#اتوكس #الليله٢٦٧

#اتوكس

#الليله٢٦٧

اتوكس

جتك وكسه

ياموكوس

بما ان موضوع (منيل) عجبكم وبما انى بحب الشتيمه  .... بس مش على طريقة وبخنى

 

لاء ... بحب ابقى عارفه معنى الشتيمه اللى بسمعها 

قولت ادور على اصل موكوس بعد ما اتأكدت من اصل موضوع (المنيل) 

والرابط بتاعه اهه : 

اتنيل جتك٦٠نيله

https://www.facebook.com/102264164820545/posts/236534718060155/

اتوكس بقى  كلمه فرعونيه بردو ... 

اصلها من مقطعين ( تى ) يعنى اعطى ...  

و( كوس ) يعنى دفن 

 اللى كانت فى الهيروغليفيه ( قوس ) 

 

واتخففت ف القبطيه لكوس  (دفن)

وبالتالى الكلمه عل  بعضها اعطى نفسك دفن 

يعنى بالبلدى كده وزى ما بنقولها دلوقتى ( روح ادفن نفسك )

يبقى مينفعش حد يقول للتانى اتنيل يا موكوس 

اصل ازاى راح دفن نفسه وبعدين زعل عليها 

انما ممكن تقول اتوكس يا منيل 

يعنى ازعل وروح ادفن  نفسك 

كده الشتيمه صح ... وقدماء المصريين يحبوك وميزعلوش منك يمكن كمان يكرموك 

و ممكن يسموك اله السب عند 

المصريين 

اصل الصراحه كان عندهم لكل حاجه اله 

فخلى بالك وانت بتشتم متضحكش علينا الفراعنه 

وخلى بالك من حاجه كده 

ان المصريين اتعرضوا للاحتلال كتير اوى 

ودا اتسبب ف  ان لغتهم اختفت 

احتلنا فرس ويونانيين ورومان

اليونانيين فضلوا على قلبنا قرب ال٣٠٠ سنه 

اما الرومان فاحتلالهم لمصر عدى ال٦ قرون 

لكن مع ذلك فضلنا محافظين على تراثنا من  الشتيمه وقلة الادب 

اه ... اصل كله الا الشتيمه ...

 ال ينسونا شتيمة اجدادنا ال 

على مين ....؟؟ يتنيلوا .... يتوكسوا 

كله كوم وتراثنا كوم  

وبما اننا قاعدين عند الفراعنه دا يخلينا نفكر كده هى اللغه الهيروغليفيه راحت فين ؟؟؟ 

وليه انقرضت؟؟؟

و هو يعنى ايه اهمية حجر رشيد؟؟

وايه اهمية اللى عمله شامبليون ؟؟

طب ازاى ماتت الهيروغليفيه ؟؟

وهو معقوله اللغات بتعيش وتموتك ؟؟

طب عرفت منين الكلام اللى بالقبطيه ؟؟ 

وهى القبطيه كانت مصريه قديمه ؟؟

طب ليه استمرت والهيروغليفيه اختفت ؟؟؟

هقول الكلام ده كله ...

ولكن لهذا حكايه اخرى

#اتوكس

#روح_هاتلك_حتة_نيله_اتوكس_بيها

#اوعى_تبقى_حافظ_مش_فاهم

#ابتسام