#هاجر_الاميره_المصريه_ام_العرب #الليله٧٤ #الجزء_الثالث

#هاجر_الاميره_المصريه_ام_العرب

#الليله٧٤

#الجزء_الثالث

- وخلفت هاجر والدنيا عماله تديها جابت ولد خلت نبى الله تقر عينه بالذريه ويتملى البيت بصوت صغير فرحهم كلهم 

 الشيطان يسكت لاء دخل لامنا ساره  خلاها تغير من الرضيع وامه ... 

فكرت سيدنا ابراهيم بشرط الجواز

كان زمان فى شروط عند الزواج ويلزم بها الزوج ولا يحق له مخافتها وكانت السيده ساره شارطه ف عهد الزوج انه لا يتزوج عليها ، وبما انها هى اللى اصرت على زواجه من السيده هاجر فبكده كان زواجه ممكن 

بس ستات بقى😅 

حتى لو كانت زوجة نبى 

واستغرب سيدنا ابراهيم : 

-- لا اله الا الله مش انتى يا ستى اللى طلبتى انى اتجوزها علشان الولد وادينى اتجوزتها والولد جه 

= لاء الشرط شرط متجمعش عليا زوجه تانيه 

--طب والحل يا رب

 ربنا قاله خدها هى وابنها ووديهم عند البيت الحرام 

اللى  بناه سيدنا ادم بنفسه بمساعدة الملائكه  ويقال ان اللى بنته الملائكه قبل سيدنا ادم و الله اعلى و اعلم 

 ولان دوام الحال من المحال المرادى اتشردت تانى بس المرادى ومعاها رضيع ... جوزها خدها وسابها ومعاها كيس تمر وقربة ماء .... وبس

جريت وراه ... استنى هتسيبنا هنا لوحدنا ف مكان لا زرع فيه ولا بشر

 

سابها مشى مديها ضهره ومبيردش 

-- استنى هتسيبنا هنا لوحدنا

ماشى بردو مااتلفتش 

-- استنى هو ربنا اللى امرك بكده 

المرادى رد وقالها .. اه 

ساعتها مجريتش وراه وقالت اذا لن يضيعنا الله 

سابهم وكمل مشى ... بس لما وصل عند ثنية الجبل حيث لا تراه وقف ووجه وجهه لمكان الكعبه وقال دعوته

 رَّبناَّ إِنِّي أَسْكَنتُ مِن ذُرِّيَّتِي بِوَادٍ غَيْرِ ذِي زَرْعٍ عِندَ بَيْتِكَ الْمُحَرَّمِ رَبَّنَا لِيُقِيمُوا الصَّلَاةَ فَاجْعَلْ أَفْئِدَةً مِّنَ النَّاسِ تَهْوِي إِلَيْهِمْ وَارْزُقْهُم مِّنَ الثَّمَرَاتِ لَعَلَّهُمْ يَشْكُرُونَ (37) 

 سورة ابراهيم

سيدنا ابراهيم كان من ارق القلوب واكثرها حنانا ورحمه ..دا صعب عليه قوم لوط الكُفار الجبارين  لما عرف ان الملايكه جايين علشان يعذبوهم ... دا اتحايل على ربنا ف  عمه  اذر علشان يرحمه وميعذبهوش 

مش ممكن يقسى قلبه على زوجته ووحيده بس هو بينفذ امر الله 

طب وليه ربنا بيأمر بكده 

بيحابى السيده ساره وغيرتها حاشا لله 

طب ايه السبب ؟؟؟

تعمير المنطقه اللى هجرها البشر بعد ما انهيار البيت العتيق فى السيل العرم وقيل فى فيضان سيدنا نوح وهو الاقرب للصواب 

يبقى الحكمه اعلى من ان يدركها بشر مهما كان الحكم صعب علينا كبشر لان عقلنا القاصر مش هيدركها 

زى حكاية سيدنا موسى مع الخضر وهو نبى ... ولكن لهذا حكايه اخرى 

بس الست دى مش قليله ... 

علشان كده ربنا اعطاها الحمل الثقيل ده لانها قده 

وعلشان ينشأ صغيرها اسماعيل  من نعومة اظفاره ف المكان ده ويتعود على حياة الصحرا وصعوبتها 

 ... الحكايه طويله وبيصعب عليا اغفل تفاصيلها

 

فااااااا نكمل بكره 

#امنا_هاجر

#ست_المصريين_وست_العرب

#من_كان_مع_الله_لن_يضيعه_الله

#دوام_الحال_من_المحال

#الثابت_ان_مفيش_ثوابت

#ابتسام