#عقلة_الاصبع #الليله٣١٠

#عقلة_الاصبع 
#الليله٣١٠

كان ياما كان فى الغابه زمان راجل حطاب فقير  و عنده عيال كتير 
٧  اولاد 

وكانت الحياه صعبه والاكل قليل 
و اصغرهم كان ضئيل الحجم اوى 
وعلشان كده كانوا بيقولوا عليه عقله الصباع 
ولكن عقلة الصباع ده كان حاد الذكاء 

فى يوم دخلوا اخواته  يناموا 
وهو كان لسه صاحى 
سمع باباه بيقول لمامته انه بكره هياخد العيال معاه الغابه البعيده يقطعوا خشب ويجمعوا حطب 

مراته قالتله بس دى بعيده اوى 
و انت عارف ان العيال هيتوهوا وميعرفوش يرجعوا 

قالها هنعمل ايه ؟؟
لازم يروحوا بجمعوا حطب واللى يحصل لهم يحصل 

كده كده احنا هنا معندناش اكل لهم يأكلهم ويكفيهم  وهيموتوا من الجوع قدام عنينا 

طبعا عقلة الصباع سمع الكلام ده وخاف ودخل ينام وهو بيفكر ف حل للمشكله دى 

والصبح بدرى قبل ما يصحى باباه ومامته خرج بره البيت
وفضل يجمع حصى ابيض ويملا به جيوبه 
ياترى هيعمل ايه بالاحجار الصغيره اللى ماليه جيوبه

لما صحى باباهم وخدهم معاه الغابه  

عقلة الصباع بقى كل كام خطوه يرمى حجر ع الارض 

وكأنه بيعلم به الطريق

ولما تعبوا وقعدوا يرتاحوا تحت  الشجر عينهم غفلت واما صحيوا ملاقوش باباهم 

وبدأ الاولاد من كبيرهم لصغيرهم يخافوا ويترعبوا 

خصوصا ان الدنيا ابتدت تضلم والليل قرب 

كله كان خايف الا عقلة الصباع اللى قالهم متخافوش ... وامشوا ورايا 

ولانهم واثقين ف ذكاؤه سمعوا كلامه 

ومشى عقلة الصباع يدقق بعنيه ف الارض 

تفتكروا هيوصل لحاجه 

ده اللى هنعرفه بكره

#هو_مش_كده_بس_جبار
#هانز_اندرسون_تانى 
#الراجل_ده_كان_عنده_مشاكل_سلوكيه_مع_الابناء 
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد