#شد_السكينه_ياهيثم #الليله٣٦٧ #قصة_تشويق_حدث_بالفعل #الجزء_الثالث_والاخير

#شد_السكينه_ياهيثم
#الليله٣٦٧
#قصة_تشويق_حدث_بالفعل
#الجزء_الثالث_والاخير

طبعا كلنا صوتنا باعلى صوت على اللى هيموت فرماً تحت عجلات قطار الملاهى فى مفارقه مبكيه
او على الاقل هيتقلب من ارتفاع حوالى ٣ ادوار
 
وبسرعه لحق هيثم و شد السكينه ووقف القطر 
والراجل الشملول-  بس متقوليش راجل -

بينط بسرعه يرجع مكانه  وهو اقل  من اقل فانله  

وربنا ستر ولحق نفسه ورجع قبل ما يحصل له دا ولا ده

وبما ان اللعبه اشتغلت خلاص بقى 

يبقى رجعوها ونزلونا 
واحنا اسفين يا صلاح 
او يا هيثم وتوبه من دى النوبه 
بس قالوا مينفعش ترجع لورا هى بس تمشى لقدام 

وبالتالى مفيش قدامنا الا اننا نصبر لحد ما جولتنا تكمل

ومتخافوش وهى خلاص اتصلحت و الدنيا تمام 

ومجبر اخاك 

سكتنا وقعدنا طبعا بعد ما كل ركاب اللعبه فضلوا يزعقوا لفاندام 

واهدى بقى وكنت هتموت نفسك وبقى شكله 😏 خالص 

واعتقد ان البت لو طالت كانت رمته من جنبها 

بعد ما لقته  بكل شهامه بيجرى ويسيبها على طريقه يكش تولع 

ومشى قطر الموت الحقيقى مش لعب العيال اللى كنا بنصوت فيه بره 

و عطل تانى واحنا القطر كله ف نص المسافه واقصى ارتفاع وابعد مكان عن رصيفى البدايه والنهايه اللى بيها لو مشتغلش وهيثم معرفش يشغله يبقى  علشان ينقذونا ننط من فوق على مرتبه زى الافلام  

و اللى كان المره اللى فاتت ممكن نرجعه واحد واحد من عربيه لعربيه مستحيل دلوقتى يعمله حد 

وفضلنا كلنا نستعجل هيثم انه يشد السكينه او يسيب السكينه 
او يدب السكينه ف قلب المهندس اللى ساب اللعبه دى تضيع ارواحنا كده 

ولكن الحمد لله رجعت اشتغلت 

ومع ان الخطر ف تالت مره دى كانت اخطرهم بس التوتر كان اقل من تانى مره بعد ما فان دام اتكسف وسكت لما لقى الستات اللى ف اللعبه متماسكين اكتر منه 

وانه شكله هالله هالله ع فانله ع الاخر 

وبالتالى زعيقه اللى كان موتر الناس اللى بيصلحوا اللعبه تانى مره ومزود رعبنا على نفسنا اختفى فضلنا ساكتين ندعى وسمع زعقيقهم لبعض 

لحد ما نزل القطر ...

وخرجنا بسلام الله وامانه 
ولما بفتكر الموقف ده 

وكل املى اخرج للعيال اللى بره و انا خايفه عليهم ان يبتدى يتمهم على رصيف لعبه ف دريم بارك 

وانا مكنتش بفكر غير ف محمد وضحى 

انا وجوزى وابنى واخويا ومراته  هنموت كلنا سوا سقوطا من علىّ
ودا مش شاغلنى اد ما 
 كل اللى شاغلنى  بفكر فيه وخايفه عليه هم الوحيدين اللى لن يقدر لهم الموت دهساً تحت قطر الظلام 
خايفه على اللى هينجوا اكتر ما انا خايفه على اللى هيموتوا واللى انا منهم
مش قادره افسر ده لحد دلوقتى 

مش فاهمه ليه مخفتش على نفسى ؟ او على حتى على ابنى المعرض للخطر 
وخفت على اللى معرضين للمجهول 

لما بفكر دلوقتى اعتقد ان لو كان احمد معاهم مش معايا كنت خفت عليه اكتر من خوفى عليه وهو هيموت معايا  

طب ليه ؟؟

يمكن الخوف عليهم من المجهول او الضياع كان بالنسبه ليا اكبر من الخوف من الموت لنا كلنا مع بعض  

يمكن الموت ف رأيى لنا كلنا كان امان اكتر لهم  من  انهم يكملوا الدنيا لوحدهم من غيرنا

مش فاهمه !!
ومش لاقيه تفسير منطقى لتفكيرى  

بس الحمد لله ربنا نجانا المرادى من الموته الظريفه دى ف الملاهى 
لسه لنا عُمر 
علشان يتعرض محمد بعدها ب١١ سنه لانه يطير منى وسط الضلمه ف وسط البحر ف البنانا بوت 
ولكن لهذا حكايه اخرى 
مسيري ابقى احكيها 
كيف تتخلص من حياتك بطريقه فانى ... اسانى انا لانى خبره ف المواضيع دى 
واخير 
مش انتوا عارفين ...
اعتبرونى قلت اتمسوا بالخير

#رحلات_تاااانى
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد