#ابو_زيد_الهلالى #الليله٤٢٠ #الجزء_الثالث
#ابو_زيد_الهلالى
#الليله٤٢٠
#الجزء_الثالث
فلما سأل بركات امه عن معنى جملة الامير فضل واللى اغلى من ابنى
ويعنى ايه اغلى من ابنى هو انا مش ابنه ؟؟؟
فقالتله أن الأمير فضل يبقى خاله
وأن أباه قتله عربي من بني هلال اسمه رزق بن نائل اللى هو ابوه وافتكرت و المتها الذكرى وقعدت تحكى عن وجعها واللى شافته
وإتأثر بركات بالقصة دى وأصبح كل همه أنه يقتل أبوه رزق بن نائل وهو معتقد أنه هو اللى قتل أبوه
و اعطاه الأمير فضل بركات احسن خيوله و علمه فنون الحرب والصيد وكل اللى بيتعلمه الرجال فى بيئتهم وبسرعه امتاز في الفروسية و تفوق على رجالة القبيلة بمهارته لدرجة انهم كانوا بيغيروا منه
جت جماعة من قبيلة تيدمة أغاروا على قبيلته ف هزمهم وقتل زعيمهم عتوان بن داغر
فزعلوا😢
ومش يتلموا بقى ويعرفوا انه عضمة ناشفه على صغر عمره
لاء دول اغاروا مره تانيه ف هزمهم بردوا
فزعلوا 😢
وراحوا عند الصليدي ملك مدينتهم يعيطوا ويستنجدوا به
فالصليدي بقى زعلان 😢
ووصى عليهم جسار بن جاسر و دا واحد من أمراء بني حميّر
فجسار بقى زعلان 😢
وبعت لقبيلة الزحلان يطالبها بجزية ١٥ سنه متأخرة عليهم كانت المفروض انها تدفعها لقبيلته
ومادامتوا بتقاوموا تيدمة ومش عاوزينهم يغيروا عليكم يبقى ابعتوا بقى
وهاتوا الفلوس اللى عليكوا
على طريقه حماده هلال كده ( هو حماة هلال من بنى هلال 🤔؟؟ نبقى نسأله )
مش بس كده .... دا كمان
وأمرهم أن يبعتوا بركات العبد ....
اه اصلهم كانوا فاكرين أنه عبد علشان لونه اسود وكده
وابعتوه مقيد علشان يتقتل
ووصلتهم الرساله
و رد بركات باسم الأمير فضل رداً بالإذعان
وكانه هو الامير فضل ووافق على كل اللى امروا به
و جاب عبد يشبهه ف الشكل و السن و ربطه و شده على ظهر جمل
و راح هو والأمير فضل و رجالة قبيلته يقابلوا جسار وقبيلتة وعرب تيدمة .... العيوطه دول
وقدم فضل العبد على أنه بركات لجسار اللي اتبسط ان فضل عقل وامتثل لأوامره
وانزلوا بقى تعالوا كلوا يا قبيلة زحلان
ونزلت قبيلة زحلان من على خيلهم
لكن بركات مرضيش ينزل ياكل قالهم .... لاء انا زحلان 😂
لاء هو مقالش كده لكن بركات (ابو زيد) بس هو اللى استنى على حصانه ورفض أنه يأكل معاهم
ساعتها بص جسار واستغرب واستفهم من الأمير فضل عنه
زى قولة ... ودا ماله ده منزلش ياكل معانا ليه ؟؟
فرد الامير فضل وقاله سيبك منه دا عبد مجنون اسمه مسعود ...
والحقيقه ان بركات او ابو زيد منزلش ياكل معاهم
علشان ما تمنعهوش قواعد الضيافة والعيش والملح انه ينفذ المكيدة اللي مدبرينها من الاول
و استدرج بركات جسار بعيداً عن ناسه واستفرد به وكشف له عن نفسه
و قاله نازالنى بقى راجل لراجل
ف جسار بقى زعلان😢
😂😂😂
لاء بجد ... نكمل بكره باذن الله
#ابتسام
تعليقات
إرسال تعليق