#الخيانه_حلقة٦ #الليله٣٩٣ #حتى_انت_يا_بروتس_القصه_الثانيه#الجزء_الثالث

#الخيانه_حلقة٦

#الليله٣٩٣

#حتى_انت_يا_بروتس_القصه_الثانيه

#الجزء_الثالث

علشان نبقى عارفين الواد بطليموس ال١٣ دا كان خِرع كده و البت كليوبترا ال٧ كانت ارجل منه 

المهم اننا الليله اللى فاتت كنا قلنا ان بومبى هرب على مصر بعد هزيمته على ايد يوليوس قيصر على اساس انه كان بينه وبين حكام مصر علاقات جيده وكده من ايام بطليموس ال١٢ ما كان هربان عندهم من بورة الميريين ضده ... فاكرين  

ويعنى يوم تهربوا عندنا ... ويوم نهرب عندكم والايام دول

الا وف عز قعدة الأُنس دى و ذكريات بومبى مع مستشارين الملك وهو طمعان يعونوه بجيش يروح يعلم على يوليوس قيصر وهم بين اه ... وفاكر  و مسم ... و كانت ايام يا جناب القنصل ... والقعده حلوه و بيس  وهيئ وميئ وكده

الا وجت لهم الاخبار ان يوليوس جاى متتبع للقنصل بومبى 

ساعتها ...اذ فجأةً المستشارين اللى كانوا قاعدين مع عم بومبى واكلين شاربين سهرانين معربدين سوا 

الا و راحوا مديين له بومبه وقتلوه  😅

على اساس ينتقموا من بومبى الوّحِش اللى مزعل حبيبنا قيصر العظيم 

وحبوا انهم يزبطوا قيصر ويخلوا اسيادنا الرومان راضيين عليهم 

الا ان بقى المفاجأه الحلوه دى زعلت قيصر منهم

ايه؟😳

وليه ؟🤔

هو الراجل ده المجنون ولا ايه  ؟!🙄

بس اللى ميعرفوش مستشارين بطليموس ال١٣ ان بومبى ده كان حليف قيصر بالامس وزوج المرحومه جوليا  بنت قيصر

 

وبكده يبقى  باللى عملوه قتلوا نسيبه  ويتموا حفيده سكستوس العسوله وننى عين جدو 

بالتالى كان رد الجِميله اللى عملها مستشارين بطليموس ال١٣ الواطيين خاينين العيش والجعه واللى مش بيصونوا اللقمه الحرام 

 

و اللى مش بيدرسوا كويس وبيشوفوا شغلهم ويعرفوا كويس مين جوز بنت مين ... - تقريبا موضوع ان المستشارين كده زى قلتهم و بيغرقوا الحكام  دا طلع موجود ف مصر من ايام البطالمه -😏

المهم قيصر كافئهم و  

 قتلهم 😆

مش بس كده لاء واعلن تنحية بطليموس ال١٣ 

اه يوليوس كان واعد بطليموس ال ١٢ 

ومجيبناش ف القعد سيره بطليموس ال١٣ 

وبكده الراجل عداه العيب وازح 

طبعا بطليموس عيط وقال الله ... وانا مالى يالمبى 

وقام هربان على قصر كده متطرف ف اسكندريه وهناك حاصره قيصر لحد ما خلص عليه ... يلا خد الشر وراح🤗

طب واخاطب مين لما احب اكلم شعب مصر دا قيصر اللى بيقول 

جت له المزه الاغريقيه اللى بيتقال عليها انها كانت لا مزه ولا حاجه 

دا في مؤرخين بيقولوا انها كانت سوقية الكلام ومش جميله زى اليزابيث تايلور قطه هوليود اللى مثلت دورها ف فيلم اللى اترشح ل٩ جوايز اوسكار  وحصل على ٤ منها  

وبصراحة تبقوا غلطانين لو ماشوفتهوش ... مش ريتشارد بيرتون ☺ ... قصدى الفيلم 

المهم ان الست كليوبترا ال٧  بلفت عم يوليوس العجوز وهى عملت فيها بقى الارمله الحزينه اللى عاوزه كتف حنين تبكى عليه😏

وهيئ وميئ ... لاء دى عياط غير هيئ وميئ  بتوع بومبى مع مستشارين بطليموس ال١٣

وف النهايه اتجوزت يوليوس قيصر وبسرعه ربطته بعيل وامعاناً ف التظبيط والبلف سمت الولد قيصرون 

وفرح يوليوس بالمزه المصريه ( هم بيقولوا عليها ملكه مصريه مش يونانيه لانهم كانوا  بيعتبروا نفسهم مصريين من اصل اغريقى ) 

بس خلينا ماشيين واحده واحده مع اول القياصره القيصر ذات نفسه 

لاء مش كاظم الساهر دكهوا  قيصر العراق

انما  احنا بنحكى عن قيصر روما الاوريجينل 

المهم ان عم قيصر ظبط تحت يده حكم مصر الفعلى وان كان تارك كليوبترا ال٧ بتحكم علشان الشكل وبتاع وهى اصلاً المودام بتاعته وزيتنا ف دقيقنا

هو اصلاً قبل كده كان مستولى على كل بلاد اليونان والغال اللى هى  (فرنسا) واسبانيا 

وآن لهذا الفارس ان يترجل بس مش على طريقه عبد الله بن الزبير ولكن على طريقه استراحة المحاربين من خوض غِمار المعارك 

 وقال دا وقت الاستقرار والراحه وآن الجندى يضع سلاحه ليمارس حياته العاديه

كأى حاكم دكتاتورى عادى مظبط الدنيا لبلاده بره وجوه 

ففى الداخل قضى على الانقلابات وسامح اللى سامحه وقتل اللى قتله 

والخارج اصبح البحر المتوسط بحيره رومانيه بفضل جهوده  خصوصا ان بومبى قبل كده كان ضامم فلسطين وسوريا 

و زى ما قلت رجع تانى يستريح  ويريح الشعب الرومانى علشان يستنفعوا بالمكاسب اللى وصل لها 

طب والموضوع الرئيسى الخيانه ... دا حكايته جايه 

بس والله انا كابتسام مرتاحش ولا يغمض لى جفن الا اما احكى الحايه بحذافيرها حذفوره حذفوره 

نقطوا بقى العروسه كليوبترا بال٣ دول 👍 و 💬 و 📌

#رجال_اندال_كانوا_مضرب_الامثال_وخلدهم_التاريخ٥

#حكايه_ورا_كل_مثل

#ابتسام