#هاجر_الاميره_المصريه_ام_العرب #الليله٧٥ #الجزء_الرابع

#هاجر_الاميره_المصريه_ام_العرب

#الليله٧٥

#الجزء_الرابع 

وترجع تانى الدنيا تدور وشها لهاجر وتقفل ف وشها لما خلصت الميه وخلص البلح ومتلاقيش فى صدرها لبن لابنها وتلاقى نفسها محتاسه 

اه لن يضيعنا الله  بس لازم ناخد بالاسباب  مستناش الميه تيجى لحد عندى 

وعملت رحلتها المشهورة بين جبلى الصفا والمروه 

وتلعب بيها الطبيعه ويتهيألها من السراب ان فى زرع فوق جبل الصفا 

وتطلع فوق الجبل وبعدين ما تلاقيش حاجه 

ويلعب  عليها السراب تانى وتشوف زرع على جبل المروه 

وتعمل رحلة السبع اشواط الشهيره  - اللى ربنا كرّم  بيها هاجر وجعلها من مناسك الحج حتى يوم القيامه -

وتاخد بالها انها سايبه  ابنها دا كله

 بتجرى علشان  تشوفه ضارى اكله 

ولا مات من كتر الجوع والعطش ونحرة القلب من العياط 

بس لما راحت له لقته لا بيعيط ولا حاجه 

لقته شارب ومروى ومبسوط  وساكت ولقت الميه حواليه

الست العاقله المدبره متخدعتش بكتر الميه 

اللى عاشت حياه الملوك وبعدين حياة الجوارى ... اللى عاشت حياة زوجه النبى وبعدين حياة الضياع مع ابنها ف الصحرا 

اللى عارفه ان الدنيا قلابه ودوام الحال من المحال 

عارفه انك لازم تعمل حساب بكره 

وعلشان كده فضلت تحوط ع الميه وتقولها زم زم 

وبقى البير اسمه زمزم علشان الحركه دى 

ودا جزء من حديث طويل للرسول صلى الله عليه وسلم بيصف الجزء اللى حكيناه قبل كده ... ودى كمالته 

((ثم استقبلت الوادي تنظر هل ترى أحدًا، فلم ترَ أحدًا، فهبطت من الصفا، حتى إذا بلغت الوادي، رفعت طرف ذراعها، ثم سعت سعي الإنسان المجهود، حتى إذا جاوزت الوادي، ثم أتت المروة فقامت عليها، ونظرت هل ترى أحدًا، فلم تر أحدًا. ففعلت ذلك سبع مرات.

قال ابن عباس: قال النبي ﷺ:

« فلذلك سعى الناس بينهما ».

فلما أشرفت على المروة سمعت صوتًا فقالت: صه، تريد نفسها، ثم تسمعت فسمعت أيضًا، فقالت: قد أسمعت إن كان عندك غواث، فإذا هي بالملك عند موضع زمزم، فبحث بعقبه - أو قال بجناحه - حتى ظهر الماء فجعلت تخوضه، وتقول بيدها هكذا، وجعلت تغرف من الماء في سقائها وهي تفور بعد ما تغرف.

قال ابن عباس: قال النبي ﷺ:

« يرحم الله أم اسماعيل لو تركت زمزم ».

أو قال: « لو لم تغرف من الماء لكانت زمزم عينًا معينًا »

فشربت وأرضعت ولدها، فقال لها الملك: لا تخافي الضيعة، فإن ههنا بيت الله يبني هذا الغلام وأبوه، وإن الله لا يضيع أهله.))

ودعوة خليل الله لخليله كانت افئده من الناس مش بس ميه ولا اكل

لاء دا طلب لهم ونس وعزوه وسند

علشان كده قبيله من القبائل الرحل اسمهم قبيله جُرهم كانوا معديين 

وشافوا الطيور بتحوم فى السما ودا معناه ميه 

جريوا ع المكان وهناك لقوا الست اللى قاعده لوحدها مع ابنها 

لاء بقى دا انتى ست مباركه علشان ربنا يفجرلك الميه فى المكان القفر ده 

طب تسمحيلنا نقعد معاكى 

والست اللى دربتها الدنيا على قسوتها قالت وماله اتفضلوا 

بس بشرط متنسوش انى انا صاحبة الميه انا وابنى

 

مش سايبه هى يعنى ولا علشان ست يعنى تستغلبونى 

ولا فاكرينى وحدانيه ولا ليا حبيب ولا قريب و غريب 

وكانوا ناس كويسين وهى عاشت وسطهم تتعلم من نسائهم عمل الخيام من شعر الاغنام وتتعرف على طريقه عيشتهم 

 واتحقفت دعوه ابونا ابراهيم وبقى يتنقل من بيته ده وبيته ده 

وكبر الولد وربنا رزق خليله باسحاق بعد ١٣ سنه من عمر اسماعيل 

فى واقعه ذكرها ربنا فى كتابه العزيز 

هَلْ أَتَاكَ حَدِيثُ ضَيْفِ إِبْرَاهِيمَ الْمُكْرَمِينَ (24)إِذْ دَخَلُوا عَلَيْهِ فَقَالُوا سَلَامًا ۖ قَالَ سَلَامٌ قَوْمٌ مُّنكَرُونَ (25)

فَرَاغَ إِلَىٰ أَهْلِهِ فَجَاءَ بِعِجْلٍ سَمِينٍ (26)فَقَرَّبَهُ إِلَيْهِمْ قَالَ أَلَا تَأْكُلُونَ (27)

فَأَوْجَسَ مِنْهُمْ خِيفَةً ۖ قَالُوا لَا تَخَفْ ۖ وَبَشَّرُوهُ بِغُلَامٍ عَلِيمٍ (28)فَأَقْبَلَتِ امْرَأَتُهُ فِي صَرَّةٍ فَصَكَّتْ وَجْهَهَا وَقَالَتْ عَجُوزٌ عَقِيمٌ (29)قَالُوا كَذَٰلِكِ قَالَ رَبُّكِ ۖ إِنَّهُ هُوَ الْحَكِيمُ الْعَلِيمُ (30)

بس امتحانات الست الصابره دى لسه مخلصتش 

ياترى هتشوف ايه ؟؟؟

نتعلم منها الصبر بقى ونصبر على باقى القصه لحد بكره☺ 

#امنا_هاجر

#ست_المصريين_وست_العرب

#من_كان_مع_الله_لن_يضيعه_الله

#دوام_الحال_من_المحال

#الثابت_ان_مفيش_ثوابت

#ابتسام