#البخيل_ابن_البخيل #الليله٢٧٤ #الجزء_الثانى

#البخيل_ابن_البخيل
#الليله٢٧٤
#الجزء_الثانى 

وابتدى الولد يحكى قاله انت قلتلى عاوز احلى لحم 

وانا دورت ف السوق وسألت لحد ما وصلت لاحسن جزار بيبيع احلى لحم

ولما قولتله عاوز منك احلى نص كيلو لحم

قالى هديلك لحمه طريه زى الزبده 

ولسه هيقطع فكرت بسرعه كده وقولتله استنى ✋

اصل لو حجيب لحمه زى الزبده يبقى كده الزبده احسن من اللحمه ... طب ليه مش اجيب زبده 

وسيبته 

ورحت للبقال وقولتله عاوز نص كيلو زبده من احسن زبده موجوده عندك
رد البقال وقال :

هجيبلك احلى زبده ... زبده صافيه كأنها عسل نحل صافى 

وساعتها قلت استنى ✋

اصل مادام هجيب زبده زى عسل النحل الصافى

طب ما اجيب عسل نحل صافى لانه اكيد  الافضل

وعنها ورحت عند العسال

وقلت له ادينى نص كيلو عسل من احسن عسل عندك 

ورد العسال وقالى هديلك من احسن عسل 

هديلك عسل زى الميه الصافيه 

وساعتها فكرت وقلت له استنى ✋

وقلت مادام ع الميه الصافيه فالميه عندنا ف البيت صافيه ومفيش اصفى ولا اجمل من كده 

وخدت بعضى ورحت جاي ع البيت وحالاً يا عمو  هيكون عندك الميه  

كل ده والشيخ حسن هيسقط من طوله من الجوع 

وهيطرشق من الغيظ 

بعد ما كان بينام من الملل 

وكان عنده امل ضعيف ف  رد فعل الريس دياب على اللى قاله ابنه 

وفعلا بدأ الريس دياب يأنب ابنه ويلومه

وقاله بأه كده بردو تعمل كده 
انت كده غلطان 

انت مش عارف انك بالوقت الطويل ده اللى قضيته ف اللف على محلات الجزار والبقال والعسال كنت عمال تستهلك ف مداسك وتدوبه 

وهنا كان الضيف خلاص  هيبكى لما عرف ان دى بس هى مشكلة الريس دياب

ورد الابن بسرعه يطمن باباه ويدافع عن نفسه 

قال له : لاء ... متخافش يا بابا 

انا كنت طول الوقت لابس حذاء الضيف 

وهنا يا حرام الشيخ حسن وقع من طوله
 
الراجل يا حرام كان عنده سكر ومش حِمل اللى اتعمل فيه دا كله 

ولكن سطل ميه ساقعه  وصافيه من ايد مصطفى رجعت الوعى للشيخ حسن 

اللى لملم عبايته وعصايته 

وخرج جرى من البيت يلحق ياكل ف اى مكان 

بس صديقه الريس دياب خرج وراه يوصله  ويودعه ويوعده بزياره عن قريب يرد له بها الزياره ... ويستمتع بضيافته الكريمه هو و ابنه مصطفى 

وتوته توته خلصت الحدوته

وزى ما بيقولوا :  
البخيل لماله ، أما ماله فليس له.

#البخلاء 
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد