#الحكايه_فيها_إن #الليله٣٣٨
#الحكايه_فيها_إن
#الليله٣٣٨
دايما الانسان بيكون فى حد متربص له يرغب ف ضرره واذيته
اما لو كان الانسان ده طيب ... ومحترم ... وف حاله ... لما يكون الانسان ده جدع وشهم وصاحب واجب
هنا بقى مش هيكون له عدو .... هيكون له اعداء
اصل دايما فى ناس تكرهك بسبب صفاتك الحلوه وجدعنتك
وعلشان كده بطل حدوتتنا كان له من مميزاته الكتير
وتعالوا نشوف اصل المثل من امتى ؟
ومن فين ؟
اصل المثل من بلاد سوريا
تحديدا مدينة حلب
والحكايه وما فيها ان كان في حاكم لمدينه حلب اسمه
محمود بن مرداس
وكان عنده رجل من حاشيته هو علي بن منقذ
العلاقه بينهم حلوه والدنيا ماشيه جدعنه وصحوبيه و زبادى خلاط
خصوصا لما يتميز بها عليّ بن منقذ من صفات
زي حفظ كتاب الله ورجاحة العقل زود عليهم الشجاعه والذكاء والفطنه و الحكمه
وعلشان كده ... وعلشان فيه كل المزايا الكتير دى كان لازم يبقي مكروه من اغلب حاشيه الامير وغيرانين منه
وازاى علىّ بن مقرن ده مستريح ف حياته عايش ف قلعه وعنده فلوس ومكانه و منزله عند الامير
وشغل قاسم السماوى اشتغل و الاسافين اشتغلت بينه وبين الامير
وفعلاً فضلوا يوقعوا بينه وبين الحاكم لما كرهه وبقي مش طايقه
وف يوم من الايام زاد الكره من الحاكم محمود بن مرداس والسيد علي بن منقذ ...
واضح ان الحاكم كان نابه ازرق وعم علي خاف علي
نفسه فترك البلد وهرب
يسكت محمود
قرر يرجعه بالحيله
وامر الكاتب بتاعه انه يكتبله يطمنه ويشجعه يرجع لحلب
بس الكاتب صاحب عليّ بن منقذ وكمان عارف نية
محمود بن مرداس السوده ، وانه مش ناويله علي خير
وطبعا ميقدرش مينفذش
علشان كده بعت الرساله المطلوبه اللي بيطلب منه
فيها العوده لحلب
بس ختمها بعبارة ( إنَّ شاء الله )
طبعا بما إن علي عارف صاحبه كويس وقد ايه هو
ضليع في قواعدِ اللغةِ العربية
ففهم ان الكسرة والشده مقصودين
ولانه كمان حافظ لكتاب الله فتذكر مكان اللفظ ده في
القرأن
( إنّ الملأ يأتمرون بك )
ورد بن المنقذ علشان من الادب انه يرد ع الامير
وكمان علشان يطمن صاحبه انه فهم الشفره اللي ف الرساله
كتب رساله يشكره علي كرمه وانه راجع باذن الله
وختمها بعبارة
إِناَّ الخادم المقر بالانعام
بكسر الهمزه وتشديد النون في إِناَّ
ودا ذكر صاحبة بقول الله
( إناَّ لن ندخلها أبداً ما داموا فيها )
علشان كده
وطبعا نستفيد من القصه حاجات مهمه
اولا : ان صاحب القرآن لن يشقى ابدا
ثانيا : الصاحب الجدع المخلص ميتوزنش بكنوز الدنيا
ثالثا : اننا نركز اوي ف حصة العربي وخصوصا الاملاء
من الاخر لازم تركز ف كل حاجه حتى التشكيل والهمزات والشدات
اخيراً.... حواديتى مبيخلصوش ...
وانتوا كمان ف الليك و الكومنت والشير متقصروش ☺
#حكايه_ورا_كل_مثل
#الحكايه_فيها_إن
#ابتسام
تعليقات
إرسال تعليق