#الشاطرحسن_وست_الحسن_والجمال #الليله٤٠ #حواديت_امى#الجزء_الاول

#الشاطر_حسن_وست_الحسن_والجمال
#الليله٤٠
#حواديت_امى
#الجزء_الاول

كان ياما كان يا فؤاد يا ابتسام ولا يحلا الكلام الا بذكر النبى عليه الصلاة والسلام

كان فى راجل متجوز  من ست خلف منها ولدين حسين وحسونه وبعدين ماتت واتجوز واحده تانيه وخلفت ولد كمان وسماه حسن وبعد كده زوجته التانيه ماتت

 وعاش الاب مع اولاده التلاته اللى كبروا و اسبحوا رجاله و ف يوم الاب حس بتعب ف عنيه وانه مبقاش يشوف بيهم 

الولاد التلاته جابوا الحكيم علشان يعالج ابوهم بس للاسف الحكيم قالهم ان علاج عنين ابوكم من موجود ف اى مكان الا من نبات الخلنجان اللى  بيتزرع ف جنينه قصر ست الحسن والجمال بنت الملك النعمان 

الشاطر حسن قال انا هاروح ادور عليه لحد ما اجيبه 

وساعتها الشاطر حسين والشاطر حسونه 

قالوا : يبقى نروح ندور على النبات ونجيب علاج ابونا لاننا احنا كمان بنحبه مش الشاطر حسن بس 

مشيوا الاخوات التلاته وخرجوا من البلد و مشيوا ف طريق طويل وف نهاية الطريق لقوا شجره كبيره الطريق بعدها متقسم ل٣ طرق قعدوا تحت الشجره يرتاحوا واتفقوا انهم علشان يوصلوا للعلاج بسرعه لازم يقسموا نفسهم بين الطرق التلاته علشان يوفروا وقت 

وقام الكببر الشاطر حسين قال انا اخترت الطريق الاول اللى اسمه (( سكة السلامه ))

والاخ الاوسط الشاطر حسونه  اختار الطريق التانى اللى اسمه ((سكة الندامه ))

وبكده بقى مش فاضل الا الطريق التالت اللى اسمه ((سكة اللى يروح مايرجعش))

طبعا واضح من اسمه انه اسوء الطرق هو اللى من نصيب الشاطر حسن

اتفق الاخوات انهم يسيبوا الخواتم بتاعتهم  تحت الشجره وبكده اللى يلاقى العلاج و يرجع بيه هياخد الخاتم بتاعه من تحت الشجره 

و ساعتها اللى يرجع يعرف ان العلاج بتاع ابوهم لقوه 

مشى كل واحد ف سكته 
والشاطر حسن لاحظ ان السكه اللى هو ماشى فيها مفيهاش اى انسان لاحظ كمان ان الشجر اللى مغطى الطريق وحاجب نور الشمس 

وكثيف اوى لدرجة انه الطريق ضلمه مع اننا بالنهار 
الشاطر حسن مشى لحد ما لقى ف طريقه كوخ كبير ... و من شكله وريحته الوحشه عرف الشاطر حسن انه بيت غول

والشاطر حسن مفروض يرجع بس هو شجاع علشان كده قرب من الكوخ وفعلا لقى الغول 

وقاله :  السلام عليكم ورحمة الله وبركاته يا ابونا الغول 

رد الغول وقاله : لولا سلامك سبق كلامك لأكلت لحمك قبل عضامك ، عاوز ايه ياشاطرحسن ؟؟

 
#الشاطر_حسن_وست_الحسن_والجمال
#الحكيم_يعنى_دكتور
 #حكايات_امى_ادعولها_بالرحمه
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد