#كتر_خير_اللى_افتكرنى #الليله٣٦٣ #الجزء_الرابع #محمود_المليجى_وعلويه_جميل

#كتر_خير_اللى_افتكرنى
#الليله٣٦٣
#الجزء_الرابع
#محمود_المليجى_وعلويه_جميل

نكمل الحكايه ...
انا بحكى حكايتهم مش علشان نجوم وفنانين وبلا بلا بلا 
ولكن قصص حياة بشر بنتعلم منهم حاجه 
زى حكايه سكر الله يرحمه او فاتيما او ابو وش احمر

بشر عاديين ناخد من حياتهم عبره وعظه و 
محمود المليجى اللى عليه تبريقه كانت بتخوف علبة  الفيشار اللى انت ماسكه ف ايدك ف السينما وانت بتتفرج عليه 

هو خاف يقول للولا صدقى انه نفسه يتجوزها بس ف السر علشان المرأه الحديديه 

اما بقى فتحيه الانصاري فدى  بنوته مصريه من اصل لبنانى شقيه اتعلق بيها مش ليدى زى لولا صدقى 
ولا هانم زى علويه مراته 
و علشان كده بيتجرا المرادى انه يصارحها بطلب الجواز 

بس متجرأش انه يعلن كده قالها جواز ف السر وقابل اهلها واتفقوا ومع ان البنوته خايفه من سطوة مدام علويه بس هى كمان حبته دا المليجى بردو
يعنى مش واد هلفوت  تقريبا ايامها كان لسه بشعر

وهو سبتها بقى واقنعها متخافيش يا حياتى واحنا هنتجوز من غير ما هى تعرف 

مين دى اللى متعرفش 
انا وانتم اللى منعرفش 

انما عند الاستاذه علويه عرفت ... بعد ٣ ايام 

 ومتعرفش ايه اللى حصل لما عرفت 

لان بعد ٣ ايام كانت علويه هانم ماسكه التليفون وبتقولها انتِ طالق يا فوزيه😳 

اه .... المدام عرفت واجبرته يطلقها ف اول اسبوع عسل 
تسكت على كده 

هى البنت دى عرفته منين من فرقة اسماعيل يس اللى بيشتغلوا فيها 
يبقى تليفون تانى لاسماعيل  يس اطردها يا اسماعيل وطردها اسماعيل 
وحوده يا حبيبى راح للبنت ردها تانى 

واخد القسيمه الطلاق ووراها لمدام علويه اللى واضح انها كانت كشفاه وفاهمه اوى انه بيشتغلها   

ف بعد ٣ ايام وصلت لفوزيه قسيمه الطلاق رسمى فهمى نظمى 

وخلصت قصتهم كده 

واضح ان محمود اه بيحب علويه هانم  والا كان سابها مفيش حاجه تجبره يكمل معاها  بس قيودها الحديديه عليه خلته كل شويه عاوز يفلفص خصوصا انه كان دا فعلا الاسم مسميه لها بره البيت  ( المرأه الحديديه )  🤭

و ف الستينات بردو تيجى تشتغل معاه واحده تانيه بنوته حلوه اسمها دريه احمد دمها خفيف وروشه كده وصوت حلو حاجه عكس المرأه الحديديه ويحبها محمود ويتجوزها
ف السر بردو 
يا ترى هتفلت منيها المرادى يا حوده 

ومع انى مبحبش فكرة الزوجه التانيه زى اغلب او كل الستات  

بس مش عارفه ليه متصالحه مع ان عم محمود المليجى  يفك عن نفسه القيود الحديديه😂😂😂

خصوصا ان الراجل بيستعمل حلال ربنا 
ومبيعملش ما يخالف شرع الله بس بيخالف شرع المراه الحديديه 

الحدوته طويله ولو كملتها ممكن تزهقوا منى وتناموا 

وانا قبل كده نوهت عن خطورة انك تنام و التليفون يقع من ايدك مفتوح ف ايد الابديت الجديد لمدام علويه جميل وقد ازعر من انذر 

اه طبعا طبعا ... كلنا علويه جميل مع ازواجنا مع ان لسه عم حوده كان صعبان عليا 😅😅

قُصره ...

حواديتى مبيخلصوش ...
وانتوا كمان ف الايك و الكومنت والشير متقصروش ☺

#حكايه_ورا_كل_مثل
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد