#تعلمت_من_قصة_سيدنا_سليمان١١#الليله٤٥٦

 #تعلمت_من_قصة_سيدنا_سليمان١١

#الليله٤٥٦

عارفين سيدنا سليمان ربنا وهبة ملك لم يؤت لاحد من البشر ... لانه حكم بشر وجن وحيوانات وطيور و فهم لغاتهم تحكم ف الرياح النحاس  

دا غير الحبشتكنات اللى بقت معاه ومش مع غيره 

زى بساط الريح وخاتم سليمان غيره وغيره

و كل دا مكنه من انه يحكم مملكه مترامية الاطراف شملت المنطقه اللى فيها حاليا فلسطين والاردن يعنى قول بلاد الشام كلها وعليهم اليمن واثيوبيا غير البلاد التابعه زى مصر وغيرة وغيره وغيره 

بس كل ده كوم وتحكمه ف الجن دا قصة تانيه 

دا ربنا قال عنهم 

( وَلِسُلَيْمَانَ الرِّيحَ غُدُوُّهَا شَهْرٌ وَرَوَاحُهَا شَهْرٌ ۖ وَأَسَلْنَا لَهُ عَيْنَ الْقِطْرِ ۖ وَمِنَ الْجِنِّ مَنْ يَعْمَلُ بَيْنَ يَدَيْهِ بِإِذْنِ رَبِّهِ ۖ وَمَنْ يَزِغْ مِنْهُمْ عَنْ أَمْرِنَا نُذِقْهُ مِنْ عَذَابِ السَّعِيرِ 12 يَعْمَلُونَ لَهُ مَا يَشَاءُ مِنْ مَحَارِيبَ وَتَمَاثِيلَ وَجِفَانٍ كَالْجَوَابِ وَقُدُورٍ رَاسِيَاتٍ ۚ اعْمَلُوا آلَ دَاوُودَ شُكْرًا ۚ وَقَلِيلٌ مِنْ عِبَادِيَ الشَّكُورُ )سبأ١٣،١٣ 

وعين القطر دى اللى هى النحاس ربنا اسال  له النحاس فهو يلين بين يديه كالعجين يشكله كيف يشاء 

اما الجن فمنهم المطيع الممتثل لامر ربه وبينفذ اوامر سيدنا سليمان ومنهم 

اللى بيزوغ من الاوامر بس ربنا مش هيسيبه وانما بيذيقه عذاب اليم فى السعير اللى هى النار 

وبالتالى الجن بيشتغلوا مُكرهين فى اللى بينفذ طاعه لان ربنا مره ودا المؤدب او عاصى لربنا بينفذ خوفا من العقاب 

وهم شغالين تماثيل و

وَجِفَانٍ كَالْجَوَابِ من محاريب وقصور تعمير فى ممالكه اللى ربنا وهبها له 

وعلى اد كل الانشغال اللى انشغله سيدنا سليمان ده الا انه الا انه لم يشغله ابداً عن ذكر الله وعبادته 

واللى ذكره ربنا ف الجن المقرنين ف الاصفاد 

يعنى متكلبشين 

ومحبوسين وفى اتحبسوا ف زجاجات وفى اتحبسوا ف الجبال 

و اياً كان عقابه لهم فاكيد على ذنب ارتكبوه ف حقه او وربنا مجهز خطأ حصل منهم 

وبالتالى يوصلنا ده لانهم كانوا مجرمين او ع الاقل مقصرين 

وبالتالى كان لازم يكون سيدنا سليمان بيراقبهم طول الوقت علشان ميقصروش او يكروتوا او يهربوا من شغلهم 

زى الموظفين عندنا كده اما بيعرفوا ان المدير روح بدرى 

وعلشان يوازن سيدنا سليمان بين عبادته اللى لا يفتر عنها ساعه وبين مراقبته للجن اثناء عملهم 

وكان الحل انه بيقف ف مكان شايفهم وشايفينه يعبد ربنا بلسانه و ف الوقت نفسه عينه عليهم ودا بيمنعهم من التزويغ والكروته واى حركان بيعملها الصنايعى الضلالى اول ما تبعد عنه عين الرقيب

وف يوم مات سيدنا سليمان وهو بيراقبهم 

مات وهو واقف يادوبك مسنود على عصايته

ولان اجساد الانبياء لا تتحلل زى باقى البشر زى ما انتم عارفين 

ولان هو واقف نفس الوقفه اللى متعود عليها الجن ومتغيرش منها حاجه

فضلوا شغالين 

ولانهم واخدين على انه بيستمر لوقت طويل يعبد الله واقف صايم لا اكل ولا شرب 

فهم استمروا بينفذوا اوامره

الا وربنا يبعت لهم حشره ضئيله تافهه اسمها الارضه ومن اسمها نعرف شغلانتها بتقرقض الخشب 

مش من الارض اللى هى الكره الارضيه ولكن من قرضها للاشياء

وفضلت تنخور وتنخور ف العصايه لحد ما جوفتها واصبحت العصايه غير قادرة على انها تتحمل ثقل جسمه عليه السلام فوقع 

وساعتها انتبه الجن انهم اد ايه مغفلين 

وان الفترة دى كلها اتخدعوا ف هيئه سيدنا سليمان

وانهم لا بيعرفوا الغيب ولا اى خيبه وكل الحكايه 

ان بعضهم كانوا بيطلعوا السما يسترقوا السمع ويتصنتوا على اوامر الله اللى بتتنقل بين الملايكه

وينزلوا لاولياؤهم من البشر الكدابين يضيفوا ع الكلمه ١٠ ويقنعوك بانهم بيعرفوا المستخبى ويكشفوا المستغطى ويردوا المطلقة ويجلبوا الحبيب وؤرجعوا الغايب ويزودوا النايب وهم اصلا عمالين يشتغلوا زى المغفلين 

لاء هم فعلا مغفلين وهم مش شايفين ان النبى مات قدام عنيهم 

المعلومات الليله اغلبها من تفسير الشيخ الشعراوى 

ومعرفش مصدره مسألتوش جبت الكلام منين 

بس نستخلص من قصة النهارده ان الجن اهبل 

وان البشر واخدين فيهم مقلب هم والشيخه خديجه المغربيه 

اما الوريث رحبعام فعمل حواديت كتيره نحكيها ونحكى العك اللى حصل فيها واللى مصدره رحبعام نفسه ولا اخوانا البعدا بيتبلوا عليه ...

حقيقى مش عارفه 

#ابتسام