#الخيانه_حلقة١١ #الليله٣٩٨#حتى_انت_يا_بروتس_القصه_الثانيه#الجزء_الثامن

#الخيانه_حلقة١١
#الليله٣٩٨
#حتى_انت_يا_بروتس_القصه_الثانيه
#الجزء_الثامن

أنطونيوس ضاف  اسم شيشرون  للأسماء الأولى من المحكوم عليهم بالاعدام 
وده لأن ماركوس أنطونيوس كان عنده تار قديم بسبب واحد قريب مارك انطونيو  قتله شيشرون قبل كده 

و كمان كان زعلان من الكلام اللى كان بيكتبه او بيقوله شيشرون عنه وكان كله  تجريح وطعن وبهدله 

 و ان كان أكتافيوس في الاول كان معارض دا اقصد قتل شيشرون يعنى   
لكنه افتكر لشيشرون تمجيده لقتلة قيصر

دا بالاضافه لانه معتقش اكتافيو من تلميحاته المشينه 

و لما حاول شيشرون يهرب مستحملش دوار البحر فساب  المركب وقضى الليل في بيته و كان عاوز يقضي فيه اليوم الثاني مستنى موته   لأن ده في نظره احسن  من البحر واللى شافه فيه 

ولكن عبيده بيحبوه ف حطوه جوه هودج و مشيوا به ناحية السفينة

وهم  في طريقهم الا وهجم  عليهم جنود أنطونيوس و كان  العبيد عاوزين  يقاوموهم ولكن شيشرون أمرهم أن ينزلوا الهودج على الأرض ويستسلموا 

وبعدين  مد  رأسه وجسمه مترب وشعر رأسه ولحيته منكوشين

 علشان  يسهل على الجنود قطع رقبته وكانت أوامر أنطونيوس أن تتقطع  إيده اليمين كمان فقطعوها 
ووهب القتلة 250.000 درخمة وأمر بتعليق الرأس واليد في السوق

 وهاجوا بروتس وكاسيوس فى  آخر مقاومه لهم بجيش حاولوا يكون قوى 

 و اللى استعانوا على تمويله بكل افترى على الولايات التابعه لروما

مثلا 

طلبوا من الولايات الشرقية للإمبراطورية ضرايب عشر سنين مقدم  وفعلاً خدوها 

 ولما أهل رودس يعنى زمزأوا كده  هاجم كاسيوس مينائهم  وأمر الأهالي جميعهم بتسليم ثروتهم

و كل اللى يتردد يقتله   و خرج و معاه عشرة ملايين ريال أمريكي يعنى بقيمه الاموال دلوقتى

 مثلا ... 
نزل جنوده في بيوت طرسوس  ومسابوهاش الا لما اخد منهم  ٩ ملايين ريال

طب وجمعوا ال٩ مليون دول ازاى؟

  باعوا فى المزاد جميع أراضي البلدية وصهروا جميع آنية الهياكل وحليها
وباعوا كل الأحرار عبيد فباعوا  فى الاول الأولاد والبنات وبعدين النساء والشيوخ وباعوا فى الآخر  الشبان 

وانتحر كتير من الأهالي لما  عرفوا أنهم هتباعوا

وجمع كاسيوس من بلاد اليهود أربعة ملايين ريال وباع سكان أربع مدن عبيد 

بروتس مكانش ملاك بردو دا لما رفض سكان أكسانثوس  الفلوس اللى طالبها .... حاصرهم لحد ما  نفذت مؤونتهم و لكن لم ينفذ عنادهم فانتحروا جميعاً
عجبونى دول ماتوا بكرامتهم 

فى النهايه اتجمع انطونيوس مع اكتافيوس لحرب كاسيوس وبروتس رأسى قتل قيصر 

وهزموهم شر هزيمه 

ولما كاسيوس لقى انه اتهزم أمر  حامل درعه أنه يقتله وقد كان له ما اراد 

احسن يستاهل 

  اما بروتس فلما شاف  رجالته بيستسلموا فعرف أنه خسر كل شيء وساعتها رمى بنفسه على سيف صديقه ومات
احسن يستاهل

قوم ايه بقى لما أنطونيوس لقى جثة بروتس  غطاها بثوبه الأرجواني فى الاول والاخر دول كانوا هو و بروتس صديقين في يوم من الأيام
ومصارين البطن بتتعارك 

قلبه قلب خسايه انطونيوس ده 
دا على اساس ان كل اتدبحوا دول مالهمش حد بيحبهم ويوجعه فراقه 
بس تقول ايه ؟
انطونيوس مكانش عنده الا ثوب ارجوانى واحد ويادوب يكفى بروتس 

 معركة فلپاي دى كانت آخر معركة برية للأشراف القدامى 
 ومن بعدها كتير عملوا زى كاسيوس وبروتس  

ابن كاتو وابن هورتنسيوس وكونتليوس فارس وكونتس لبيو ....كلياتهم انتحروا

وجه وقت تقسيم التورته اللى هى  الإمبراطورية واختار ماركوس أنطونيوس مصر وبلاد اليونان والشرق

وكان أنطونيوس دايماً عاوز فلوس علشان كده عرض على مدن الشرق انه مش هيعاقبها على الفلوس اللى  أدتها  لأعداءه 
ال يعنى كانوا بيدعوا بمزاجهم وانه ممكن يسامحهم لو هم ادوله قد اللى ادوها لاعداؤه ... يعنى عشرة أمثال الضريبة السنوية في مدى عام  

 وسامح  كل اللى  حاربه إلا اللى  اشتركوا في قتل قيصر و ساعد المدن اللي اتعذبت على ايد كاسيوس وبروتس ورفع عنها الضرايب الرومانية وحرر كتير من اللى باعهم المتآمرون عبيد كمان حرر مدن سوريا من الطغاة 

وف عز ما هو طيب مع الناس كده وكريم  من طيبة قلبه وبساطة 

لكنه  استسلم لشهواته  استسلام أفقده احترام رعاياه
لانه  أحاط نفسه بالرقاصات والموسيقيات والعشيقات والمهرجين والصخابين و فوق كل ده كان خاربها  زوجات ومحظيات 

 فى الوقت ده بعت الرسل لكليوباترا علشان تروح له  في طرسوس علشان تدافع عن نفسها فى  تهمة انها كانت  بتساعد كاسيوس  على انه يجمع الفلوس والجنود

 وجت كليوباترا 

بس جت في الوقت اللي هى اختارته  و بالطريقة اللي اختارتها

ازاى جت وعملت ايه 

دا اللى هنكمله الليله الجايه 

ومتنسوش 👇

👍 و 💬 و 📌

#رجال_اندال_كانوا_مضرب_الامثال_وخلدهم_التاريخ٩
#حكايه_ورا_كل_مثل
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد