#سوسن_والهديه #الليله٤٢٧ #الجزء_الثانى

#سوسن_والهديه
#الليله٤٢٧
#الجزء_الثانى 
كانت الهديه ... فستان 

فستان ازرق لون يونيفورم المدرسه وشكله 
بس جديد ونضيف 
سوسن فرحت
مش بس علشان هديه

ولكن علشان حاجه محتاجاها 

مش ناسيه سوسن قبل بداية السنه لما طلبت من مامتها وباباها يخرجوا يشتروا لها فستان جديد وساعتها مامتها قالت حاضر 
وبابا قال  من عنيا يا حبيبتى بس فضلوا يوم يجر يوم ومره يرجعوا متأخرين ومره يرجعوا تعبانين ومره ينسوا وفضلوا على كده لحد ليلة بداية الدراسه 

ولما فكرت سوسن مامتها ان بكره بداية الدراسه الام اتفاجات واتخضت وكانت زعلانه من نفسها وكانت عاوزه تخرج تشتريه ساعتها 
بس سوسن شافتها اد ايه تعبانه 
وقالت لها خلاص يا ماما انا هالبس بتاع السنه اللى فاتت عموماً انا مكبرتش كتير وهو لسه قدى وطلعته من الدولاب كان مكسر ومش مكوى ولما راحت توريه لمامتها لقتها نامت وهى قاعده اخدتها من ايدها وودتها على سريرها ورجعت نامت والصبح لبست الفستان وهو قديم ومش مكوى وشعرها سرحته بنفسها على قد ما تعرف وكملت كل يوم فى الدراسه زى اليوم ده 

افتكرت سوسن كل ده وهى ماسكه الفستان هدية مس سعاد 

 وروحت سوسن البيت فرجت  باباها ومامتها اللى  فرحوا اوي اصل من حظها انهم كانوا اليوم ده اجازه 
ولانهم يا حرام بيتعبوا اوى ف شغلهم طول الاسبوع كان اليوم ده غالباً بياخدوه راحه ف السرير  من تعب الشغل وكأنه دا اليوم اللى بياخدوا فيه نفسهم علشان يرجعوا يواصلوا تعب الاسبوع الجاى 

بس كل ده اتغير لما شافوا سوسن والفستان الجديد 
وكأن فجأه شافوا هم مقصرين اد ايه مع بنتهم 

وكانهم حسوا ان عليهم واجب اهمالهم له خلى بنتهم تصعب على مدرستها 

وفجاه نفضوا التعب ونسيوا الراحه اللى كانوا ناويين يعملوها لباقى اليوم 

وبص باباها لمامتها وقالها على اد ما الفستان جميل ونضيف  لازم سوسن تبقي نضيفه وجميله 

ومامتها قالت انها هتاخد سوسن الحمام 
و فعلاً اخدتها مامتها ودخلت معاها الحمام 
تستحمي وتسرح شعرها وبدل ما كانت كل حمومات سوسن بايدها الطفله الصغيره حمومها المره دى على ايد ماما الخبيره علشان كده كان غير كل مره بتحمى فيها سوسن نفسها 
وخلصت وعملت لها شعرها بالزيوت وسرحته تسريحه جميله اظهرت جمال شعرها ونظافته 

في الوقت ده ابو سوسن كان بينضف اوضه سوسن 

ماهو اصل مش معقول بعد النضافه دى كلها تنام على سرير مش نضيف ولا تمشي علي ارض مش نضيفه 

خرجت سوسن من الحمام كان باباها تقريباً انتهي من تنضيف اوضة سوسن 
ومامتها ساعدته 
ولما خلصوا خرجوا وسابوها تعمل واجبها وتذاكر زى ما متعوده تعمل كل يوم
وخلصت سوسن واجبها ف اوضه متروقه ومعموله متجهزه باهتمام وحب 
كانت دايما عارفه ان باباها ومامتها بيحبوها بس زى ما يكونوا مشغولين او ناسين او مش واخدين بالهم انهم يعبرولها عن الحب ده 

احيانا بننسى نقول لولادنا اننا بنحبهم
او بننسى نعبر عن فرحتنا وفخرنا باى انجاز بيعملوه 

وساعات بنفتكر انهم اكيد هم عارفين اننا بنحبهم 

امال فلوس شغلنا دى كلها بنصرفها عليهم ليه اذا مكانش حب مننا لهم 

احياننا بنفتكر اننا مش لازم نشكر ونمدح فيهم او و نبوسهم و نحضنهم و نحسس على راسهم 
نبوس خدهم او راسهم 

او نقول انا بحبك ...
انا فخور بك ...
لكن مبننساش نقرعهم ونلومهم على اى غلط منهم او تقصير او حاجه كسروها 
ودا بيحول علاقتنا معاهم لناس عايشين ف غرف زجاجيه منعزله 
بنحبهم ومبنقولش وننسى لكن منسساش نعاقب ونأنب 
وهم بيشوفونا اعداء او مش فارقين ف حياتهم ويمكن يفتكروا انهم عبئ واحياناً نكون عدو
 
**التعبير عن حبنا لاولادنا الاحضان والقبلات والانصات والحواديت بيبنى روابط بينا وبيقوى شخصيتهم ويدعم ثقتهم ف نفسهم 

اما سوسن فحصلت ف حياتها حاجه غريبه اوى بعد ما خلصت الواجب وخرجت تشوف باباها ومامتها 

يا ترى ايه اللى حصل ؟
وممكن يكون الفستان عمل ايه ف حياة سوسن ؟

دا اللى هنعرفه الليله الجايه بإذن الله 

بس هل انتم فاكرين👇

👍 و 📌 و 💬

#تربية_الابناء_مش_سهله_بس_مستاهله
#ابتسام


تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد