#العرق_دساس_الجزء_الثالث #الليله٩٦

#العرق_دساس_الجزء_الثالث
#الليله٩٦
وقفنا ان الملك راح لوالد زوجته وطلب الانفراد به من الحرس 

واول ما خرجوا حط السيف على رقبته وقاله ايه حكاية بنتك ومتكذبش

الملك حماه قاله ابوك كان ملك ظالم وجبار ومفترى 

وكان خاطب بنتى لك وانتوا لسه مولودين 
وبنتى عندها سنتين عيت وماتت وخفت اقوله 

فى الوقت ده كان فى على الحدود بين مملكتنا ومملكتكم غجر ناصبين خيامهم 
وابوك امرنى انى اطردهم 
وفعلا الجنود طردوهم من الفجر 

وبعدين بعد ما مشيوا ورحت علشان اتأكد بنفسى لقيتهم سايبين طفله عندها سنتين جنب خيمه من خيامهم  المهدوده 

تاهت من امها  ف الاجلاء المفاجئ 
او امها نسيتها من اللخبطه 

او ضاعت منهم ازاى معرفتش 

بس المهم ان محدش هيرجع يدور عليها والا هيتقتل من الجنود قبل ما يقرب من مكان الخيام 

هم عارفين كده لما الجنود طردتهم فهيخافوا يرجعوا يدوروا عليها

علشان كده خدتها وربيتها تربيه ملكيه على انها بنتى وهى دى اللى انقذتنى من بطش ابوك لو كان عرف ان بنتى ماتت 

ورجع الملك على قصره واستدعى السايس اللى كان سياسى واصبح مرافق للملكه الان 

وقاله قولى عرفت ازاى ان الملكه مش بنت الملك

قاله يا مولاى الملكه صحيح تربيه ملوك بس لما بتتكلم بيكون لها غمزه كده بعينها😉

ودى حركه مبيعملهاش الا الغجر 

واتبسط منه الملك 

وقاله انت خلاص من النهارده هتكون مرافق ليا ووزير عندى  

وامر بانهم يصرفوله كل يوم خروفين واحد ف الغدا وواحد ف العشا مع سلطاته وبابا غنوجه والشوربه والرز  

وخرج السايس اللى بقى وزير من عنده على بره وحاول يهرب 

وجابه الحرس 

وقاله قول عرفت ايه عنى 

قاله لاء اعفينى يا مولاى 

قاله قول ولك الامان 

قاله مقدرش يا مولاى ادبحنى بس متسألنيش 

قاله لو مقولتش اللى عرفته عنى هاعذبك لحد ما تطلب منى انى اموتك ومش هتنولها 

قول وانا اديك الامان 

قاله يا مولاى انت تربية ملوك وحياة ملوك بس اللى يقول انك ابن ابوك الملك يبقى ميعرفش حاجه 

واتعصب الملك وامر برميه  ف السجن 
وراح على امه الملكه وقالها قولى الحقيقه 

#ساس_يسوس_سايس_سوسه
#حكايه_ورا_كل_مثل
#انا_وانت_وساعات_الحظر
#ابتسام
بقالى اكتر من سنه بكتب قصص كل ليله قصة جديده... تقرأها وتعمل كده🤔 وحاجات تعرفها فتعمل😳  وساعات ☺او😱او😞او😭 بس اؤكد لك انك عمرك ما هتعمل 🥱او😤او😞 وغالبا هتكون كده😂😂😂  وبما ان الحكايات مرت عليها سنه  بس احسب انها مرت مرور الكرام وهتكون جديده عليكم ..اتمنى تقرأوها واتمنى اسمع رأيكوا فى القصه ... ودى كانت قصة الليله ٩٦
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد