#طالوت_ملكاً #الليله١١ #الجزء_الثاني
#طالوت_ملكاً
#الليله١١
#الجزء_الثاني
فاكرين الجزء اللي فات خلص علي رفض بني اسرائيل اني اكون ملك عليهم مع اني من اختيار النبي اللي هم طلبوا منه يختارلهم
حاجه كده قمة التناقض
بس هوضح لكم هم معترضين عليا ليه
اصل النبوه طول عمرها ف سبط ... والملك ف سبط
(سبط يعني ذريه احد ابناء يعقوب الانثي عشر )
يعني احنا ١٢ سبط من الاثناشر ابن ليعقوب اللي هو اسمة اسرائيل
اذكر لكم منهم يوسف وبنيامين ولاوي و يهوذا و ...و ....
يعني فاكرين يوسف واخوته اهم كل واحد من الابناء الاثني عشر دول بقي له ذريه كبيره اسمها سبط
وانا من سبط بنيامين بالمناسبه
والسبط ده عمره ما كان منه نبوه او ملك
علشان كده بيعترضوا على اختيار النبي ليا
معترضين كمان علشان انا مش غني اوي او من علية القوم زيهم
بس انا سامع النبي بيقول : ان الله اصطفاه عليكم وزاده بسطة في العلم والجسم والله يؤتي ملكه من يشاء والله واسع عليم
سبحان الله انا هاسيبهم وارجع بيتي
بلا وجع دماغ
سامع نبي الله بيحكيلهم عن ايه او علامه لو حصلت يبقي دا اختيار ربنا ليا
ايه ده؟؟؟ ايه اللي طاير وجاي لحد بيتي ده؟؟؟
سبحان الله !!!
التابوت جاي لحد عندي ف بيتي
سمعت نبي الله بيقولهم ان التابوت جاي عندي تحمله الملائكه
ياه اخيرا وافقوا !!!
لولا انه من امر الله... مكنتش حاربت مع الناس المتعبين دول
هم اه وافقوا عليا اني اكون ملك عليهم بعد ماشافوا معجزه التابوت
بس انا متاكد انهم وقت الجد مش هيقدروا علي الحرب ويهربوا منها
وَقَالَ لَهُمْ نَبِيُّهُمْ إِنَّ آيَةَ مُلْكِهِ أَنْ يَأْتِيَكُمُ التَّابُوتُ فِيهِ سَكِينَةٌ مِنْ رَبِّكُمْ وَبَقِيَّةٌ مِمَّا تَرَكَ آلُ مُوسَى وَآلُ هَارُونَ تَحْمِلُهُ الْمَلاَئِكَةُ إِنَّ فِي ذَلِكَ لآيَةً لَكُمْ إِنْ كُنتُمْ مُؤْمِنِين(248) سورة البقره
طب مبدأيا انا مسامح كل اللي اعترض علي اني اكون ملك
وهنبدا عهد جديد علشان نحرر بلادنا ونطرد اعدائنا
كتير من اللي كانوا بيجادلوا علشان مبقاش ملك
لما جينا نستعد للحرب هربوا وتراجعوا
علشان كده فصلت بالجنود علشان نروح للحرب
العدد كبير اه .. بس طبعا الاعداء اكتر
انما ٨٠ الف مقاتل عدد مش بطال
بس بصراحه انا لسه مش مطمنلهم حاسس انهم وقت الجد هيتراجعوا
انا لازم امتحنهم
الجو حر اوي .... والميه اللي معانا خلصت
الجيش عمال يشتكي من قلة الميه
مش صابرين علي شوية عطش !!!!
أمال ازاي هيصبروا علي قتال عدو زي العماليق ؟؟
دول هيهربوا اول ما يشوفوهم !!!
يبقى دا وقت الامتحان
قولتلهم محدش يشرب من النهر الا بس اللي يبل ريقه بغرفة ميه
واللي هيشرب مش هيكمل معانا
شوفوا ربنا بيحكيها ازاي
فَلَمَّا فَصَلَ طَالُوتُ بِالْجُنُودِ قَالَ إِنَّ اللَّهَ مُبْتَلِيكُمْ بِنَهَرٍ فَمَنْ شَرِبَ مِنْهُ فَلَيْسَ مِنِّي وَمَنْ لَمْ يَطْعَمْهُ فَإِنَّهُ مِنِّي إِلا مَنِ اغْتَرَفَ غُرْفَةً بِيَدِهِ فَشَرِبُوا مِنْهُ إِلاَ قَلِيلاً مِنْهُمْ فَلَمَّا جَأوَزَهُ هُوَ وَالَّذِينَ آمَنُوا مَعَهُ قَالُوا لا طَاقَةَ لَنَا الْيَوْمَ بِجَالُوتَ وَجُنُودِهِ قَالَ الَّذِينَ يَظُنُّونَ أَنَّهُمْ مُلاَقُوا اللَّهِ كَمْ مِنْ فِئَةٍ قَلِيلَةٍ غَلَبَتْ فِئَةً كَثِيرَةً بِإِذْنِ اللَّهِ وَاللَّهُ مَعَ الصَّابِرِينَ(249)
عارفين كنا كام كنا 80 الف
عارفين كام اللي فضل بعد ما عدينا نهر الاردن و مشربش او اغترف غرفه بيدة 4 الالاف
متخيلين 76الف واحد مقدرش يصبر علي شوية عطش
يعني انا مكمل بحوالي ٥%من الجيش اللي كان معايا
و٩٥%رجعوا ومش هايحاربوا معايا
اه يا بلد ولسه... دا في ناس من الصفوه ال٤٠٠٠ دول خافوا
وقالوا لاطاقة لنا اليوم بجالوت وجنوده
ياسلام
ياسلام
هو انتوا كنتوا جايين فسحه ماإنتوا عارفين جالوت
وعارفين قوة العماليق
بس كم من فئة قليله غلبت فئة كثيره باذن الله والله مع الصابرين
اه يا طالوت ع اللي بتشوفه من بني اسرائيل
بعد كل اللي اتقال ده في ناس تاني، مشيت
عارفين الجيش صفصف علي كام 314
ال 4000صفصفوا علي 314 انت بتقرأ صح
بس مش هنرجع احنا مع الله
المعركه هتبدا دلوقتي
منظر جيش العدو رهيب بالمقارنه بالاقليه اللي معانا
بس احنا معانا اللي مش معاهم
احنا معانا ربنا
نكمل بكره
احكيلكم المعركه وما بعدها
#طالوت_ملكاً
#انا_وانت_وساعات_الحظر
#يارب_اكون_فهمتها_صح
#ابتسام
تعليقات
إرسال تعليق