،#اسكنا_انت_وزوجك_الجنه #الليله١٥

،#اسكنا_انت_وزوجك_الجنه

#الليله١٥

وَقُلْنَا يَا آدَمُ اسْكُنْ أَنتَ وَزَوْجُكَ الْجَنَّةَ وَكُلَا مِنْهَا رَغَدًا حَيْثُ شِئْتُمَا وَلَا تَقْرَبَا هَٰذِهِ الشَّجَرَةَ فَتَكُونَا مِنَ الظَّالِمِينَ (35) فَأَزَلَّهُمَا الشَّيْطَانُ عَنْهَا فَأَخْرَجَهُمَا مِمَّا كَانَا فِيهِ ۖ وَقُلْنَا اهْبِطُوا بَعْضُكُمْ لِبَعْضٍ عَدُوٌّ ۖ وَلَكُمْ فِي الْأَرْضِ مُسْتَقَرٌّ وَمَتَاعٌ إِلَىٰ حِينٍ (36) سورة البقره

اولا السكن والسكون كان من ربنا لابونا وزوجه وبينهم هما الاتنين بس مكانوش محتاجين حاجه تانى ربنا بس هو اللى محتاجينه ليدوم سكونهم للجنه وسكونهم لبعض

الشجره ماكنتش لها اى فايده الشجره كانت امتحان .. ربنا حطه لابونا ادم وزوجه علشان يعلمهم الطاعه .. مكانتش هتفيدهم بحاجه بالعكس دى ضرتهم وبعد ما كلوا منها بدت لهما سوءاتهما 

(120) فَأَكَلَا مِنْهَا فَبَدَتْ لَهُمَا سَوْآتُهُمَا وَطَفِقَا يَخْصِفَانِ عَلَيْهِمَا مِن وَرَقِ الْجَنَّةِ ۚ وَعَصَىٰ آدَمُ رَبَّهُ فَغَوَىٰ (121)سورة طه

قال الطبرى ف تفسيره ان سوءاتهما اللى هو العوره

والشعراوى قال ان سوءاتهما هى العوره وعلشان كده هما عرفوا الفضلات اللى بتنزل من القبل والدبر وقبلها مكانوش يعرفوا الموضوع ده 

اتفاجئوا بالبول والبرز- اعزكم الله - وبداوا يداروا الفتحات دى بالذات لانهم حسوا انها فتحات مش عاديه زى فتحات الانف والفم لاء دى بيخرج منها اقذار يبقى لازم يداروها وبدأوا يغطوها بورق التين 

الشعراوى بيقول هنا حاجه جميله اوى .. 

بيقول ان دى الفطره انهم يداروا المكانين دول وعلشان كده بيقول ( حين ترى عوره فى المجتمع  فاعرف ان منهج من مناهج الله قد عطل )

نرجع لموضوعنا .. 

ابوينا ادم وحوا لما عصيا امر الله وكلا من الشجرة اللى ملهاش اى تلاتين لازمه ف حياتهم وانها بس مجرد وسوسه شيطان 

حياتهم ف الجنه باظت .. ونزلو الارض عقاب من ربنا على الفعله دى 

فاحنا ايه بقى :

اولا   نازلين الارض اللى بنموت نفسنا عليها دى عقاب وزى ما دايما بنسمع اننا موطننا الرئيسى هو الجنه

ثانيا   بالذمه غلطه عدم طاعه واحده اتسببت فى ان

     1 - غضب ربنا عليهم 

     2 - تبدوا لنا سوءاتنا

      3- جسمنا يخرج فضلات بعد ما كان نقى طاهر    نضيف طول الوقت 

     4 - اخر حاجه اننا اتطردنا من الجنه حتى كمان مش لوحدنا لاء دا احنا ومعانا العدو اللى كان السبب فى طردنا 

مأساه .. مش كده 

قوم بعد دا كله احنا نسيب اوامر ربنا ونسمع كلام الشيطان اللى ربنا قال عنه

(5) إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوًّا ۚ إِنَّمَا يَدْعُو حِزْبَهُ لِيَكُونُوا مِنْ أَصْحَابِ السَّعِيرِ (6) سورة فاطر

يعنى الحكايه واضحه هو عاوز اتباعه وحزبه يدخلوا النار

الخلاصه... 

1- السكن ربنا ربطه بالزواج

َ (20) وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ (21) سورة الروم

2- وكمان ربط السكن بالجنه زى اول آيه فوق

يبقى احنا لو حافظنا على سكن الدنيا وخلينا طاعة ربنا قدام عنينا .. وخالفنا الشيطان اللى عاوزنا نكون من اصحاب السعير  ..

واللى عارف ان اسهل طريق له انه يغوينا علشان يدخلنا النار ييخرب العلاقات الزوجيه ويشدنا لطريق هدم السكن ويشدنا لابداء السوئه 

هنفوز بسكن فى الدنيا ونحجز مكاننا فى سكن الاخره

 

 

#يا_رب_اكون_فهمتها_صح

#السكن_سكن_القلوب_سكن_الازواج_سكن_الجنه_اللهم_بلغنا

#اللهم_صباح_يقربنا_للجنه

#ابتسام