#فاطيما #الليله٣٩ #الجزء_الثاني

#فاطيما
#الليله٣٩
#الجزء_الثاني

اتجوزت اخيرا من شهرين كانوا اصعب ٦ شهور مروا عليا 
رجليا دابت من اللف ع المحلات علشان اجهز اللي عاوزاه 
ايمن كان مستعجل 
والحمد لله انا حامل دلوقتي 
وزي ما بتقولوا انتهت مرحلة وهن علي وهن وبعد ايام هقابل ابني حبيبى 

روحت للدكتوره وقالت ممكن اولد طبيعي ف اي وقت انا فرحانه اوي هاعمل حتة سبوع 

بس المشكله اني لازم اعمل شعري علشان شكله باظ خالص بعد الجِلاد ما راح من عليه 

هاقعد ادهنه وبعد ساعه ويرجع شعري سايح ونايح 

ااااااااااه 

بولد ااااالحققققققققوني ....
ماما واخواتي وايمن اتلهوا فيا 
الولاده متعسره اوي 

بقالي  ساعات كتير .... بالظبط ٢٧  بولد لما روحي طلعت....  بس الحمد لله ربنا رزقني بواد زي القمر 

ياااااه دانا نسيت الدهان علي شعري واتلهينا ف الولاده

اما اقوم اغسله بقي 

ايه ده شعري بقي كتله واحده 

مش بتفك خالص عامل زي سلك الالومنيوم 

اني واخواتي بيحاولوا معايا بس مفيش فايدة 

الشعر كله كتله واحده  . .... زي ما يكون ساح ف بعض
دول بيحاولوا يفكوه 

بس بينزل كتل كتل
احنا لازم تروح لدكتور 

الدكتور اداني كورس علاج امشي عليه 
بعد عذاب شهور داخله ع السنه 

بدأ يطلعلي شهر...  اه    ما هو انا بقيت قرعه خالص
بعد ماشعري وقع وممكن تقولوا ذاب    

الشعر اللي بينبت ده طالع ابيض وخفيف اوي ولا شعر ست عندها ٧٠ او ٨٠ سنه 

الغريب ان الاول لما كان شعري طويل وتقيل اوي كنت متضايقه منه ومكانش عاجبني

سبحان الله دلوقتي ابيض وانا عندي ٢٤ وخفيف جدا ولسه زي ما هو هايش 

وكمان الدكتور مانعني احط عليه اي كيماويات لا فرد ولا صبغه قالي حنه بس وتكوني متأكده انها نوع طبيعي معليهوش اي اضافات 

انا بحني شعري وقصيته كاريه 

انا بقعد به عادي وسط اهلي ومحارمي مش بتكسف منه ولا بغطيه دا مشوفتوش الا بعد شهور كنت فبهم  قارعه 

انا دلوقتي معتزه بشعري وثقتي ف نفسي متهزتش ولا نزلت بالعكس زادت عن زمان

انا بحمد ربنا علي كل حال
 عاوزه اسأل الاسئله اللي بقولها لنفسي بس بصوت عالي    

* هو انا ليه كرهت شعري وقررت اغيره وفي غيري اللي معندوش اي حاجه من اللي عندي ومفكرش يغيرها... هي دي الثقه بالنفس واللي للاسف مكانتش عندي

* كلام امي دايما عن شعري وعيوب شعري 
.... افقدني الثقة بنفسي

* خلوا ولادكم يحبوا شكلهم اشكروا ف المميزات  والعيوب حسسوهم انها تافهه ف نظركم هيتعامىوا معاها زي ماعودووهم .... انها تافهه

* عززوا الثقه بالنفس من غير ما نخليهم مغرورين

* نتعود نحمد ربنا على الابتلاء..  وناخد منه درس..  ونبص لنص الكوبايه المليان
* نتعلم اننا ندافع عن ولادنا من اي تنمر من كبار اقارب او جيران او فاعيلي خير فاكرين انهم ظراف ولطاف لما يمدحوا ف جمال الام او احدي الاخوات بالمقارنه بالاخت التانيه نوقفهم عند حدهم وندافع عن ولادنا 
ولما يكبروا نعلمهم يدافعوا ازاي عن نفسهم ضد اي تنمر 
كارته .... سمرا...  معضمه...  مسفرته...  اوزعه ... حوله...  بنضاره ... تخينه 
كل ده اسمه تنمر 

#الحمد_لله_علي_كل_حال
#اتعيب_الخلقه_ام_تعيب_الخالق
#انا_وانت_وساعات_الحظر
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد