#اول_القصيدة_كفر #الليله١٣

#اول_القصيدة_كفر
#الليله١٣

الحكايه ان #المعز_لدين_الله_الفاطمي دخل مصر بعد كل اللي كان بيتعمله من بناء مدينه القاهره والجامع الازهر والقصور والسور والبوابات 
كل ده خلي لدخلته مصر بعد المده دي شئ مهيب 

وله وقع وتأثير 

ولان كل عصر له احمد موسي بتاعه و الاعلام الفاسد المنافق 

علشان كده طلع شاعر المفترض انه شاعر كبير 

اسمه #بن_هانئ_الأندلسي

وسكعه قصيده القصد منها مدح الحاكم بس طبعا وسعت منه الله واساء فيها للحاكم قبل  ما يسئ لنفسه لان المفروض ان المعز كان رفض الكلام ده 
لكن لا دا بالعكس عجبه جدا وطلب من ابن هانئ انه يصحبه ليكون معه في اقامته الدائمه في مصر 

هي دي القصيده اللي اولها كفر : 

ما شئت لا ماشاءت الأقدار
                             فاحكم فأنت الواحد القهار

فـكأنـمـا أنـت النبي محـمـد  
                                 وكأنـما أنصـارك الأنـصـار

أنت الذي كانت تبشرنا بــــه  
                                في كتبها الأحبار و الأخبار

هذا إمام المتقين ومن بــــــه  
                               قد دوخ الطغيان و الكفـــار

هذا الذي ترجى النجاة بحبــه 
                                وبه يحطّ الإصر و الإزار

هذا الذي تجدي شفاعته غدا  
                                حقًّا و تخمد إن تراه النار
                     ********

طبعا الشعر فيه كفر بيّن 

واساءه للذات العليا وللرسول صلي الله عليه وسلم 

علشان كده لما المصريين سمعوا القصيده وقبل ما يكملوها قالوا اول القصيده كُفر 

وبقي مثل يحكي و نسينا القصيده ونسينا شاعرها.. 

بس منسيناش ان اولها كفر 

بس هو الحقيقه ان اولها واوسطها واخرها كفر 

متزعلش لانه كان من الطائفه الاسماعيليه ودول

 معرفين بشيعيتهم 

احب ابرد ناركم بس لما تعرفوا ازاي مات 

قولنا انه استاذن المعز انه يرجع برقه علشان يجيب عياله بس وهو هناك مات 

مات ازاي؟؟؟؟ 

مات مخنوق بدكه سرواله 

(الدكه هي الحبل اللي بيتربط به السروال قبل اختراع الاستك )

وبكده كانت نهايته وسوء خاتمته ... شبه سوء عمله 

يمكن كان شاطر ويمكن شبهوه بالمتنبي وابي تمام

 والبحتري والمعري 

بس في النهايه هو اساء الادب مع الله 

فكان له سوء الخاتمة 

#ال_هانئ_ال_نكد_عليك_عمرك_يابعيد
#حكايه_ورا_كل_مثل
#انا_وانت_وساعات_الحظر
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد