#ابو_زيد_الهلالى #الليله٤١٩ #الجزء_الثانى

#ابو_زيد_الهلالى 
#الليله٤١٩
#الجزء_الثانى

 يختار الامير رزق انه يطلق مراته اللى بيحبها  بعد ما أكرهوه قومه من الزغيبه على تطليقها

 علشان  مايجرش العار بسببها على قبيلته كلها

 وبعتها هي وابنها وبعض جواريه اللائي استأذنوا انهم يبقوا معها ودا في حراسة شيخ اسمه منيع علشان يوصلوها لأبوها فى مكة

وبعد ما بعدوا شويه كتيره عن مضارب قبيله جوزها و خيمت المجموعة يريحوا شويه  في وادى ويكملوا  سفر كعادة السفر زمان  

فساعتها إتوسلت الأميرة خضرة، للشيخ منيع أنه يسمح لها انها تفضل في المكان ده  لأنها طبعا خايفه تروح لأبوها وهى في  الظروف دى  

وعدى وقت 
و مر بيهم الأمير فضل بن بيسم ودا يبقى زعيم قبيلة الزحلان 

 وسمع قصتها

وصدقها  وقرر حمايتها ومساعدتها  

وبعدين بعت لهم زوجته الأميرة لعج البهية جابت  الأميرة خضرة وابنها وجواريها

واتبنّى الأمير فضل الولد (بركات ابن رزق) ورباه مع ولاده 

واهتم برعايتة زى ما يكون ابوه 
وكبر الولد الاسمر اللى كان ابوه مسميه  ابوزيد وهو فاكر ان الامير فضل ابوه   

والامير فضل غير اسمه من ابو زيد لاسم بركات 
 
 و بدأ بكر من وهو  صغير أن تبدو عليه مظاهر  القوة 

فمثلا ف مره نزل على المدرس بتاعهم   بالضرب المبرح لحد ما مات 

لأنه حاول أن يعاقب واحد من تبناء الامير اللى هو فاهم انهم أخواته بالتبني 

وأصبح وجوده يرعب زملاءه وكانوا خايفين لدرجة انهم عاجزين عن التركيز مع المدرس الجديد

 فبقى ياخد الدرس لوحده

 و لما اصبح عنده ١١ سنه كان اتعلم كتير من جميع العلوم المعروفة في شبه جزيرة العرب ف وقتهم بما فيها الفلك والسحر والكيمياء وفروع تانيه مختلفة

و ف يوم راح  للامير فضل بن بيسم اللى  متبنيه وطلب منه أنه يهديه جواد

 راح وقاله صباح الخير يا يا بابا

فرد عليه و قاله "صباح الخير يا إبني  يا اللى  أعز من إبني"

الله😳
هو انا مش ابنك ؟؟؟
ودول مش اخواتى ؟؟؟

 واتعجب من الكلام ده  و راح  لأمه يستفهم منها 

تفتكروا رد امه هيكون ايه 

#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد