#الغزاله_الصغيره_ج٢والاخير #الليله١٠٨

#الغزاله_الصغيره_ج٢والاخير
#الليله١٠٨
حارب الاعداء ...
وانتصر عليهم  بسرعه ...
ورجع جرى علشان يحتفل مع زوجته بالنصر
 
رجع بسرعه من غير نفير الحراس من بره القصر  ان الملك وصل 
 
ولما دخل على زوجته لقى معاها واحد 
اتفاجئ وبسرعه الشاب ده جرى على بره مخدعها 

وهو وراه بيطارده بسيفه 

بس الواد مجريش يخرج من البوابه 
جرى ع السور والملك بيتابعه بسيفه ولقاه بيهرب من الفتحه الصغيره اللى زوجته طلبت منه انه  يعملها للغزاله ... علشان يعديها للغابه

طبعا نجح الولد انه يهرب ... بس الملك خلى الحراس اللى بره وجايين معاه طاردوه وجابوه 

والحكايه بقى ايه !!!!

الحكايه ان البنت كانت بتحب راعى بيروح  الغابه وكانوا ببتقابلوا من ورا اهلها وأما الملك اتقدم مقدرتش تضحى بفرصه انها تكون ملكه بس بردو مهانش عليها تفرط ف حبيبها 
وعلشان صديقها ضئيل الحجم فكانت الفتحه الصغيره اللى كل مره بتصر انه يعملها للغزاله ف السور كانت بتكفى انه يدخل ويخرج منها

وعلشان تتاكد ان الملك يتعطل اطول وقت كانت بتطلب منه يبنى سور ورا سور علشان على ما يفتح ال٧ اسوار يكونوا انتبهوا ان الملك جه ويلحق بسلامته يهرب 

ولما المره الاخيره كان قافل الباب الاخير  بس

فلما فتحه ماأخدش وقت ولا عمل الاصوات الجامده اللى بتعملها البوابات كل مره علشان كده باغتهم وكمان لانه جه فجأه 
 ربنا كشفهم

#الخلاصه

مش السور هو اللى بيحمى من الخيانه ممكن يكون بيحمى الخيانه 

دور ع اللى تصون عرضك لانها بتخاف ربنا
مش لانها مستخبيه ورا سور او لبس 

اما تتجوزى واحد اه إتجوزي اللى كل فرض ف الجامع و اللى كل الناس بتشكر ف اخلاقه بس لازم قبلها تشوفى اخلاقه معاكى 
وشوفى دينه ف تصرفاته 
الدين ف القلب مش ف اللبس ولا ف الجرى ع الجامع 
مش بقول براحتنا يعنى 
بس الدين المعامله  
نرضى ربنا بتصرفاتنا 

اى حد كان فاكر نفسه ناصح وغويط وحويط ربنا مسيره يكشفه ويفضح عمايله 

الستر على اعمالنا مش من ذكائنا ولكن فضل من ربنا علينا 
انا بشوف الستر ده زى التوب والمعصيه زى حد عمال يتخن ويتنفخ جوه التوب 
مهما كنت فاكر نفسك واعى هييجى عليك يوم يتمزع التوب ده وتتبعتر وتتكشف ذنوبك اللى مخبيها عن الناس ومكسوف منهم ومش مكسوف من رب الناس ساعتها هيبان كل اللى كنت بتخبيه تحت توب الستر
 
اللهم استرنا فوق الارض وتحت الارض ويوم العرض عليك 

#انا_وانت_والحظر_اللى_بوظناه
#مكتبة_بابا
#الله_يرحمه_ويرحم_مكتبته
#ابتسام
بقالى اكتر من سنه بكتب قصص كل ليله قصة جديده... تقرأها وتعمل كده🤔 وحاجات تعرفها فتعمل😳  وساعات ☺او😱او😞او😭 بس اؤكد لك انك عمرك ما هتعمل 🥱او😤او😞 وغالبا هتكون كده😂😂😂  وبما ان الحكايات مرت عليها سنه  بس احسب انها مرت مرور الكرام وهتكون جديده عليكم ..اتمنى تقرأوها واتمنى اسمع رأيكوا فى القصه ... ودى كانت قصة الليله ١٠٨
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد