#هاجر_الاميره_المصريه_ام_العرب #الليله٧٦ #الجزء_الخامس_والاخير

#هاجر_الاميره_المصريه_ام_العرب

#الليله٧٦

#الجزء_الخامس

 استقرت الحياه بام اسماعيل فى مكه 

وبقى لها جيران قبيلة جٌرهم 

وبقى جوزها سيدنا ابراهيم بتنقل بين مكه وبين ارض فلسطين و كمان  

كبر ابنها وبقى ف سن الصبا 

السن اللى بتبدأ تحصد فيه تعبك ف تربية اولادك ... وتفرح بزرع عمرك 

 ابو الانبياء رأى فى المنام انه بيدبح اسماعيل ورؤى الانبياء حق ودا له مده بيتكرر عليه نفس الرؤيا 

- تعالى يابنى انى ارى فى المنام انى اذبحك 

اليهود بالمناسبه بينسبوا حادث الذبح لسيدنا اسحق ابو سيدنا يعقوب 

(( وسيدنا يعقوب له اسم تانى هو اسرائيل علشان كده هم اسمهم اللى ذكر فى القرآن هو بنى اسرائيل

و المقصود بهم ال١٢ ابن ليعقوب اللى هو سيدنا يوسف واخواته وسموا بلدهم الجديده اسرائيل نسبة لاسمه ))

ولكن لهذا حكايه اخرى 😅

ودا دأبهم انهم يعملوا كل البلاوى وينسبوا لنفسهم كل الفضائل 

ولنا ف قصه طالوت مثال 

#طالوت

ج١

https://www.facebook.com/102264164820545/posts/114250100288618/

ج٢

https://www.facebook.com/102264164820545/posts/114969946883300/

ج٣

https://www.facebook.com/102264164820545/posts/115882180125410/

ونرجع للسيده المصريه ووحيدها 

نكمل حكايتهم 

قال سيدنا ابراهيم يا بنى انى ارى ف المنام انى اذبحك 

=يا ابتى افعل ما تؤمر ستجدنى ان شاء الله من الصابرين 

الشيطان يسكت لاء ... راح لسيدنا ابراهيم هتقتل ابنك البكرى ... دا حلم هتمشى ورا حلم وتضيع ابنك

 ويحدفه سيدنا ابراهيم ب 7 احجار بس يبنزلوا عليه كجمار النار

وراح لاسماعيل ووسوسه انت ازاى تقبل ان ابوك يموتك دا سابك طفل بترضع ف الصحرا لوحدكم انت وامك وجاى دلوقتى بعد ما كبرت عاوز يدبحك اورفض ومتوافقش 

 ورماه اسماعيل بال 7 جمرات التانيين 

طب دول انبياء ورسل ومعصومين

 

روح بقى يا ابليس للست اللى لا مكلفه ولا معصومه 

هتسيبيه ياخد وحيدك 

كان فين ابراهيم ...  وانتى بتجرى تدورى على ميه لابنك 

كان فين .... وانتى بتربيه وتكبريه لوحدك جاى دلوقتى بعد ما كبر ياخده منك 

وكانت دفعه ال 7 جمرات التالته راشقه فى دماغه 

وبقى رمى الجمرات فى الحج  تذكير لنا  كل سنه بوقوف ابراهيم وزوجته وولده ضد ابليس 

وفدى ربنا سيدنا اسماعيل بذبح عظيم ظل عند المسلمين جزء من مناسك الحج 

وكبر اسماعيل وبقى شاب وجاله تانى ابوه اللى اكيد عدى ال١٠٠ 

وقال يا بنى ربنا امرنى ابنى الكعبه 

اللى قلنا قبل كده ان الملايكه بنوها 

وان بعدها بناها  ابونا ادم مع ابنه شيت 

وبناها ابراهيم واسماعيل عليهما السلام و بعد ما ارتفع البناء كان سيدنا ابراهيم بيقف على حجر اللى هو مقام ابراهيم حاليا

 

وده حجر اسمه حجر مائى وكانت اثار اقدام سيدنا ابراهيم سايبه اثرها عليه 

ولكن لان الناس كانوا بيمسحوا عليه اختفت الاثار دى دلوقتى

 (وَأَذِّن فِي النَّاسِ بِالْحَجِّ يَأْتُوكَ رِجَالًا وَعَلَى كُلِّ ضَامِرٍ يَأْتِينَ مِن كُلِّ فَجٍّ عَمِيقٍ} (سورة الحـج:27)

  ووقف عليه يؤذن للناس بالحج وقاله ربنا عليك النداء وعلينا البلاغ

لتكون مناسك تذكرنا بالاسره العظيمه 

وماتت السيده هاجر وهى عندها ٩٠ سنه ودفنها ابنها اسماعيل بجانب البيت الحرام ومكان دفنها بقى اللى اسمه دلوقتى حجر اسماعيل يعنى المكان اللى اتربى فيه اسماعيل 

علشان تفضل ف اطهر مكان ربنا كرمها به 

ليكون الطواف حول قبرها ركن من اركان الطواف لا يصح الطواف  بدونه 

دى امنا هاجر 

دى زوجة ابو الانبياء

وام اسماعيل ابو العرب

 

ومادام اسماعيل ابو العرب يبقى هاجر المصريه ست العرب او جدتهم 

واخيرا ...... 

اختلفوا فى اصل هاجر زى ما قلنا ... اما انها اميره من بيت الملك سنوسرت واسرها الهكسوس 

او انها اميره نوبيه لان النوبه زمان كانت ممكله مستقله واسم ارض الذهب كان اسم على مسمى وكانت دايما فى حروب بينهم وبين ملوك مصرالفراعنه

او من ارض الفرما اول ارض مصريه بعد سيناء واللى هى بورسعيد دلوقتى .... اياً كان 

الاكيد ف الحكايه انها مصريه والاكيد انها من بيت ملكى

وبقت زهرة اللوتس المصريه ودا معنى هاجر بالفرعونى ... ام العرب الكنعانيين 

وبقت الطواف حول قبرها ركن ف الحج 

وبقى الافعال اللى عملتها من سعى ورمى جمرات جزء من الحج

وهى دى امنا هاجر

فى توضيح على بعض الصور

وتوته توته خلصت الحدوته 

#امنا_هاجر

#ست_المصريين_وست_العرب

#من_كان_مع_الله_لن_يضيعه_الله

#دوام_الحال_من_المحال

#الثابت_ان_مفيش_ثوابت

#ابتسام