#سوسن #الليله٤٢٦

#سوسن
#الليله٤٢٦

كان ياما كان في بنوته ف   ابتدائي

ملامحها حلوه واموره 
كانت دايماً هاديه ومؤدبه ومع ان الصفات دى كانت المفروض انها تحبب زميلاتها فيها لكن كان العكس بيحصل

زمايلها دايماً بيتجنبوها ومش بيكلموها ولا يخلوها تقعد على نفس الديسك معاهم 

كانوا من اول السنه يجمعوا بعض شِلل تقعد جنب بعض ويقعدوا ف الفسحه سوا يلعبوا سوا 

اما سوسن ودا كان اسمها 
فمكانوش بيقربوا منها 
لا يرضوا تقرب منهم

سوسن بما انها كانت هاديه كانت بتقعد لوحدها ومش بتشتكى
فى الحصه و ...الفسحه و ف ... الديسك و ...حصص الالعاب والترفيه 

كانت فى الوقت ده مس سعاد مدرسة الفصل شايفه وملاحظه واخدت بالها من معاملة البنات لسوسن 
واخدت بالها كمان ليه بيعاملوها كده 
اللى لاحظته مس سعاد على سوسن انها دايما مش مهتمه بنفسها 
يعنى مثلا الفستان لونه ازرق باهت وشكله قديم و مش جديد ولونه غامق زى باقى لبس بنات المدرسه 
كمان مس سعاد كانت ملاحظه ان سوسن دي كانت دايما شعرها مش متسرح حلو 

لكن كانت دايماً منكوشه ممكن تكون بتتسرح مره ولا مرتين ف الاسبوع ومش بيفرق كتير شكلها قبل ما تتسرح لبعد ما تتسرح لان شعرها مع انه جميل وطويل وناعم بس لونه مطفى ومقصف من قلة الاهتمام والعنايه 

من الاخر كانت مبهدله دوناً عن كل اللي ف الفصل ودا اللى كان بينفر الاطفال التانيين منها

وكانت البنات مش بيحبوا يقعدوا جنبها ولا يتكلموا معاها

ولما وصلت مُدرسه الفصل للملاحظه دى 
سألت مدرساتها بتوع السنين اللى فاتت عن حياتها وظروفها 
وعرفت ان ابويها موجودين ربنا يخليهم لها 

ومع ان كتير بيكونوا ايتام اب او ام وساعات الاتنين ولكن عمرهم ما بيبقوا مهملين بالشكل ده 
 
وفكرت تانى يمكن منفصلين وكل واحد رامى حمل سوسن على التانى .... بس دول مع بعض 

طب فقرا .... لاء دول عايشين ف بيت كويس بجنينه وف حى عادى وان كان الفقر برده مش سبب للاهمال ف الشكل الفقر بيخلى الفقير يلبس طقم واحد او ٢ بس عمره بيخليه مبهدل ومش مكوى زى سوسن كده 

ولقت فعلا ان اهل سوسن مش فقرا 

كل اللى عرفته مس سعاد ان سوسن باباها ومامتها بيشتغلوا هم الاتنين وان كان من فتره  كده حصلت لهم مشاكل ماديه وعليهم فلوس كتير لازم يسددوها ودا خلاهم يستغرقوا وقتهم كله ف الشغل ومش بيهتموا بسوسن غير بس انها تاكل كويس اكل صحى و مطمنين انها ذكيه فى المدرسه وبتروح بانتظام وترجع تعمل الواجب 
ولان سوسن طفله هاديه وشايفه اهلها بيتعبوا اد ايه كانت مش بتجهدهم ف طلباتها وانهم يهتموا بشكلها ولبسها
لحد ما وصلت للنهايه دى  

فكرت مس سعاد  ف حل لمشكلة سوسن 

و ف يوم بعد نهاية اليوم الدراسى ندهت لسوسن وقالت لها استنينى متروحيش  انا ملاحظه انك مؤدبه وهاديه وشاطره وعلشان كده عاوزه اقدملك هديه

سوسن فرحت اوى ان حد اهتم بيها وجاب لها هديه  فرحت ان حد خد باله منها وفكر يكافأها على اى صفه حلوه سوسن مكنش حد بيشكر فيها 
لا من اهلها المشغولين ولا من زميلاتها اللى بيحتقروهاوحاسين انها اقل منهم
ياترى كانت ايه الهديه ؟
وهل يا ترى لها تأثير ف حياة سوسن واهلها ولا لاء ؟

#تربية_الابناء_مش_سهله_بس_مستاهله 
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد