#وَإِذْ_فَرَقْنَا_بِكُمُ_الْبَحْرَ_فَأَنْجَيْنَاكُمْ٢ #الليله٢٩٩ #سيدنا_موسى_الجزء_ال١٧

#وَإِذْ_فَرَقْنَا_بِكُمُ_الْبَحْرَ_فَأَنْجَيْنَاكُمْ٢

#الليله٢٩٩

#سيدنا_موسى_الجزء_ال١٧

زى ما قلنا الليله اللى فاتت نده سيدنا موسى لكبار قومه سناً وعلماً

وقالهم  

تعالوا يا جماعة  شوفوا الغرقه اللى احنا فيها دى وفكروا ايه السبب  فى سبب يمنعنا من الخروج ومخلينا عمالين ندور كده حوالين نفسنا واحنا المفروض نبعد عن فرعون زى ما ربنا انذرنا 

وهنا الشيوخ منهم قالوا ان سيدنا يوسف بعد ما وصى ان الحكم بينهم يكون لاخوه يهوذا 

طلب من اخوه سيدنا بنيامين انكم لو خرجتوا من مصر وعدتوا لارض كنعان ابقوا خدونى معاكم 

ولكن لما سيدنا يوسف مات ومن بعده كمان سيدنا بنيامين محدش خرج من ارض مصر

وبالتالى المفروض ينفذوا العهد و ياخدوا معاهم جسد سيدنا يوسف 

طيب فين قبر سيدنا يوسف 

محدش عارف 

طب اسألوا الناس بمكن يكون حد يعرف 

وفعلا لقوا ست عجوزه اوى  من بنى اسرائيل طلعت هى اللى عارفه مكان قبر سيدنا يوسف 

ولحد هنا واختلفت الروايات فى روايه بتقول ان بعد ما مات سيدنا يوسف حصل خناقه بين كل الناس كلهم عاوزين ياخدوا جثمانه يندفن عندهم علشان ينالوا البركه بتاعته وبعد صراعات وخناقات وتقطيع هدوم 

اتفقوا انه يُدفن فى النيل ليمر ماء النيل على جسده وتعم البركه على الكل 

ودى روايه اما الروايه التانيه 

فنرجع لها وحوار مع الست الكُباره 

اللى مش عارفه ليه جت ف بالى الست اطاطه وانا بتخيلها وانا بكتب 

تعالى يا بركه وقولى هل فعلا انت عارفه  فين مكان قبر سيدنا يوسف ؟؟؟

ولو عارفه قولى فين بسرعه اننا متبعون ياحاجه ؟؟؟

وردت الست العجوز وقالت اذا كان على مكان القبر ف اه انا عارفاه

واذا كان على انى اقول على مكانه ف انا مش هاقول 

لا اله الا الله ليه ياستى ما تقولى 

قالت مش هاقول الا لما سيدنا موسى يوعدنى انى اكون رفيقته ف الجنه 

😳😳😳

عرفت تستغل الفرصه 

صحيح يهوديه 

بس بصراحه الثمن اللى طلبته هو حلمنا كلنا 

وحلم كل مؤمن بالله 

اللهم اوعدنا بصحبتهم اجمعين☺

بس مش وقته يا حاجه 

لاء هو ده شرطى 

وسيدنا موسى محتار ميقدرش يوعد بما لا يملك وهو ازاى يوعد بما هو ملك لله وحده 

ودعا ربه 

وربنا اخبره انها هتكون رفيقته ف الجنه 

وفرحت العجوز اليهوديه 😆😆

وخدتهم وراحت عند بحيره وقالت لهم انزحوا الميه من هنا

 هنا  😳

ننزح بحيره 

امرنا لله 

ننزح بحيره 

وفعلا نزحوها 

ولقوا جسد سيدنا يوسف 

طبعا احنا عارفين ان الارض لا تأكل اجساد الانبياء

واخذوا جثمان سيدنا يوسف وابتدت الرحله اللى ربنا سهل لهم طريقها 

لحد ما بدأ فرعون وجنوده يظهروا لهم 

طب يجروا على فين 

فرعون وراهم ... والبحر امامهم 

(فَلَمَّا تَرَاءَى الْجَمْعَانِ قَالَ أَصْحَابُ مُوسَىٰ إِنَّا لَمُدْرَكُونَ)(٦١)الشعراء

واتصرف بقى يا سى موسى 

سى موسى 😳

الله هو مش كان نبى الله وكان هينجدكم من شويه 

بس اكتر حد بيقلب ف ثانيه 

لكن مع ان كل المعطيات بتقول انهم خلاص كده .... انتهوا 

فرعون وجنوده وراهم وشط البحر باين انه بلا نهايه يقدروا انهم  يلفوا حواليها مثلا 

بس بكل ثقه رد عليهم وقال : 

(قَالَ كَلَّا ۖ إِنَّ مَعِيَ رَبِّي سَيَهْدِينِ)

خلى بالك من لفظ كلا ده 

ثقة وايمان ويقين لا يتزعزع 

ونكمل الليله الجايه

#حبيبي_القرآن

#يارب_اكون_فهمتها_صح

#اكثر_من_ذكرت_قصته_في_القرآن_سيدنا_موسي١٧

#ابتسام