#الفرق_بين_الفتح_العربي_والاحتلال_العثماني #الليله١٦ #الجزء_الاول

#الفرق_بين_الفتح_العربي_والاحتلال_العثماني

#الليله١٦

#الجزء_الاول

من مده عدي عليا خناقه كده علي الضيق ف جروب ما 

واسباب الخناقه ان حد بيقول ان العثمانيين احتلونا

ورد حد تاني قاله لاء دول دوله اسلاميه ودا مش احتلال 

ناقص كمان تقول علي الفتح الاسلامي كمان احتلال ؟؟

رد الاولاني قاله عاوز الجد ... الفتح الاسلامي اه احتلال 

الكلام استفذني قولت يا بت ياابتسام ادلي بدلوي 

ماهو الدلو ده مش جايباه ف الجهاز اونطه ... لازماً

 ادلو بدلوي

فاللي حابب يفهم الموضوع بالراحه يجي معايا كده علي جنب 

واللي مش عاوز يوسع كده علشان دلوي ميطرطش عليه

اولا : تعريف الاحتلال ف اللغه 

احتلَّ المستعمرُ بلدًا: اسْتولَى عليه

 قَهْرًا احتلال اقتصاديّ: استيلاء دولة ما على موارد دولة أخرى بطريقة غير مشروعة،

انتهي

طب نمشي بالتدريج وواحده واحده 

العرب دخلوا البلاد المحيطه او مايسمي بالفتح الاسلامي

كان جنبهم من الشرق الفرس ودول تانيه تابعه لهم زى العراق ودى اكبرهم

وكان دينهم المجوسيه، ودول اللي بيعبدوا الشمس من الاخر كانوا  كفار يعني وبالتالى الحرب عليهم ونشر الاسلام فى بلادفارس دا واجب على كل مؤمن بالله اياً كان ديانته ودا واجب الرسل ف كل زمان ومكان محاربة الكفار ونشر دين الله 

يبقى نرجع ونقول ان  دخولهم بلاد فارس ضروره لانهم  كانوا لازم يتركوا عبادة الشمس والاوثان ويومنوا بالله 

اما بقى ...

من الشمال والغرب كان الروم ودول ديانتهم المسيحيه ودي ديانه سماويه 

والرسول كان  فرحان لما هزموا الفرس لان الفرس كفار والروم دين سماوي ولما ربنا بشرنا بكده ف القرآن

طب فيما يخص مصر .... لان دا موضوعنا 

الروم كانوا بيحكموا مصر يعني محتلين مصر 

وفارضين عليهم ضرايب لما نشفوا ريق المصريين ودمهم ... وساحبين القمح من المصر وبيبعتوه روما وكلنا فاكرين عباره مصر سله الغلال...  وكانوا بيسموا القمح اللي واخدينه من مصر (القمح السعيد)

وكان الاباطره الرومان بيظبطوا ولاء شعبهم عن طريق القمح اللي بيتاخد من مصر 

واللي بالمناسبه مكانش فائض دا كنا بنتحرم منه ويتاخد يتوزع واحنا نموت من الجوع 

والدليل الثورات اللي كان المصريين بيعملواها ضدهم 

طب ودينيا 

كان الرومان في اول ظهور المسيحيه رافضينها وبيحاربوا المسيحيين 

والمصريين جريوا ع الدين الجديد وامنوا به وسابوا عبادة الالهه اللي كانت منتشره ف مصر وروما 

الاباطره مسكتوش ونزلوا فيهم تعذيب وقهر وهدم كنائس 

ولما تعرف ان الرهبنه اختراع مصري انتشر بعد، كده ف العالم كله 

واما تعرف ان الرهبان كانوا كلهم عايشين ف الصحاري وع الجبال تعرف انهم كانوا بيهربوا من بطش الرومان 

اكتر من ٢٠٠ سنه مرار طافح 

وفرجت الحمد لله لما قسطنطين اعلن اعترافه بالمسيحيه 

يا فرج الله اخيرا 😊

بس يا فرحه ماتمت ... اصلهم اتجهوا للمذهب الملكاني ... والمصريين ع المذهب اليعقوبي

يعني حاجه كده لها علاقه بكينونه سيدنا عيسي عليه السلام فاهمنها كويس المسيحيين 😎

وميفرقش كتير مع المسلمين انهم يفهموها 😶

وتاني اضطهاد وظلم وهروب للجبال والصحاري بدينهم 

فضلوا علي كده لحد لما دخل عمرو بن العاص مصر 

امن المصريين ومفرضش عليهم الاسلام لا بسيف ولا بغيره 

بتهجصي..  طب هاتي الدليل كده 

١ - في برديتنين :

١ -  واحده بتتكلم عن ان قائد الجند استلم ٦٥ نعجه لاطعام الجند علي ان تخصم من الجزيه 

٢ - برديه تانيه ودا نصها : بسم الله الرحمن الرحيم 

، أنا الأمير عبد الله أكتبُ إليكم يا أُمناء تُجاَّر مدينة بسوفتس، وأرجو أن تبيعوا إلى عُمر بن أصلع، لفرقة القوطة، علفَا بِثلاث دراهم كل واحد منها

دي معامله محتل 

بيشتري علشان يأكل جنوده 

 ويقول القس منسَّى يوحنَّا:

«بعد استتباب السُلطان للعرب في مصر، وبينما كان الفاتحُ العربيُّ يشتغل في تدبير مصالحه بالإسكندريَّة، سمع رُهبان وادي النطرون وبريَّة شيهات، أنَّ أُمَّةٌ جديدةٌ ملكت البلاد، فسار منهم إلى عمرو سبعون ألفًا حُفاة الأقدام، بِثيابٍ مُمزَّقةٍ، يحملُ كُلَّ واحدٍ منهم عكَّاز... تقدَّموا إليه، وطلبوا منهُ أن يمنحهم حُريَّتهم الدينيَّة، ويأمُر برُجوع بطريركهم من منفاه. أجاب عمرو طلبهم، وأظهر ميله نحوهم فازداد هؤلاء ثقةً به ومالوا إليه، خُصوصًا لمَّا رأوه يفتح لهم الصُدور، ويُبيحُ لهم إقامة الكنائس والمعابد، في وسط الفسطاط التي جعلها عاصمة الديار المصريَّة ومركز الإمارة، على حين أنَّهُ لم يكن للمُسلمين معبد، فكانوا يُصلّون ويخطبون في الخلاء.»

والامثله كتبره زي مثلا الكنيسه المعلقه اقدم الكنائس المصريه واللي اتبنت علي انقاض برجين، من، حصن بابليون

 اللي فاكرينه اللي حارب عنده العرب الرومان يعني العرب حاربوا الرومان في الحصن 

والمسيحيين بعدها يعني تحت الحكم الاسلامي بنوا كنيسه كده اللي هي الكنيسه المعلقه 

اخيرا بقي لان الامثله كتيره اوي 

سؤال اخير فين مسلمي الاندلس يعني موجودين فين دلوقتي ف اسبانيا ولا البرتغال 

لاهنا ولا هنا 

ليه لان حصل لهم تطهير عرقي وذبحوا كلهم او فروا 

انما مسيحي مصر عاشوا واستمروا للان 

نكمل بكره

#انا_وانت_وساعات_الحظر 

#كده_يبقي_العرب_احتلوا_مصر؟

#الفتح_العربي

#ابتسام