#تعلمت_من_قصة_سيدنا_سليمان٣#الليله٤٤٧

#تعلمت_من_قصة_سيدنا_سليمان٣

#الليله٤٤٧

 سيدنا سليمان عليه السلام كان متزوج من عدّة نساء يقال انهم كانوا ٧٠ او يقال انهم كانوا ١٠٠ وكان بيتمنى انه  يُرزق بأولاد صالحين شجعان يساعدوه في إدارة مملكته الواسعه ومحاربه الأعداء

 

وف ليله قال  لنفسه : لأطوفنّ على نسائي كي اُرزق بعدد من الأولاد ولكن  نسى يقول (إن شاء الله)  فلم ساعتها رزق  بولد واحد  ميّت ناقص الخلقة جابوه واُلقوه على كرسي سليمان (عليه السلام) 

وَلَقَدْ فَتَنَّا سُلَيْمَانَ وَأَلْقَيْنَا عَلَىٰ كُرْسِيِّهِ جَسَدًا ثُمَّ أَنَابَ (34) ص

ساعتها  (عليه السلام) تفكر  وتألّم لكونه غفل عن الاعتماد على الله  وإعتمد على قواه الذاتية 

فتاب إلى الله

ان كان فى تفسير تانى  يمكن طرحه وهو : ان  لما ربنا رزق سيدنا سليمان ولد الجن خافوا وقالوا دا الولد ده لو عاش هنشوف منه زى اللى شفناه على ادين ابوه سليمان من ذل وبلاء 

فزى ما تقولوا كده سيدنا سليمان خاف على ابنه منهم واسترضعه من المزن (السحاب) الا وفجأه ولقاه ميت على كرسيه

تنبيه من ربنا ان الحذر مايمنعش قدر 

وانه خاف من الشياطين ولم يسلم امره لله فربنا عاتبه ودا رواه الشعبى عن ابى عبد الله 

وحكاية تانيه بتقول

إنّ الله سبحانه وتعالى إمتحن سليمان بمرض شديد ، بحيث طرحه على كرسيه كجسد بلا روح من شدّة المرض ، وعبارة (جسد بلا روح) مألوفة في اللغة العربية لانها  بتتقال على الإنسان الضعيف اوالعليل 

وفي نهاية الأمر تاب سليمان إلى الله ، وأعاد الله له صحّته  وخف وبقى زى ما  كان قبل مرضه (والمراد من (أناب) هنا عودة الصحّة والعافية إليه) .

يسكت اخوانا البعدا ... ازاى امال يسيبوا انبياء الله ف حالهم مش دول اللى قتلوا الانبياء قبل كده امال يألفوا 

القصص الكاذبة على مين ؟

 و بالتالى بيقولوا ان سيدنا سليمان ضاع منه الخاتم بتاعه لما سابه علشان مينفعش يدخل به الحمام  و ان ساعتها سرقه مارد ضخم اسمه صخر من احدى زوجات سيدنا سليمان وهو متشكل بهيئة سيدنا سليمان   عليه واحد من الشياطين و راح جلس مكانه على عرش سليمان  وسيدنا سليمان فضل  هارب لمدة ٤٠ يوم 

او ان جنىّ اسمه اصف سيدنا سليمان سأله ازاى بتفتنوا الناس قاله ورينى خاتمك فلما اخده رماه ف البحر وقعد الشيطان ده على عرشه ٤٠ يوم 

واستكمالا للقصه الغريبه انه كان بيستجدى الناس ف ست ادتله سمكه فتحها ولقى فيها الخاتم بتاعه ورجع لملكه مش زى عادل امام اما قال طبعا ملقاش السمكه لا ف قصة اليهود هو لقى الخاتم ف السمكه وتحس انك بتضحك من سذاجة القصص 

وحوايت تالته ورابعه الشيطان فيها اسمه حقيق وفى اسمه صخر 

وقالوا انه آصر

فى اللى بيقولوا ان ربنا منعه من انه يتزوج من غير بنى اسرائيل ولما اتجوز من بره اتعاقب 

طب ما هو تزوج السيده بلقيس من سبأ من اليمن اكيد  🙄

مش بس كده

دا قالوا انه تزوج كافره ولم يكرهها على الايمان فلما قعدت ف داره ٤٠ يوم تعبد صنم ربنا عاقبه يا سلااااام 🤔

دا مجرد ما عرف ان اهل سبأ بيعبدوا الشمس امرهم كلهم يؤمنوا والا يروح لهم بجيوشه

#يارب_اكون_فهمتها_صح

#ابتسام