#وَلَقَدْ_أَخَذْنَا_آلَ_فِرْعَوْنَ #الليله ٢٩٣ #سيدنا_موسى_الجزء_ال١١

#وَلَقَدْ_أَخَذْنَا_آلَ_فِرْعَوْنَ

#الليله٢٩٣

#سيدنا_موسى_الجزء_ال١١

ابتدا  عذاب ال فرعون 

بالجفاف ونقص الثمار اللى ربنا قال عليه  (السِّنِينَ)

طب مبدأياً كده  انا هنعرض الروايه فى القرآن كما ذكرها المولى عز وجل

وهنعرض لما قاله اليهود فى تلمودهم 

فى شويه تشابه وشوية اختلاف واحنا علينا طبعا نتعلم تعاليم دينا الاسلامى بس 

لكن بردو ميمنعش اننا نعرف الناس التانيين بيفكروا ازاى 

وزى ما متعودين بوضح ان كل حاجه  مصدرها ايه 

يعنى لو قرآن بذكر الايه 

ولو حديث صحيح كذلك 

وكمان لو من علماء المسلمين زى ابن عباس  او ابن كثير او غيرهم 

وكمان لو من كتاب بنى  اسرائيل بردو بوضح ده 

و لذلك هنقول الاول ازاى ذكر عذاب فرعون و قومه فى القرآن

#فى_الاسلام 

وقفنا الليله اللى فاتت عند الايه دى والكلام عنها

وربنا قالنا  : 

(وَلَقَدْ أَخَذْنَا آلَ فِرْعَوْنَ بِالسِّنِينَ وَنَقْصٍ مِّنَ الثَّمَرَاتِ لَعَلَّهُمْ يَذَّكَّرُونَ) (130)الاعراف 

 

(فَأَرْسَلْنَا عَلَيْهِمُ الطُّوفَانَ وَالْجَرَادَ وَالْقُمَّلَ وَالضَّفَادِعَ وَالدَّمَ آيَاتٍ مُّفَصَّلَاتٍ فَاسْتَكْبَرُوا وَكَانُوا قَوْمًا مُّجْرِمِينَ) (133)الاعراف

٢ - الطوفان

طب ايه الطوفان دااا

الطوفان يعنى الفيضان يعنى الاتنين عكس بعض

استنى استنى 

انتى قلتى ان الليله اللى فاتت ان السنين يعنى الجفاف

وربنا سبحانه وتعالى اراد يريهم ان النيل مصدر حياتهم اللى معتبرينه إلاه الاله حابى من كتر غلاوته واهميته 

لو ربنا اراد هيكون مصدر تعاستكم وذلكم مره بالنقص 

ولما تعانوا من النقص وتتمنوا الزياده يزيد ويزيد ويزيد لما يفيض 

وساعتها 

هيغرقكم ويغرق زرعكم ومواشيكم وبيوتكم ويضيع كل اللى بتملكوه 

علشان ساعتها يزيد عليكم الفقر والجوع 

تصابوا بالامراض والاوبئه نتيجه لزياده نفوق الحيوانات وموتها وتلويثها لكل حاجه فتنشر الامراض والاوبئه 

٣ - الجراد

سئل رسول الله صلى الله عليه وسلم عن الجراد فقال : " أكثر جنود الله ، لا آكله ، ولا أحرمه "

لان فى ناس كتير بتاكله 

وقال صلى الله عليه وسلم كمان

أما الجراد : فرجز وعذاب

ويقال ان الجراد اكل كل شئ حتى مسامير ابوابهم فكانت تأكل المسامير وتسيب الابواب 

معلش وسعت دى ازاى حاجه معروف انها بتاكل النباتات 

وحتى لو كانوا زى ما بيتقال عليهم بياكلوا الاخضر واليابس 

المقصود باليابس النباتات برده بس الجافه زى جذوع الاشجار 

مش تقولى الحديد 

طب معايا واحده واحده 

اولاً المنطق بيقول زى ما بتقول كده 

ايه ؟؟ 

انت ماقلتش وانا اللى بقول ؟؟

ماشى ما انا اصلا قرأت افكارك .. وعرفت انك هتسال السؤال ده 

بس مش كلنا سمعنا وشوفنا الناس اللى بتاكل الحديد والزجاج .. وغيرهم لو مش مصدق فى مقاله لسه قارياها عن واحد فرنساوى كان مشكله 

انصحكم تقراوا المقاله وتتابعوا كاتبها لان فعلاً المحتوى اللى بينزله متميز جدا 

نرجع للجراد يعنى هى صعبه على اللى خلى الشجر الجاف ( عصى موسى) انها تتحول لثعبان يأكل ما يأفكون انه يخلى الجراد يأكل الحديد 

وفى  وصف عن الجراد عجبنى وحبيت تشاكونى فيه 

(سئل شريح القاضي عن الجراد ، فقال : قبح الله الجرادة . فيها خلقة سبعة جبابرة : رأسها رأس فرس ، وعنقها عنق ثور ، وصدرها صدر أسد ، وجناحها جناح نسر ، ورجلاها رجلا جمل . وذنبها ذنب حية ، وبطنها بطن عقرب )

جبار الجراد ده متستهونوش به هنزل كام صوره له اتاملوهم 

المهم ان فرعون خاف وقال لسيدنا موسى ادعوا لنا ربك يرفع عنا العذاب 

وهخليك تاخد بنى اسرائيل وتمشى 

ركز كده ف اول الكلام ادعوا ربك يعنى هو عارف ان ربنا هو اللى ف يده سبحانه انه يبعد عنهم البلاء 

لاء ... والاهم انه كده معترف ان فى ربنا اساسا 

طب ايه مشكلتك يافرعو طب تأمن يا راجل ؟؟؟

بس اول ما ربنا رفع العذاب عنهم رفض اطلاق بنى اسرائيل ولحس كلامه 

علشان كده كان العقاب الرابع

٤ - القُمل

طبعا هم قالوا ان هنقفل بيوتنا علينا ومفيش كده لو رجع الجراد تانى مش هيعرف ياذينا 

بس اللى جه يدخل من اى فسفوسة هوا 

فى من العلماء المفسرين اللى قالوا انه يبقى السوس اللى بيطلع ف القمح والحبوب 

لدرجة ان الراجل القبطى من دول يجيب ال ١٠ اشوله قمح علشان يطحنهم ميطلعش منهم الا ما قيمته ٣ والباقى سوس 

وفى مفسرين قالوا دا البراغيث تفضل تقرص فيهم وتهرى جتتهم 

وفى قالوا القمله اللى هى بتبقى على راس الاقرع دى وبتقول اخر زوحليقه يا عمو 

وفى قالوا انه القُراد مره شفت صوره لقُراده ف جسم كلب كانت غارسه جسمها ف جلده لحد نصها 

علشان كده بيقولوا على الانسان الرزل انه 

لازق زى القراضه 

او زى القراضه ميطلعش الا بالدم منستهونش يعنى 

نكمل بكره باذن الله

#حبيبي_القرآن

#يارب_اكون_فهمتها_صح

#اكثر_من_ذكرت_قصته_في_القرآن_سيدنا_موسي١١

#ابتسام