#تحب_تتعلم_اللغه #الليله ٣ ٠ ٧ #من_الهيروغليفيه_للسغه_لمون_والعكس🔄 ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎#الجزء_الثانى

#تحب_تتعلم_اللغه

#الليله٣٠٧

#من_الهيروغليفيه_للسغه_لمون_والعكس🔄

#الجزء_الثانى

وزى ما لفينا ف شارع محمد على وشفنا الرقاصات والعوالم والآلآتيه وهم بيتكلموا مع بعض بطريقتهم اللى هى اى جمله عاديه ممكن تتقال بالسغه لمون او تتقال باللغه بتاعتهم 

هنروح ع الصاغه وهناك نعرف بتوع الذهب بيتكلموا ازاى 

والحكايه ان اليهود كانوا كعادتهم ف حب الدهب من ساعة ما حكينا قصتهم مع الذهب اللى اخدوه معاهم من مصر وهم ماشين ف قصة سيدنا موسى 

يعنى الدهب دا عشقهم طول عمرهم 

المهم انهم كانوا مسيطرين ع محلات الصاغه فى مصر طبعا بيشتغل معاهم مصريين بس هم ملوك الصاغه وهم بيتكلموا كانوا بيخلطوا كلامهم العبرى فى كلامهم مع المصريين بالعربى اللى بيها الزبون ميفهمش كلامهم 

ومشيوا اليهود وسابوا الصنعه للتجار المصريين اللى كانوا معاهم بيتعلموا منهم الصنعه و بيتعلموا كمان اللغه 

وف الفيلم العبقرى جرى الوحوش للرائع محمود ابو زيد  كان نور الشريف طالع صايغ وكان بيتكلم باللغه دى 

سيم الجواهرجيه 

فكان بيقول مثلا كلمة 

يافت يعنى كويس او جامد او غنى 

وتعالوا ندخل الصاغه من ابوابها الخلفيه ابواب الصنايعيه والتجار مش ابواب الزباين علشان نشوف بيتقال علينا احنا الزباين ايه 

زى ما قلنا يافت يعنى جامد او غنى اهو اي صفه كويسه والسلام يتبقى يافت 

عكسها اشفور يعنى وحش او مفلس 

يعنى محمود عبد العزيز بعد ما خدوا منه الطورلوب بقى اشفور

واعتقد دى وكمان عارفينها و بنقولها لما اخر الشهر نتكلم عن خروجه فترد  تقول انا مأشفر يعنى مفلس وممكن كمان تيجى بمعنى 

مفلتوش : يعنى مفلس 

بار : يعنى خلى بالك من الزبون ده احترس يعنى 

دفش : يعنى زبون وكده اكديد الدِفشه يعنى الزبونه 

الدبشه : يعنى الخلاصه

كفت او اشترى كفت : يعنى اسكت ودى تقولها لزميلك ف المحل لو لقيته هيعك ويعرض سعر  يخسرك 

شقوق : فلوس

شئال : حرامى ويبقى يشألك : يعنى يسرقك 

بندقى دى عارفينها يعنى دهب خام 

(( بتتقال كده دهب بندقى معتبر لازم الحما تقول معتبر ))

وعكسه  ساندوتش : يعنى دهب مغشوش محشى نحاس

وادمون : دهب مستعمل 

وشفّر : يعنى نصب او يعنى بيضر باى طريقه 

وفقس : يعنى طرد 

 

شلك : محلك او اللى جنبك

رابص : قاعد او بيراقب 

جفت : يعنى اسكت فورا 

وواخدين الارقام من العبرى 

فمثلا 

احاد يعنى واحد جنيه او جرام 

 

شناين : اثنان.

شالوشة : ثلاثة.

أبو ربيعه : أربعة.

حِمشّة : خمسة.

شامونية : ثمانية.

عِنترة : عشرة. او انتله

مشط : عشرين

حِمشّين : 50.

أحاد مائة : 100.

أحاد ألافات : 1000.

أحاد وحيسي : غرام ونصف

وفى كلام كتير من سيم الصياغ موجود عند تجار القماش والملابس اللى موجودين ف الازهر والتربيعه و مناطق بيع الملابس ف العتبه والموسكى واللى بتالى موجود ف اى محل قماش موجود فى كل اسواق مصر ومحلاتها

نزود على اللى فات كلمه 

شنف : يعنى نص نص

مشنف : يعنى اى كلام 

والزبونه اللى هتشترى دى يقولوا عليها ( ع )

يعنى نزل بضاعه واعرض عليها 

واتعب هتشترى هتشترى 

عكسها (د ):ودى اللى بتقلب ف البضاعه ومبتشتريش فمتهريش كتير هتتعب ع الفاضى فاشترى دماغك وفكك منها دى بتاعة فصال وفرهده ومبتشتريش

او ص الصاد :  يعنى زبون هيتفرج ومش هيشترى 

معوتها كمال : يعنى السعر النهائى اللى اقوله ف البضاعه دى كام 

اما الارقام للاسعار فهى كالتالى يا عزيزى الدفش 

زغوب" : واحد

اشناين : اثنين

شالوشة : ثلاثة

دالك  : أربعة

حمشة : خمسة

شوشات  : ستة

حمشة صفر : خمسين جنيه 

او حشا : ودى يعني خمسين جنيه 

حمشة حلوم : خمسة وعشرون جنيه

زغوب كباري : مائة جنيه

اشناين كباري : مئتا جنيه

وف النهايه اديكم  الواجب 

ترجم القطعه التاليه الى العربيه 

( دخل شقالى دفش اشفور كبارى  ولقيته هيعمل اشتقاله قلت لرامى زميلى الدفش اللى ف شئالك شئال )

اجب : ما معنى زميلى 

 وياريت اللى يعرف كلمه انا مكتبتهاش يكتبها ف الكومنتات 

عاوزين نثرى اللغه يا جماعه علشان احنا نقبل يتقال علينا دفش بس مقبلش ابدا يتقال عليا اشفور وانا لسه قابضه المرتب  اول امبارح 

متنسوش الواجب ☝

 

جالنا كلمتين جداد واجنا بنقول يا هادى اهه 

بنت البحر : السمك 

طعن : فلوس

#ابتسام