#تايهين_ف_الغابه #الليله٣٠٢ #انا_مش_بتاع_رعب

#تايهين_ف_الغابه
#الليله٣٠٢
#انا_مش_بتاع_رعب

القصه دي صغننه ومع انها بسيطه و ممكن تقول انها لا لها عبره ... و لا هي عميقه ولكن ممكن تعتبرها ممتعه 

بس ف النهايه هتلاقى عبره تتعلمها 
او متتعلمهاش دا لو انت مصمم انك تسيب الدنيا تعلمك عبراتها وتسيب فيك علامتها

كان ياما كان ف غابه من الغابات زمان 

اتنين رجاله رحاله بيحبوا يتنقلوا من مكان لمكان شايلين شنط خفيفه وعاملين حسابهم يوصلوا لاول الطريق اللى يوصلهم لفندق يباتوا فيه ليلتهم ولما يصحوا يكملوا طريقهم

بس  جه عليهم الليل فجأه وهم لسه ف وسط الغابه 

اه نسيت اقول ان الوقت ده كان من زمان حيث لا توجد تكنولوجيا و موبايلات ولا حتى فى كهربا  لسه اخترعوها اساساً

علشان كده انت ف الغابه لوحدك ومعاك بس بوصلتك اللى مش هتفيدك كتير حاليا ف الليل ومع التعب وكتر المشى اللى مشيوه كان كل املهم يلاقوا مكان يباتوا فيه 

و حظهم كان حلو 

ولقوا بيت صغير وسط الغابه صغير اوى اللى بيها متتخيلش ان فى ناس ممكن يسكنوه 

بس الدخان اللى طالع من المدخنه طمنهم ان فى حد ممكن يكون عايش جوه 

و لما خبطوا سمعوا حد بيرحب من جوه 

ممكن يكون مخاطره انك تخبط على بيت مجهول ف وسط غابه خصوصاً بالليل 

بس يعنى البيات ف الغابه لوحدكم مش امان بردو مع وجود حيواناتها واسرارها 

  ف دخلوا البيت 

و اهل البيت كانوا شكلهم لطيف وطيب ... 

و مع ان مش صح تاخد بالمظاهر ... وياما الاشكال بتخدع 

   بس  رحبوا بيهم كانوا زوجين وعندهم ٤ ابناء

٢ كبار و٢ صغيرين 

وزى ما قلنا البيت صغير اوى هو حجره واحده فيها فرن وفيها مائده وسرير

ولكن كان المكان نضيف 

وهم كانوا مضيافين وذوق 

و رحبوا بهم دول  حتى قالوا ان الليله هيكون العشا لذيذ ومميز وبقالهم كتير ما اكلوش اكل دسم ولذيذ كده 

و حضروا العشا  وعشوهم 

وبصراحه حسوا ان دماغهم تقيله وخصوصا بعد الاكل 

وجه وقت النوم خصوصا على ناس ماشيه طول النهار وتعبانه 

بس هم لاحظوا ان 

الزوجين معندهمش الا سرير واحد يادوب يساع ... فردين 

ولما سألوهم ع النوم قالولهم بثقه متخافوش 

هنتصرف🧐

هتتصرفوا 🙄 ... ازاى يعنى 

والمهم انهم  خلصوا العشا 

وساعتها الزوجين قالوا للطفلين الاصغر .... يلا .... ناموا 😒

وبعد ما الولاد ناموا 

قام الابوين وشالوهم وحطوهم جنب حيطه 

وقالوا   للابناء الكبار ... يلا ناموا 🤫

وبعد ما ناموا ... قاموا بردو وشالوهم  
و نيموهم جنب حيطه 

وقالوا  للضيفين اتفضلوا ناموا بقي ، انتوا تعبانين 😊

ارتاحوا☺

والمفاجأه انهم لما صحيوا لقوا جسمهم 

بيوجعهم 

يا ترى ليه ؟؟؟

علفكره ممكن ابقى شريره واخلى الجزء التانى بكره ومنزلوش الا اما اخد ٥٠٠ كومنت و١٠٠ ليك 
ومطلبتش ولا k واحده اهه 

بس علشان اثبت انى طيبه و علشان اللى بتتشحت مبتتبلعش 

وعلشان الاهتمام مبيطلبش 

وعلشان التقدير خسرنا.....لا مش مكانها الحكمه دى اللى هاحطها على التوكتوك لما اشتريه باذن الله 

كنا بنقول ايه ...🤔

اه نكمل بقى ☺

ولقوا نفسهم نايمين جنب حيطه 

ولقوا الزوجين هم اللي نايمين ع السرير 

العبره محدش بيفضّل حد علي نفسه 

قولى بقى كنت متوقع الشر دا كله ؟؟؟

ليه تتوقع انهم هيعملوا ف الضيوف حاجه وحشه 

#لو_دامتلك_ما_وصلت_لغيرك
#السرير_بالساعه
#اكرام_الضيف_دلقه_عالارض
#العبره_خليك_في_البيت
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد