#شد_السكينه_ياهيثم #الليله٣٦٦ #قصة_تشويق_حدث_بالفعل #الجزء_الثانى

#شد_السكينه_ياهيثم
#الليله٣٦٦
#قصة_تشويق_حدث_بالفعل
#الجزء_الثانى

اتفقنا الليله اللى فاتت اننا دخلنا قطر الظلام ده استخسار على اساس اننا لفينا كل شبر ف الملاهى ولعبنا كل لعبه اكتر من مره 
يبقى اشمعنى اللعبه الهايفه دى نسيبها 
وبالتالى دخلنا وسيبنا محمدذو ال٤ سنوات وضحى ذات ال٣ شهور 

عربيات ورا بعض كل عربيه فيها ٤ اماكن ٢ قدام و٢ ورا 

اول عربيه قدام ... ركب شاب طول بعرض مفتول العضلات عامل فيها فاندام كده و معاه خطيبته

ثم  

ركبت انا واحمد ابنى اللى كان ٧ سنين وزوجى وورانا اخويا ومراته  

وابتدت اللعبه تشتغل ...

مكانش القطر مليان يعنى يمكن ٥ ازواج من الركاب تقريبا 

 يعنى منكملش كده ١٠ او ١١ شخص 
وسمعنا اللعبه بتتحرك ولسه هتمشى وبعدين وقفت 

فكرنا انها حاجه من خطوات اللعبه 

بس سمعنا واحد بيقول شد السكينه يا هيثم

وطبعا عرفنا ان دول ناس بيقطعوا بطيخ ورانا مالناش دعوه بيهم 

بس اتكررت الجمله .. وبالتالى الموضوع مش محتاج لفكاكه انها سكينة الكهربا مش سكينة البطيخ 

وسألنا المسئول اللى واقف عند البدايه في حاجه 

قال لا خالص مفيش حاجه 

طب ننزل نلاحظ اننا لسه عند رصيف الركوب وبالتالى سهل ان كل اللاعبين ينزلوا بسهوله وامان
 
بس ازاى ؟؟

الموظف اللى عند بداية اللعبه يرد : لا يا فندم تنزلوا ايه !!

استنوا ثانيه واحده وفعلا حاجه بسيطه واللعبه اشتغلت 

واتحركت 

ومشيت يبجى كام  متر كده وعدت المنطقه بتاعة  الرصيف اللى بنركب منه نص العربيات ومنهم احنا 

وبعد كده وقفت تانى 

وتانى شد السكينه يا هيثم 

وتانى 
هيثم يشد السكينه ويرجع السكينه 

ويزعقوا 

وتوترنا يزيد 

وساعتها الاسد اللى ف اول عربيه اللى عامل فيها فاندام بعضلاته ده اترعب وفضل يزعق 

كنا كلنا خايفين 
على نفسنا وعلى اللى معانا وعلى اللى بره لوحدهم ومش معانا 

اخويا بيطمن مراته 
وانا بطمن احمد انا وباباه

بس الشاب العضلات بدل ما يهدى البنت بقى عمال يزعق وباين اوى من انفعاله على الناس انه مرعوب 

والمرادى التأخير زاد عن اللى قبلها 

وبعد مكان فى عندنا فرصه ننزل واحنا لسه ع الرصيف اللى ركبنا منه بسهوله لما عطلت اللعبه اول مره ورد العامل بثقه متناهيه تنزلوا ايه ؟

الفرصه دى ضاعات وكان الامل الوحيد لو معرفوش يشغلوا اللعبه  انهم يبدأوا يفضوها من اخر عربيه للى قدامها وبالتالى هنكون احنا اللى قبل الاخر 

بس الشاب ده بيزبد توترهم وتوترنا بزعيقه ودوشته 

لحد ما خلاص فقد اعصابه وفك حزام الامان ووقف و ساب مكانه وبدا برجليه الطويله ينقل نفسه من مكانه ولسه بينقل من على  مكانه ورجل ع الشريط الرفيع اللى العربيه بتمشى عليه وطبعا العريه اعرض منه بكتير  ومدارياه خالص  من الناحيتين بس ف المسافه اللى بين العربيات بتبان منه حته صغننه 

اهه ف الحته دى فاندام حط رجل على اساس دى الطريقه اللى يتنقل بيها من عربيه لعربيه متخطى كل طرق الانقاذ من ان النزول يبقى من ورا لقدام حسب ترتيب القرب من الرصيف 
وهو كده هيبقى اخر واحد 
انما علشان هو فكيك 

المهم ...
يا دوبك هو حط  رجل على الشريط الرفيع ده اللى بين العربيتين والرجل التانيه نقلها من  عربيته و حطها على اول عربيتنا   يعنى هو كان هيدوس علينا عادى .... نتانه مش كده ؟؟

بس تيجى ايه ف نتانته مع البنت اللى معاه اياً كانت صلته بيها اما يسيبها لوحدها ويجرى هو
رجل ونعم الرجال😏 🙄 
كلنا شايفينه ومش عاجبنا  جُبنه وتصرفاته 

الا و الهيثم تقريباً شد السكينه جامد و  راحت العربيات متحركه 
وكلنا صوتنا لاننا عرفنا انه كده هيتفرم وش

#رحلات_تاااانى
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد