#الخيانه_حلقة٤ #الليله٣٩١ #حتى_انت_يا_بروتس_القصه_الثانيه

#الخيانه_حلقة٤
#الليله٣٩١
#حتى_انت_يا_بروتس_القصه_الثانيه

هاخدكم فى رحله تانيه عبر الزمن 
وزى ما اتكلمنا عن خيانة النعمان الاعور اللى خلدها التاريخ بمقولة ((جزاء سننمار ))
هنتكلم عن خيانه تانيه خلدها التاريخ بمقولة حتى انت يا بروتس 
مين بروتس ؟
وخان مين ؟
وامتى ؟ وفين ؟

ونبدأ الاجابه من اخر الاسئله لاولها 

امتى؟ وفين ؟

احنا دلوقتى ف روما ٤٤ سنه قبل الميلاد

تحديداً يوم ١٥ مارس ٤٤ق.م
يعنى قبل مولد سيدنا عيسى ب ٤٤ سنه 

مين اللى اتخان  ؟؟

يوليوس قيصر 

طيب قبل ما نكمل ف موضوع الخيانه واسبابها تعالوا نعرف مين يوليوس قيصر ده  علشان نعرف اهميتة 

دلوقتى نجم روما لمع بعد ما كانت عيلة صغيره  بتحبىّ وكانت بلاد اليونان مسيطره على البحر  المتوسط 

افل نجم اليونان وبزغ نجم الرومان ف الافق وحيث ابتدت مما انتهى عنده الاغريق ( اليونانيين يعنى ) ف روما في الوقت ده كانت من اعظم البلاد في الديمقراطيه وكان عندهم نظام سياسي نادر في ترتيب الحكم بيعتمد على مجلس الشيوخ

وان كان برده ما ميخلاش الامر من فرض الديكتاتوريه من آن لاخر من اللي بيحب انه يكون ديكتاتور واللى بيلاقى ناس بتأيده وناس عندها حساسيه من الدكتاتوريه ( او حكم الفرد المطلق يعنى ) اللى لا عايز حسيب ولا رقيب ولا قريب ولا غريب 

كل شويه يطلع واحد يحاول ينفرد بالحكم مره واحد اسمه ماريوس ودا يلغى القانون ويمشى قوانينه هو 

ومره سولا ومره بومبى تحس اساميهم زى اسامى اللبان

كل ده كان بين  النخبه من اعضاء البرلمان

اما عامة الشعب فعايش على حِسب الريح ما يودى

في وسط ده ظهر الشاب يوليوس قيصر وده كان اسمه وبالمناسبه اسمه الثلاثى هو جايوس يوليوس قيصر 

ولو طنشنا جايوس 
هنلاقى باقى اسم الراجل ده خلده التاريخ مرتين .. ازاى؟؟

مره لما اختاروا اسم يوليوس يكون اسم شهر ٧ ف السنه الميلاديه ويكون بكده كل العالم بيذكره ويكتبه 

والمره التانيه لما اتباعه من الملوك الرومان سموا انفسهم قياصره وبالتالى بقى لقب الملك عند الرومان قيصر نسبةً اللى يوليوس قيصر العظيم 
وكان قبله قيصر ده مجرد اسم وخلاص
دا حتى لما انتهت الممالك الرومانيه وانتهى حكم القياصره على يد المسلمين فيما بعد 

جم الروس وبقى اسم الحاكم بتاعهم قيصر روسيا واخرهم القيصر نيكولاى اللى قامت عليه الثوره البلشفيه ولكن لهذا حكايه اخرى نبقى ننم عليه هو مراته والراهب راسبوتين ... الرهيب 

ونرجع للشاب قيصر

اللى رجع لروما مجدها او بمعنى اصح انشأ مجد محدش سبقه له لما قضى على الثورات اللى ف الداخل وزود التوسعات فى الخارج لحد ما حول روما من دول عاديه لامبراطوريه 
فاكرين مين اول امبراطوريه فى التاريخ ....

صح ام الدنيا مصر

هنرجع نتكلم تانى عن مصر تانى ... بس مش دلوقتى 
ونكمل الليله الجايه مع يوليوس 

معلش ..استحملوه هو حكايته طويله شويتين زى شهر يوليو اللى مبيخلصش ده 

#رجال_اندال_كانوا_مضرب_الامثال_وخلدهم_التاريخ٣
#حكايه_ورا_كل_مثل
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد