#متجر_بيع_الزوجات_سوق_الحلاوه#الليله٤١٧
#متجر_بيع_الزوجات_سوق_الحلاوه
#الليله٤١٧
منقول_بتصرف_شديد😂😂😂
في مدينه من المدن افتتحوا
مول بيبيع العرايس ( زواجات المستقبل )
هناك يقدر الراجل انه يختار زوجته بنفسه
على شرط ان يدفع دولارا واحدا علشان يطلع كل دور
ومن بين التعليمات اللي اتحطت في المدخل لتوضيح أسلوب التعامل ف المول :
١ - أن كل راجل له فرصة واحده بس لدخول المول !
٢ - وانه ممكن انه يختار العروسه ( زوجه المستقبل) من أى دور يعدى عليه او لو معجبهوش يطلع للدور اللى فوق منه ويدفع دولار زياده
٣ - ولكن مينفعش انه ينزل للدور اللى تحته
دخل راجل المول علشان يختار زوجه ... وفى مدخل الدور الأول كانت المواصفات :
البنات هنا
١ - جميلات
٢- عندهم خبره ممتازه فى اعمال المنزل
٣ - متدينات
قرر يدفع الدولار التانى ويشوف ايه اللى ممكن يضاف للمواصفات الهايله دى و اللى هى حلم كل الشباب
وطلع الدور التانى
وفى مدخل الدور الثاني عبارة :
كانت المواصفات :
البنات هنا
١ - جميلات
٢- عندهم خبره ممتازه فى اعمال المنزل
٣ - متدينات
٤ - وبيحبوا أهل الزوج
طب دى ميزه هايله يعنى ضمنت انك عندك الراحه والسعاده بلا منغصات
بس تقول ايه ادفع دولار كمان واشوف المنتجات بتاعة التصدير 😂😂
ودفع الدولار وطلع الدور الثالث
ومواصفات العرايس هنا :
البنات هنا
١ - جميلات
٢- عندهم خبره ممتازه فى اعمال المنزل
٣ - متدينات
٤ - وبيحبوا أهل الزوج
٥ - ويتمتعوا بصفات الانوثة الكاملة
وسع بقى كده يا عم معندكش حجه
ادخل بقى الدور ده وخد حاجه ع الفرازه وفرز اول ومنتجات تصدير
و فعلاً الراجل كان هيدخل م بالدور ده – فهو بصراحه عجبته جدا الصفات دى - ولكنه إستمر ف دفع الدولار والطلوع للدور اللى بعده
ووصل دلوقتى للدور الرابع فلقى اليافطه مكتوب عليها العرايس هنا :
١ - جميلات
٢- عندهم خبره ممتازه فى اعمال المنزل
٣ - متدينات
٤ - وبيحبوا أهل الزوج
٥ - ويتمتعوا بصفات الانوثة الكاملة
٦ - ويساعدوا الزوج في المصاريف
واستعجب أكثر😳
وقال في نفسه : يا دين النبى إنا مش قادر اتحمل ...انا هادخل علطول واخطب
بس لقى نفسه بيكمل طلوع للدور اللى بعده
وفى مدخل الدور الخامس لقى مكتوب
العرايس هنا :
١ - جميلات
٢- عندهم خبره ممتازه فى اعمال المنزل
٣ - متدينات
٤ - وبيحبوا أهل الزوج
٥ - ويتمتعوا بصفات الانوثة الكاملة
٦ - ويساعدوا الزوج في المصاريف
٧ - وملكات جمال
طب بزمتك يدخل بقى ولا مبدخلش
المفروض يدخل دا مفيش بعد كده حاجه يعنى
بس دا لسه فى دور تانى 🤔
ياترى هيكون في ايه تانى ...؟
وبعد حيره مابين انه يدخل الدور الخامس ده وبين انه يكمل
خصوصاً ان خبرته فى الادوار اللى فاتت خلته يلاقى كل مره ميزه مكانتش ف اللى قبله
وعلشان كده كمل للدور السادس
و اللى على مدخله لقى مكتوب
:
شكرا لك ...... أنـت الـزائـر رقـم ٤,٥٦٦,٧٨٩
لا يوجد هنا أى نساء فى هذا الطابق
الطابق ده أنشىء مخصوص علشان يؤكد أن الرجاله لا يمكن إرضائهم أبداً
🙄🙄🙄🙄🙄🙄
شكراً للتسوق فى " متجر الزوجات "
😅😅😅😉😉😉👌
لنا الله نحن النسوه ...
وعلى راى المثل ... سوق الحلاوه جبر واتدلعوا الوحشين
☺☺☺☺
#ابتسام
تعليقات
إرسال تعليق