#مارلين_مونرو #اوبرا_ونفرى #الليله٦٧

#مارلين_مونرو

#اوبرا_ونفرى

#الليله٦٧

مارلين ..بحبها اوى .. 

بحب كل افلامها مهما نكبر مننساش : البعض يفضلونها ساخنه ... والبعض يفضلونها شقراء .. وهرشة السنه السابعه ... وغيرهم

 وعلى اد بساطة الاداء الا ان كان عندها  كم من الطفوله صارخة الاغراء ف مكس غريب محدش عرف يعمل زيه و يا مكتر من قلدوها 

بس دايماً صعبانه عليا مع ان طفولتها وبداية شبابها اللى بتتشابه كتير مع اوبرا ونفرى 

الاتنين عاشوا طفوله فقيره وصعبه وابوين بدون زواج

الاتنين تم اغتصابهم  ف طفولتهم (9 ) سنين الاتنين وحمل واجهاض ومشاكل كتيره تدمر اى ست وتطلعها مكسوره 

الاتنين طلعوا من تحت اوى من افقر طبقات المجتمع المهمشه والمحتقره ف المجتمع الامريكى 

ولكن  قدروا يبقوا ايقونات مش ف امريكا بس ف العالم كله

اللى حصل بعد كده ان مارلين فجأه نسيت قوتها وسلمت نفسها للاخوين كنيدى اللى باعوا واشتروا فيها وبقوا ييلعبوا بيها ويشقطوها لبعض وانتهت مقتوله او منتحره المهم انها وهى فوق قمة العالم نزلت متحطمه 

فى المقابل اوبرا ونفرى السوداء اللى معندهاش كتير من المقومات الجماليه اللى كانت عند مارلين بس ذكيه

علفكره مارلين كمان كانت ذكيه ومثقفة خصوصا بعد جوازها من ارثر ميلر الكاتب المشهور بس ممكن زى ما قلت سلمت نفسها لبوبى وجونى كينيدى ونسيت شغفها 

اما اوبرا 

 فضلت تعافر لما بقت دلوقتى على من اعلى الناس ثراء ف امريكا والعالم ( حرفيا اغنى سيده ف العالم )

مارلين استسهلت اللى وصلتله واكتفت انها حبيبة جونى ولا اخوه بوبى (روبرت كيندى )

منتحره .. او قتلها جون او بوبى   علشان فضايحها معاهم .. 

اوقتلتها جاكلين كيندى غيرانه على جوزها جون كيندى رئيس امريكا 

مارلين سلمت نفسها وعقلها لغيرها .. ففقدت نفسها 

اوبرا محتفظه بعقلها لنفسها و اموالها واعمالها للخير .. عليت لما فكرت ف غيرها خيرها كان لها ولغيرها

الاتنين بحبهم ... بس بحترم اوبرا  ....  وبتصعب عليا مارلين

علشان كده اتكلمت عن اوبرا ونفرى واعجابى بشجاعتها وجدعنتها وتستحق انها يتقال عليها ست ب١٠٠ راجل

كنت نزلت مثل بيستفذنى بتاع 

#لوصحت_شورة_المرا_ترجعك_سنتين_لورا 

المثل  ده👇

https://www.facebook.com/102264164820545/posts/144785677235060/

#سلسله_ست_بمائه_راجل

#اقصد_اوبرا_ونفرى

#انا_وانت_وساعات_الحظر

#ابتسام