#اسماء_بنت_عميس #الليله٧٠ #الجزء_الثانى

#اسماء_بنت_عميس
#الليله٧٠
#الجزء_الثانى

عاشت تربى اولاها ومر سنتين 

وتوفت ام رومان زوجة ابوبكر الصديق فزوج الرسول صلى الله عليه وسلم اسماء من ابو بكر الصديق بناء عن طلب ابو بكر لها 

وفى هنا حكايه لطيفه نحب نحكيها عن امنا ميمونه بنت الحارث اللى قولنا انها كانت اخت اسماء بنت عميس من الام ولها اخت اخرى هى ام الفضل لبابه الكبرى 
اللى السيده ميمونه اسرت لها انها تحب رسول الله وتتمنى ان تتزوجه 
وعلشان كده فاختها ام الفضل اسرت الى زوجها العباس عم الرسول صلى الله عليه وسلم وقبل الرسول صلى الله عليه وسلم ابلغتها اختها بالبشاره وامهرها صلى الله عليه وسلم ب٤٠٠ درهم وانتقلت لبيت النبوه وكانت الثانيه التى تطلب الزواج من الرسول صلى الله عليه وسلم بعد امنا خديجه 
وعاشات امنا ميمونه (اللى كان اسمها بره فغيره صلى الله عليه وسلم اللى ميمونه )  
وبكده صارت اسماء اخت ٢ من امهات المؤمنين

نرجع لاسماء بنت عميس اللى كانت اثناء حجه الوداع  بتنجب لابو بكر الصديق  ابنه محمد بن ابى بكر 

ومادمنا ذكرنا حجة الوداع يبقى فاضل على انتقال الرسول صلى الله عليه وسلم كام شهر وينتقل للرفيق الاعلى 

وطبعا بعدها اختار المسلمين ابو بكر خليفه على المسلمين 
واستمر ابو بكر فى الخلافه سنتين 
ويحس ابو بكر بمرض الموت ويشعر بقرب انتهاء اجله ويوصى ان تقوم اسماء بتغسيله 
شوفوا مكانتها كزوجه وكامرأه اما خليفه المسلمين يوصى  ان تقوم امرأته اسماء بنت عميس بتغسيله وتكفينه فاى ثقه فى تدينها واطلاعها 
على تفاصيله 
بعدها ينتقل ابو بكر الى جوار ربه 

وتترمل تانى اسماء .. ويتيتم تانى ابنها محمد  اللى مكملش ٣ سنين 

وتعيش تانى تربى ولادها من جعفر وابنها من ابو بكر وتكنى بام المحمدين انجبت محمد من حمزه ومحمد من ابا بكر 

 وتفضل مع فاطمه بنت الرسول حتى اخر ايامها 

وف يوم بيتكلموا قالتلها السيده فاطمه .....

 تعالوا نسمع كده 🦻

عن أم جعفر أن فاطمة قالت لأسماء بنت عميس إني أستقبح ما يصنع بالنساء يطرح على المرأة الثوب فيصفها قالت يا ابنة رسول الله ألا أريك شيئا رأيته بالحبشة فدعت بجرائد رطبة فحنتها ثم طرحت عليها ثوبا فقالت فاطمة ما أحسن هذا وأجمله إذا مت فغسليني أنت وعلي ولا يدخلن أحد علي

وتتوفى فاطمه 
وتغسلها اسماء  بنت عميس زي ما طلبت فاطمه

وبعد مده يطلبها  علىّ بن ابى طالب شقيق زوجها الاول جعفر يطلبها للزواج

وبكده تكون زوجة الشقيقين جعفر وعلىّ

وبكون علىّ رابع الخلفاء الراشدين فبكده تكون زوجه خليفتين من ال٤ 
ابو بكر وعلىّ

وتعيش معاه وتنجب له يحي و عون

ومن المواقف الطريف الغريبه 

اختلف ابناها محمد بن جعفر ومحمد بن ابى بكر كل واحد بيقول ان ابوه احسن 
ويطلب منها سيدنا على التدخل 
ونشوف بكره هتقول ايه

#اين_نحن_منهن
#نساء_حول_الرسول
#انا_وانت_وساعات_الحظر
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد