#العرق_دساس_الجزء_الرابع_والاخير #الليله٩٦

#العرق_دساس_الجزء_الرابع
#الليله٩٦
الملك راح لامه الملكه وقالها قوليلى مين ابويا الحقيقى 

قالتله يابنى هاحكيلك كل حاجه بس اصبر عليا وسامحنى 

الملك كان ظالم وجبار ومفترى 

ومن افتراه انه كان يتجوز البنت ولما  تقعد ٩ شهور  ومتخلفش يقتلها 
كان شغال على كده فتره  كبيره  وموت بنات كتير
لمدة سنين كتير 

مفيش مره خطر ف باله ان معنى كده انه مبيخلفش 
الله يرحمه كان غبى 

المهم جه الدور عليا واتجوزنى وكان لازم اتصرف 

علشان كده خلفتك من طباخ  القصر 
والسر ده ميعرفوش مخلوق 
انت بقى عرفت ازاى ؟؟؟

قالها دا اللى هارجع  واعرفه 

وطلع السايس من السجن 

وقاله تعالى بقى وقولى عرفت ازاى اصلى وسرى اللى انا نفسى معرفهوش ولا مخلوق يعرفه 

قاله يا مولايا الملوك لما بترضى عن حد 
بتديله عطايا دهب وفضه  ولا نياشين ولا قصور او مناصب 
انما انت كل كل ترضى عليا تنعم عليا بأكل 
  
ودا يعنى شغل طباخين لامؤخذه 
مش حركات ملوك 

رضى عنه الملك وسأله طب تحب انعم عليك بإيه 
قاله انعم عليا بانى اروح من هنا 

كفايه اوى لحد كده واتمنى انك تسيبنى اخرج من مدينتك دى ورقبتى فوق راسى 

وهو بينه وبين نفسه بيقول مدينتك  اللى مطلعش فيها ابن اصل الا الفرسه اللى اتربت على انها بقره 

وعاش الملك اللى مش ابن ملك ولكن ابن الطباخ 

مع الملكه مش ملكه ولكن  بنت الغجر 

وهرب السياسى 

وحرم يشتغل بالسياسه 

ولو دورت عليه بعدها هتلاقيه قاعد يبيع ليمون  على اول ناصية  شمال وانت خارج من البلد اللى بعد البعدهم 

بعد ما ربط عنيه علشان ميلاحظش حاجه تانيه تدخله السجن او تحط رقبته تحت السيف تانى

طبعا بعد ما ضحكنا مع القصه الخياليه مننساش 
نفتكر حديث الرسول صلى الله عليه وسلم 
  
 "تخيروا لنطفكم فإن العرق دساس" 

الحديث ضعيف ودى الروايات اللى ذكرته 

حديث "تخيروا لنطفكم فإن العرق دساس" أورده ابن الجوزي في العلل المتناهية، وقال: إنه روي عن عمر وابن عمر وأنس وعائشة فأما لفظ حديث عمر عن النبي صلى الله عليه وسلم فهو "تخيروا لنطفكم وانتخبوا المناكح وعليكم بذوات الأوراك فإنهن أنجب" وأما حديث ابن عمر ففيه أنه سمع رسول الله صلى الله عليه وسلم يوصي رجلاً فقال له: "يا فلان أقل من الدين تعش حراً، وأقل من الذنوب يهن عليك الموت، وانظر في أي نصاب تضع ولدك فإن العرق دساس" وبين الإمام ابن الجوزي بعد أن سرد ألفاظ الحديث وطرقه أن الحديث ضعيف لا يحتج به، وقد ضعف الحديث أكثر أئمة الحديث.
والله أعلم.

#لوكان_صرفله_لتر_بيبسى_كان_قال_عليه_مدير_ف_زاكس_اوكنتاكى
#ساس_يسوس_سايس_سوسه
#حكايه_ورا_كل_مثل
#انا_وانت_وساعات_الحظر
#ابتسام
بقالى اكتر من سنه بكتب قصص كل ليله قصة جديده... تقرأها وتعمل كده🤔 وحاجات تعرفها فتعمل😳  وساعات ☺او😱او😞او😭 بس اؤكد لك انك عمرك ما هتعمل 🥱او😤او😞 وغالبا هتكون كده😂😂😂  وبما ان الحكايات مرت عليها سنه  بس احسب انها مرت مرور الكرام وهتكون جديده عليكم ..اتمنى تقرأوها واتمنى اسمع رأيكوا فى القصه ... ودى كانت قصة الليله ٩٦
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد