#طالوت_ملكاً #الليله١٢ #الجزء_الثالث

#طالوت_ملكاً

#الليله١٤

#الجزء_الثالث

 

ابتدت المعركه طبعا جالوت دا ضخم اللي حد مرعب وعنده من الجيش و الثقه والغرور ما يجعله يتحدي بكل ثقه 

علشان كده وقف الصفين قصاد بعض كل جيش علي جبل 

دا يعني لو تجاوزنا وقولنا ان ٣١٤ نفر دول يعتبروا جيش 

ونادي جالوت وقال : 

- انتوا اصلا عبيد عندنا 

بس مين منكم اللي ييجي يحاربني ولو انتصر علينا اصبحنا عبيد عنده ولو انتصرت عليه اصبحتوا عبيد عندنا

اللي هو بيسخر مننا ومن عددنا 

طبعا الجيش سكتم بكتم محدش نطق

حبيت اشجعهم احمسهم مفييييشششش...  دا جالوت

لا المرعب يابا مش هزار

 حبيت احمسهم واديهم دافع يشجعهم 

وقلت اللي هيقتل جالوت هجوزه بنتي ويبقي قائد جندي ووريثي علي العرش 

الكل بردو ساكت 

بس استني كده

في فجأه غلام صغير كده خرج من بين الصفوف وقال انا 

مين الولد ده؟؟؟  

حاولت افتكر...  وسألته : انت مين قاله انا ابن يسّي من سبط يهوذا

اه افتكرته دا ولد كان موجود ساعة اختياري للجند واحنا لسه ف بيت المقدس 

انا افتكرت كنت عامل اختبار صغير كده 

كان معايا درع موسي عليه السلام وكنت بلبسه للي عاوز ييجي معايا للحرب لو  جه قده اختاره ولو مجاش يبقي لاء واسيبه 

يسّي كان راجل صالح بس كبير ف السن ميقدرش يحارب فارسل ابنائه الثلاته الكبار هو عنده ٨ او ١٣ ابن مش عارف 

وهو قال الصغير يتابعهم ويجيبلي اخبارهم 

بس الشرط شرط ... اللي ييجي معانا لازم الدرع ييجي مقاسه 

وسبحان الله مع انه مش ضخم يعني ... بس الدرع 

كان قده وعلشان كده جه المعركه... بس دا مش جاي 

يحارب دا جاي ينقل اخبار اخواته ويطمن ابوهم عليهم 

الكلام ده قبل النهر وقبل كله 

المهم دلوقتي الغلام داود دا بيطلب يتحدي جالوت 

مش عارف اقول ايه....  مهو شكلنا وحش بردو لو 

مطلعش حد يرد علي جالوت اللي عمال يستهزئ  بينا 

من الصبح ده

خلاص اطلع يابني ربنا يوفقك 

وانا عند وعدي لو قتلته 

ايه ده؟؟؟ 

حاجه غريبه داود مش خارج بسيف ولا رمح 

داود خارج بمقلاع و٣ طوبات من الارض 

بيوطي يختارهم بعنايه 

شايف جالوت وهو بيسخر منه ومن حجمه وسنه 

بيشاور بسيفه ويتحداه 😳

داود جمع ال ٣  احجار في المقلاع 

وطوحه جامد 

يااااااااه الاحجار جت ف جبهة جالوت 

وخر صريعا...  ياه 

 {وَقَتَلَ دَاوُودُ جَالُوتَ}

داود الولد الصغير راعي الغنم دا حتي معاهوش سيف 

بس بكل شجاعه راح علي جسم جالوت الملقي علي الارض 

وشد سيف جالوت من غمده وفصل رقبته به 

جيش العماليق اترعب 

وجيشنا هجم هجمة رجل واحد

الالاف بيجروا قدامنا 

هزمناهم 

يا حبيبي يا بني خلاص من النهارده انت زوج بنتي ومستشاري ووريثي 

عاد الجيش المنتصر 

 {كَمْ مِنْ فِئَةٍ قَلِيلَةٍ غَلَبَتْ فِئَةً كَثِيرَةً بِإِذْنِ اللَّهِ} 

وتوته توته خلصت الحدوتة 

فَلَمَّا فَصَلَ طَالُوتُ بِالْجُنُودِ قَالَ إِنَّ اللَّهَ مُبْتَلِيكُمْ بِنَهَرٍ فَمَنْ شَرِبَ مِنْهُ فَلَيْسَ مِنِّي وَمَنْ لَمْ يَطْعَمْهُ فَإِنَّهُ مِنِّي إِلَّا مَنِ اغْتَرَفَ غُرْفَةً بِيَدِهِ فَشَرِبُوا مِنْهُ إِلَّا قَلِيلًا مِنْهُمْ فَلَمَّا جَاوَزَهُ هُوَ وَالَّذِينَ آمَنُوا مَعَهُ قَالُوا لَا طَاقَةَ لَنَا الْيَوْمَ بِجَالُوتَ وَجُنُودِهِ قَالَ الَّذِينَ يَظُنُّونَ أَنَّهُمْ مُلَاقُو اللَّهِ كَمْ مِنْ فِئَةٍ قَلِيلَةٍ غَلَبَتْ فِئَةً كَثِيرَةً بِإِذْنِ اللَّهِ وَاللَّهُ مَعَ الصَّابِرِينَ۝249وَلَمَّا بَرَزُواْ لِجَالُوتَ وَجُنُودِهِ قَالُواْ رَبَّنَا أَفْرِغْ عَلَيْنَا صَبْرًا وَثَبِّتْ أَقْدَامَنَا وَانصُرْنَا عَلَى الْقَوْمِ الْكَافِرِينَ۝250فَهَزَمُوهُم بِإِذْنِ اللّهِ وَقَتَلَ دَاوُدُ جَالُوتَ وَآتَاهُ اللّهُ الْمُلْكَ وَالْحِكْمَةَ وَعَلَّمَهُ مِمَّا يَشَاء وَلَوْلاَ دَفْعُ اللّهِ النَّاسَ بَعْضَهُمْ بِبَعْضٍ لَّفَسَدَتِ الأَرْضُ وَلَـكِنَّ اللّهَ ذُو فَضْلٍ عَلَى الْعَالَمِينَ۝251تِلْكَ آيَاتُ اللّهِ نَتْلُوهَا عَلَيْكَ بِالْحَقِّ وَإِنَّكَ لَمِنَ الْمُرْسَلِينَ۝252﴾ [2:246—252] سورة البقره 

واسمحولي دا تلخيص الحدوته باجزائها علشان متوسعش من حد بتفاصيلها الكتير

 ١- بني إسرائيل كانوا مؤمنين وبيتبعوا اوامر الله وسنه الانبياء 

فكان ربنا بيعينهم وينصرهم

وكان عندهم تابوت بيقدموه بين الجنود ف الحرب فبتنزل عليهم السكينه ويقذف في قلوب اعدائهم الرعب فبينتصروا

٢ - عصوا ربنا وتجبروا وقتلوا الانبياء علشان بينصحوهم 

فغضب ربنا عليهم وخلا الاعداء هزموهم واحتلوهم واخرجوهم من ديارهم و ابنائهم واستولوا كمان علي التابوت 

كمان حرمهم من الانبياء ٤٦٠ سنه بدون انبياء 

واخيرا رزقهم بنبي 

٣ - طلبوا من نبيهم يختار ملك... اختار واحد مش علي مزاجهم لانه اولا مش من السبطين اللي بييجي منهم النبوه او الملك...  وكمان مش غني 

٤ - كانت دلالة ان ربنا اللي اختار طالوت ان الملايكه رجعت لهم التابوت تاني وودته بيت طالوت..  وهنا بدأ الزحف للحرب

٥ - خرجوا للحرب ٨٠ الف 

اختبرهم طالوت عند نهر الاردن علشان يشوف صبرهم وجلدهم فاز ٤ الاف وصبروا

٧٦ الف شربوا ورجعوا تاني ومش هايحاربوا معاهم

٦ - ال ٤٠٠٠ اول ماشافوا جالوت وجنوده خافوا وهرب منهم ٣٦٨٦ يعني اكتر من سبه اثمان الجيش

وصفصف ال٨٠ الف علي ٣١٤ مؤمن مستعد للموت بي سبيل الله والانتصار علي عدوهم

٧ - طلع من وسط الجنود غلام قال انا هاخرج واقاتل جالوت 

وعلي قد صغر الغلام حجماً وسناً

ربنا نصره وقتل جالوت وخافوا العملايق وهربوا 

وانتصرت عليهم الفئه القليله 

٨ - تزوج داوود من بنت الملك طالوت زي ما وعده 

وحكم طالوت ما اراد الله له ان يحكم ثم ورثه داود كما وعده 

وعاش داود حاكم وقاضي ونبي علي بني اسرائيل هو وذريته ما شاء الله لهم الحكم 

وبعد سنين كتير ضعفوا تاني واحتلهم الاعداء تاني كان ( الملك بختنصر او نبوخذ نصر )واستولوا المرادي علي بيت المقدس نفسه 

وبعد ٢١ ملك من ذرية داوود حصلت حكايه العزير اللي حكيناها قبل كده 

كده تلخيص للحدوته 

علشان بهد كده لما تمر علي الايه تبقي تفتكر القصه وتترحم عليا 🙃

#طالوت_ملكا

#الجزء_الثالث 

#انا_وانت_وساعات_الحظر

#يارب_اكون_فهمتها_صح

#ابتسام