجره دى 

انا باكل من الجامبو البنفسجى الطازه اللذيذ

تحب تدوقه ؟؟؟

حدفله كام واحده 

والتمساح اكلها من جوعه 

بس لما داقها لقاها لذيذه اوى 

وطلب منه تانى 

والقرد كريم 

والشجره ثمارها كتيره والقرد فضل يحدفله من ثمارها لحد ما شبع 

القرد قاله كل ما تعوز تانى تاكل تانى تعالى كل 

و اتصاحبوا 

القرد لقى فيه الصديق والونيس اللى محتاج له 

والتمساح عجبة ثمار الجامبو 

وبقى كل يوم التمساح ياكل من عند القرد 

حتى لو كل سمك من النهر 

بردو يروح لصاحبه القرد يرميله من شجرته اللى بقى  بيحبها اوى 

ومبقاش يعدى يوم من غير ما يزور صاحبه اللى بيحدفله من ثمار الشجره 

وف يوم وهم بيتكلموا حكى التمساح عن زوجته واسرته 

ساعتها القرد قاله وانت ليه ما قلتليش انك عندك زوجه 

عموما خد بعض من ثمار الجامبو اللذيذه ووصلها لها 

وخد التمساح لمراته اللى عجبتها اوى الثمار وقالتله دى لذيذه اوى 

قالها : اه فعلا 

قالت له بخبث : ياترى طعم لحم الحيوان اللى بياكلها ايه ؟؟

واتخض التمساح من التلميحات الخبيثه لمراته 

وقالها يكون طعمه زى ما يكون 
واحنا مالنا ومال طعم اللى  بياكلها

دا صاحبى  

لكن الزوجه مسكتتش 

واشتغلت بقى 

تخيل معايا يا زوجى العزيز طعمه هيكون اكيد الذ من طعم الثمره نفسها

طب اقولك رأى 

ياترى هتنصحه بايه 

احنا عارفين ساعات النصيحه بتكون مصيبه

طب فاكرين قصة الراجل ده مع مراته 

الليله٩٩
نصيحة اوعى تأمن لل٣ دولم
https://www.facebook.com/102264164820545/posts/157933385920289/

الليله١٠٠
الجزء الثانى
https://www.facebook.com/102264164820545/posts/158281552552139/

#القرد_والتمساح
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد