#اللي_علي_راسه_بطحه_بيحسس_عليها #الليله٣٣٠

#اللي_علي_راسه_بطحه_بيحسس_عليها

#الليله٣٣٠

حدوتة مثل من الامثال كنت بعدت شويه عن حكايات الامثال بس من فات قديمه تاه 

الحكايه المره دي لطيفه وخفيفه  

كان ياما كان في رجل عنده عشة فراخ كان بيربيهم ويتاجر فيهم كانوا رأس ماله وكل مكسبه منهم ومن بيعهم  

بس اللى حصل انهم كانوا بينقصوا وهو مش واخد باله ف الاول 

بس لما خد باله و بقى يعدهم 

و اتأكد انهم بينقصوا عرف انهم ايد  بيتسرقوا ماهو مش معقول يعنى ان يكون ديك غوى فرخه وهربت معاه 

 دا شغل بنى ادمين الفراخ مالهمش فيه 

 

طب مين اللى بيسرق 

اهل البلد كلها عارفين بعض ومفيش حد معين بيشك فيه 

كمان معرفش يمسك الخرامى هو لانه مهما بيستناه علشان يقفشه بينام غصب عنه لانه مش متعود يسهر فولا مره عرف يلحقه 

بسهر يراقب العشه يلاقى نفسه مع اذان الفجر نايم والفراخ نقصت تانى 

وكان دايما مبيعرفش يقفش اللص مهما حاول 

ولما اتسرق منه كذا مره ومقدرش يحدد السارق

راح واشتكي لامام الجامع اللي كان ف نفس الوقت  حكيم القريه 

الحكيم قاله متخافش انا هعرفلك الحرامي 

وبعد الخطبه ....  

واللي اتكلم فيها الامام الحكيم عن السرقه وعقوبه السرقه فى الدنيا والاخره 

اتكلم عن الاخ اللي اتسرق منه دجاجاته واد ايه انها راس ماله وان اللى بيسرق بياكل حرام وبيحرم صاحب المال من انه يعيش متهنى بحلاله 

والحرامى هو اللى بيتهنى بالحرام اللى هينزل علي معدته زى النار

  

وقال يعني مثلا السارق موجود بينا وحتي مخطرش علي باله وهو جاى ع الجامع انه يشيل الريش اللي جه علي دماغه وهو بيسرق 

فما كان من السارق الا انه حسس علي راسه علشان 

يشيل الريش 😂😂

ودي كانت الغلطه اللي كشفته 

هى مكانتش بطحة بمعنى تعويره لكن كانت بطحه بمعنى  عمله عاملها وخايف تتكشف 

فبعد كده لما تكون علي راسك بطحه ... متحسسش عليها🙆

داريها بطاقيه 👳

وبما اننا اتكلمنا عن الرأس واتكلمت دلوقتى عن الطاقيه  

و لو ممكن تختاروا احكي المره الجايه حكاية :

١ - اللي الي راسه ريشه ؟؟؟

٢ - ولا الغاوي ينقط بطاقيته ؟؟؟

#حكايه_ورا_كل_مثل

#البطحه_طلعت_ريشه

#ابتسام