#السراب #الليله٤٢٥

#السراب
#الليله٤٢٥

السراب ....

القصه اللى كانت النهارده بتتعاد كانت زى ما انتم عارفين عن امنا هاجر والسعى بين الصفا والمروه واللى كان سببه انها بتشوف ميه  فتجرى لها لحد ما عملت ال٧ اشواط المشهوره

طب ايه هو السراب ؟

 السراب هو ظاهرة بصرية وهمية بتحصل بسبب ان   أشعة الشمس بتنكسر ف الهوا  بسبب اختلاف درجات حرارة الهوا فوق الارض البعيده عنها نسبيا  حيث تكون طبقة الهواء القريبة من الطريق أشد حرارة وسخونة من اللي فوقيها

ابسطهالك 
عارفين التجربه بتاعة انكسار القلم ف الكوب اللى كنا بناخدها ف ابتدائى 
وقلنا ان الضوء بينكسر لما بيتنقل من وسط الهوا لوسط الميه فبيبان ان القلم هو اللى مكسور 

اهو الهوا اللى قريب من الارض بيكون اسخن من الهوا اللى فوقه 
علشان كده الضوء بيخلى الارض تبان ان عليها ميه ولما توصل لها تلاقى الميه مشيت من مكانها 
 
فلو كنت ف صحرا هنشوف كأن فى ميه وهنفتكرها واحه ونجرى عليها بس لما نوصل منلاقيش الا رمل

متهيألى لو كان معانا ميه واكل ومش ناقصنا حاجه مكناش جرينا على السراب ندور ع الواحه الوهميه 

ودى الظاهره اللى تلاعبت بامنا هاجر وخلتها جريت ال ٧ اشواط 

بس اللى بيحصل ف الحياه الحقيقيه ان فى ناس بتعيش عمرها كله بتجرى ورا السراب ... بيكون معاها كل حاجه ومع ذلك بتجرى ورا السراب 

ممكن تكون عايشه مستوره ولكن سراب الثروه يفضل يطارهم فيعيشوا يحوشوا اغلب دخلهم ويعيشوا حياه فقيره محرومه زى عم عوض الشهير بفريد شوقى ف مسلسل البخيل وانا 
 علشان اللى يحوشوه ده يخليهم عندهم ثروه ... 

وطبعا لا هيبقى عندهم ثروه ولا هم بيستمتعوا باللى ف اديهم 
وحتى لو بقى عندهم ثروه بردو هيموتوا من غير ما يستمتعوا بيها

وفى اللى بيكون مراته جميله ومحققاله كل متطلباته ومواصفاته فى الستات 
بس تلاقيه عايش سراب ان كل البنات بتحبك كل البنات حلوين وبالتالى يعيش عمره يزنى بنظره ويتمتع بما حرم الله وف سعيه المحموم ورا السراب بينسى الحقيقه اللى معاه ويخسرها ولا هو بيوصل للاكتفاء من النظره الحرام او اللمسه الحرام زى اللى بيشرب مايه مالحه لا هيرتوى ولا هيبطل شرب

وفى اللى سرابه  السفر وكأن اول ما هيسيب البلد دى هتتفرش له الارض ورد من المطار لباب اكبر الشركات مع انه ممكن يجتهد هنا ويحقق حلمه بدل الغربه والمرمطه 

والامثله كتير والسراب كتير

ودا ليه لاننا بننسى الايه الكريمه :

الشَّيْطَانُ يَعِدُكُمُ الْفَقْرَ وَيَأْمُرُكُم بِالْفَحْشَاءِ ۖ وَاللَّهُ يَعِدُكُم مَّغْفِرَةً مِّنْهُ وَفَضْلًا ۗ وَاللَّهُ وَاسِعٌ عَلِيمٌ (268)
سوره البقره

#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد