#الخيانه_حلقة١٠ #الليله٣٩٧#حتى_انت_يا_بروتس_القصه_الثانيه#الجزء_السابع

#الخيانه_حلقة١٠

#الليله٣٩٧

#حتى_انت_يا_بروتس_القصه_الثانيه

#الجزء_السابع

لما مات قيصر مراته كالبورنيا اخدت كل الورق اللى كان عندها يخص قيصر وادته لمارك انطونيو

كانت ست  خجوله وطيبه كانت اصغر من جوليا بنت قيصر دى من طيبتها كانت بتوصى بروتس انه يمنع قيصر يروح الاجتماع لانها خايفه عليه 

المهم ان انطونيوس مكذبش خبر واستنفع اوى من الاوراق دى 

ازاى؟

مثلا كان لسه مشترى قصر وبيماطل فى سداد تمنه 

لكن بقدرة قادر سدد ديون عليه بمليون ونص دولار بقيمة الوقت الحالى  

لما اتفتحت وصية قيصر كان موصى بكل ثروته الخاصه لاحفاد اخواته ال ٣

يعنى اكتافيوس مذكور اسمه بالتحديد 

طبعا دا زعل انطونيوس ومع كل اللى بيقال انه اخده من فلوس ومزايا وزعها على معارفه و يقال انه  اضافه لاوراق قيصر بس بردو كان زعلان 

ف الوقت ده كان رجع اكتافيوس زعلان على جده و زعلان من رد الجميل من رومتدا بعد ما حعلها سيدة العالم

رجع روما وخافوا اهله عليه من اللى ممكن يعمله فيه انطونيو لانه كان معتبر نفسه وريث قيصر الوحيد مش بس فلوس لكن سلطه بس اكتافيوس سخر منهم 

اكتافيوس كان شاب رقيق ولكن حازم وشه اصفر وصحته تعبانه من امراض ف بطنه 

بتخليه ياكل قليل ويشرب اقل بس عنده عزيمه وقدرة سياسيه قويه

و فى الوقت اللى وصل فيه اكتافيوس لروما 

وف عز ما كان انطونيو مش طايقه ولا قابل بوجوده ولا قابل بانه يورث كل اللى ورثه من يوليوس قيصر واهمهم اللقب قلب قيصر 

كان فى ناس عمالين يوغروا صدر اكتافيوس ضد انطونيوس 

كان فى واحد بالذات اسمه شيشرون او سيسرو كان مثال لمعاهم معاهم عليهم عليهم 

يعنى تقدر تقول عليه مصطفى بكرى هذا الزمن 

وان كان اكثر منه لباقه وخطب ناريه اللى بتمثل دلوقتى المقالات و البرامج التليفزيونيه 

شيشرون دا قعد يسخن ف اكتافيوس 

 

لحد ما فعلا الدنيا قامت بينه وبين انطونيوس بس 

كان هيبقى المستفيد من الحرب دى بروتس و قتلة يوليوس 

فعلشان كده عمل هدنه بينه وبين انطونيوس و اتعمل ساعتها 

الحلف الثلاثى الثانى بين انطونيوس و أكتافيوس ولابيدوس

ابتدوا يطاردو قتلة قيصر بس قامت مذابح كتير محصلش زيها ابدا ف روما من شناعتها 

يعنى مثلا

 

 حطوا  جنودهم حراس على كل مخارج المدينة  المحكوم بإعدامهم كانوا بيستخبوا  في الآبار والبالوعات وغرف الاسطح في البيوت والمداخن ومنهم من ماتوا وهم بيدافعوا عن نفسهم ومنهم من اللى ماتوا من الجوع أو اتشنقوا  أو غرقوا  و فى اللى  رموا نفسهم من فوق الأسطح أو رموا نفسهم في النار

ووفى اللى  اتقتل خطأ 

وفى من غير المحكوم عليهم اللى انتحروا فوق اجساد اللى  اتقتلوا من قرايبهم 

فى مثلا واحد اسمه  سلفيوس كان عارف أنه من اللى متقرر إعدامهم  فعمل  وليمة وداع لأصحابه 

ساعتها وهم قاعدين  ودخل عليه رسل الحكام الثلاثة في ساعة العزومه ما هى شغاله والناس قاعدين ع السفره الا وقطعوا رأسه وسابوا جسمه على السفره زى ما هو وبعدين أمروا المدعوين أنهم  يستمروا في الاكل والشرب  

 وانتهز العبيد الفرصة انهم  يتخلصوا  من سادتهم فيبلغوا عنهم 

وكمان واحد من العبيد

اتخفى  فى لبس مخدومه  اتقتل بداله منه 

ومات بعض الأبناء وهم بيدافعوا عن آباءهم

ووشى  بعض الابناء على آباءهم علشان يرثواهم   

ومن الزوجات الزانيات أو اللاتي خانهم أزواجهن اللى فتن عليهم

وأنقذت زوجة كوبونيوس  جوزها ونامت مع أنطونيوس تضحيه دى ولا مش تضحيه 

وكانت ففيا زوجة أنطونيوس  حاولت قبل كده  تشتري بيت جارها رفوس ولما الحال اتبدل واخوها وجوزها حكموا حاول انه  يقدمه لها هديه  من غير ثمن 

ولكن هى حطت اسمه بين أسماء المحكوم بإعدامهم يلا بالشفا خلى البيت ينفعك

  

فلما اتقطعت رأسه أمرت انها ( اى رأسه ) تدق  بالمسامير على باب بيته الأمامي

اما شيشرون مصطفى بكرى الرومان فدا هنحكى عنه الليله اللى جايه 

احسن تعبت من العنف ده

ومتنسوش 👇

👍 و 💬 و 📌

#رجال_اندال_كانوا_مضرب_الامثال_وخلدهم_التاريخ٩

#حكايه_ورا_كل_مثل

#ابتسام