#ولقد_اخذنا_ال_فِرْعَوْن #الليله٢٩٧ #سيدنا_موسى_الجزء_ال١٥

#ولقد_اخذنا_ال_فِرْعَوْن

#الليله٢٩٧

#سيدنا_موسى_الجزء_ال١٥

وزى ما حكينا عن العقوبات اللى ربنا عاقب بها بنى اسرائيل ف الاسلام نكملها ف اليهوديه

#فى_اليهوديه

ف المرادى هنحكى ازاى ان ربنا عاقب فرعون واتباعه بس من الزاويه اللى حكاها اليهود فى التوراه والتلمود 

وهنلاحظ ان ممكن الترتيب بين  الحوادث دى بين كلاً من القرآن والتوراه مختلف اكيد طبعاً الاصدق هو القرآن الكريم لان ربنا قال :

(إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ )(9)الحجر

بس بردوا نحب نسمعها كحدوته وزى ما قال لنا

خير الورى لا تصدقوا اهل الكتاب ولا تكذبوهم ولكن قولوا سمعنا واطعنا 

وزى ما بيسميها اهل الكتاب الضربات

وقرات ان الضربات دى كانت موجهه لفرعون فى الهته اللى بيعبدها وفى فشلها ف انها تنقذه من عذاب الله

مثلا

 ١ - الدم

 تحول الأنهار والمياه إلى دم وإماتة السمك وكل الأحياء المائية بعد ان مد سيدنا موسى عصاه الى الماء 

كانت ضربه للاله حابى اله النيل 

٢ - الضفادع 

 بعدها ب٧ ايام ...

كانت ضربة الضفادع

فبعد رفض فرعون ان يطلق بنى اسرائيل (( شعب الرب )) مع سيدنا موسى فكانت ان مد سيدنا هارون يده الى الماء فخرجت كل الضفادع 

وكانت بان  باطلاق بنى اسرائيل ولما دعا سيدنا موسى ربنا ماتت كل الضفادع لدرجة انها انتنت الارض كلها 

وبعد ما رفع ربنا الضفادع  رجع فرعون ف كلامه 

٣ - البعوض

ثم مد سيدنا هارون عصاه الى الارض فغطى الباعوض كل البشر والحيوانات

تكاثر البعوض وزهقهم وغلبوا معرفوش يخلصوا منه والمستشارين نصحوا فرعون انه يكلم موسى يطلب من ربه يرفع غضبه مقابل  ان فرعون  يطلق بنى اسرائيل بس فرعون رفض تكبر 

٤ - الذباب

تكاثر الذباب وعشش فى بيوت المصريين دونا عن  بيوت اليهود وملا البيوت واصبحت الحياه لا تطاق 

بعد الباعوض والذباب

اتحايل فرعون على سيدنا موسى وسيدنا هارون وعد باطلاقهم ليخرجوا ويذبحوا الذبائح لله  بس سيدنا موسى يشيل العذاب 

بس لما دعا سيدنا موسى ربنا يشيل الذباب والباعوض  نكث فرعون بوعده كالعاده

٥ - ماتت كل المواشى 

ودى كانت ضربه للالهه الفرعونيه 

آبيس وكان على شكل عجل

هاتور ودى كانت على شكل بقره 

خنوم على شكل كبش

اللى مقدرتش الالهه دى كلها تحمى الحيوانات اللى المفروض انها تباركها 

بس المرة دى فرعون كان طيب وقال لسيدنا موسى هاسمح بخروج الرجاله بس 

اما النساء والاطفال فيفضلوا مستمرين ف اعمالهم

يابجاحتك يا اخى ... دا حتى اى اسرى بيكونوا من الرجال وبيطلق سراح النساء والاطفال

تقوم انت تقول احتفظ بالنساء واطفالهم و يكملوا شغلهم 

يعنى الاسره كده عادى ان الراجل يعيش حياته وزوجته واولاده محبوسين عند ف السُخره 

٦ - الغبار 

ويقال ان سيدنا موسى خد من تراب الفرن ونفخ فيه فى الهواء امام فرعون فنزل على الارض وكان انه تسبب فى البثور والدمامل واللى ماسابتش انسان ولا حيوان الا لما اصابته 

 ٧ - إنزال الرعد و البرد  برد لم تشهده مصر 

ونار جرت على الارض من ضربات الصواعق  

 

اللى احرقت المواشى والزرع وما تركت شجره الا شقتها نصفين 

فبيقولوا ان ربنا اخبر موسى انه ينذر قومه ان اللى مش هيدخل مواشيه داخل البيوت هينزل عليها البرد وتموت

واللى عمل كده من قوم فرعون حمى حيواناته اما الباقى  

فمات كل الزرع 

ودى كانت ضربه ل نوت الهة الجو 

ورجع تانى فرعون يعيط لسيدنا موسى خلى ربك يرفع البرد والغبار وانا اطلق بنى اسرائيل معاك 

بس لما ربنا شال البرد رجع قال هاسيب الرجال بس يمشوا معاك اما النساء والاطفال فخليهم يعملوا ف السخره تحت بدى زى ما هم 

٨ - الجراد

وكانت الضربه للاله ايزيس الحاميه من الجراد 

فارسل الله الجراد برياح شرقيه ورفعه عن البلاد برياح غربيه لتطرحه الرياح فى البحر الاحمر 

 ٩ - الظلام

اما الظلام فاستمر على مصر ٣ ايام بدون شمس 

والغريب ان بيوت بنى اسرائيل او ارض جاسان كانت منوره عادى 

وساعتها فرعون قاله امشوا اعبدوا ربكم بس اتركوا اغنامكم ومواشيكم

ولما رفض سيدنا موسى فرعون من جبروته توعده وقاله  لا ترى وجهى فان رأيت وجهى تموت 

لا يا شيخ بقى بعد دا كله متهديش يا فرعون 

بس سيدنا موسى رد وقاله نعماً قلت ، انا لا اعود ارى وجهك 

١٠ - موت الأطفال البكور للمصريين

ودا كان اخرهم من بعدها

طبعا مافى بيت فى مصر الا كان يصدر منه الصراخ والعويل على ميت لهم 

دا حتى بكور الحيوانات مسلموش من عقاب ربنا 

بس بعد كده سمح لهم فرعون انهم يخرجوا من مصر بنسائهم  وموالهم ومواشيهم 

دول حتى استعبطوا وخدوا اموال ذهب القبط معاهم وهم سايبين البلد وماشيين 

يعنى هو لو كانت الستات بعتوا عيل صغير بيخبط ع الجاره المصريه ويقولها امى بتسلم عليكى وبتقولك شكرا على الغويشه ولا الكردان كان هيحصل حاجه 

ولا حتى لو كانوا سابوا الدهب ف البيوت وكل واحده تدخل البيت الفاضى تلاقى حاجتها مركونه على جنب كان جرى حاجه 

والله ما كان هيحصل حاجه 

بس تقول ايه ؟؟!!!

دول حتى بيقولوا ف كتبهم المقدسه ان سيدنا موسى هو اللى قالهم اعملوا كده وابعتوا خدوا دهب المصريين وطبعا حاشا لله ان نبى يعمل كده 

بس هم كده دايما من طبعهم عكس الحقايق 

والباسها بالباطل  

نكمل بكره 🥺؟؟؟

نكمل بكره هاه ☺ ؟؟؟

#حبيبي_القرآن

#يارب_اكون_فهمتها_صح

#اكثر_من_ذكرت_قصته_في_القرآن_سيدنا_موسي١٥

#ابتسام