#حدوتة_ست_محترمه #الليله٤٢٣

#حدوتة_ست_محترمه
#الليله٤٢٣

كنت مره ف حوار مع واحده وبنتكلم عن فكرة الخيانه الزوجيه
والكلام جاب بعضه 
وازى ان ست متجوزه تقبل على نفسها تعمل كده وتخون جوزها

يعنى مفيش ما يبرر الذنب لكن الحجه انها وحيده او محتاجه لراجل 

انما اللى متجوزه ليه تعرف راجل تانى وتخون زوجها  واهلها واولادها وتعرض سمعتهم كلهم للمرمطه 

والاهم تخون ربها و تسيئ لدينها 

وافتكرت حكايه كانت ماما بتحكيها ليا زمان 
 
كان ياما كان فى ست زمان  محترمه💃 جوزها كان

 عارف كده والرجاله👬🧍🧍‍♂️🧑‍🤝‍🧑

 اللى تعرفهم بردو كانوا 
عارفين كده ... انها ست محترمه

اه اصلهم مش واحد دول كانوا شله 
وطبعاً هى كانت شاطره وكانت بتعرف تمشى امورها وتنظم المرور🛃 

و تفهم كل واحد منهم انها بتحبه هو  بس🚻 انها مضطره تكمل مع زوجها علشان العيال 

والشكل الاجتماعى وكدزه و طبعا مفهمه جوزها ان 

هو اللى ف حياتها وانها زوجه محبه ومخلصه وبلا ... بلا .. بلاااا🤗

المهم ان الزوج المخدوع سافر وهى رتبت تعمل 

سهره مع احد اصدقائها وفعلا اتفقت مع تاجر 

القماش👨 انه ييجى النهارده يقضى السهره

 وفعلا جه يزورها وطبعا جاب معاه هديه توب قماش .. فاخر

بس صاحبها البقال🧔🏻 كان عرف ان جوزها مسافر 

النهارده وعلشان كده جالها وجايب معاه زلعه عسل🍯 وشكارة سمسم🛍 وخبط واتلخبطت الاول 

بس علشان هى ست محترمه عرفت تقنع الاتنين انهم يقضوا السهره سوا معاها👬💃

بس شويه والباب خبط وطلع ان صاحبها الجزار👳 كان عرف ان جوزها مسافر وجه يقضى السهره وجايب معاه خروف🐑 اوزى صغنن وطبعا دى هديه متتفوتش ودخل مع الصحبه

وشويه وجه صاحب محل لعب الاطفال صاحبها👲 و جايب معاه طبله  🥁 جابها مخصوص علشان ابنها الصغير🧒🏻 يلعب عليها

ويالا بقى  بجِملة مجتش على ده خش يا عم يلا  يلا اترص رابع جنب اخواتك

والسهره هتبتدى 🕺💃والجو هيهيص الا والمفتاح بيدور ف الباب 

 والباب هيتفتح والمرادى دى جوزها رجع 
لان السفر اتلغى 

وارتبك الجمع ومفيش مكان تخبيهم فيه
 
وبسرعه راح تاجر القماش فرد توب القماش و لافف 

نفسه بيه من ساسه لراسه

وخرج من البيت وهو بيقول : 

- انا الولى ...  انا الولى

والبقال بسرعه دلق العسل على جسمه ودلق فوقيه 

السمسم وخرج من قدام الزوج يقول :

- وانا ايوب المبتلى

والجزار راح لافح الخروف على رقبته وخرج يقول :

- وانا خدام الخليل ابراهيم

اما الحداد فخرج بسرعه وراهم يطبل على الطبله ويغنى :  

- وانا اللى بزف الصالحين

- انا اللى بزف الصالحين

وتوته توته خلصت الحدوته ... 

انا شخصيا مش بحب قصص الخيانه مهما كانت طرافتها او حبكتها 
او براعه الخاين ف الهروب من الطرف المخدوع ف النهايه هو بيخون دينه ونفسه وربه وبيتكشف ... بيتكشف مهما دارى لان ربنا بيستر العبد ف الاول علشان يفتحله مجال للتوبه بس اما بيصمم انه يستمر بيفضحه بس بردو فضيحه صغيره ف المقربين منه علشان ينصحوه ويتكسف منهم ويبطل بس لو اصر ساعتها بتكون والعياذ بالله فضيحه على الملأ 
اللى خلانى احكى القصه دى ان زى ما قولت قبل كده بحاول اجمع كل التراث اللى وصلنى من حواديت امى
وللاسف كمان عندى مجموعه من حواديت الخيانه 
زى مثلاً حكاية الناس اللى وانا بكلمهم افتكرت الحكايه دى

#حكايات_امى_ادعولها_بالرحمه
#ضيع_عليها_خزين_الشهر
#وهدوم_العيد
#بس_عاتشى_طالما_لسه_محترمه_هتعوضهم
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد