#تعلمت_من_سيدنا_سليمان٧ #الليله٤٥١

#تعلمت_من_سيدنا_سليمان٧
#الليله٤٥١

انتوا عارفين ان اليمن قريبه جغرافيا جدا من الحبشه وبينهم مضيق باب المندب 
متعرفوش؟؟😳
مانتوا لو بتركزوا ف حصة الجغرافيا كنتوا عرفتوا🙄
عموما دايما فى صله كده والحاكم القوى اللى بيحكم ناحيه منهم بيسيطر على الجهه المقابله 

فاكرين ابرهه الحبشى اللى كان بيحكم اليمن ؟
كمان مش  فاكرينه؟😠
ما انتوا لو بتركزوا ف حصة التاريخ كنتو.....

فاكرينه ؟؟☺
خلاص خلاص متزقوش 
المهم يعنى ...
علشان كده كانت بلقيس والملوك اللى قبلها بيحكموا اثيوبيا 
او بلاد الحبشه قديما
وكانت خاضعه لسيطرتهم 

وكانوا اهل الحبشه بيحبوها اوى ومسميينها الملكه ماكيدا (( مش عارفة ليه ما قالوش ماجده دا حتى اسهل ))
فقوم ايه بقى لما اتجوزت بلقيس من سيدنا سليمان انجبت منه ابنهم  ( منليك الأول) 
الغريب بقى ان الجماعه بتوع اثيوبيا شبطوا ف النسب ده اللى هو بين الملكه بلقيس وسيدنا سليمان والناتج عنه ابنهم منليك واعتبروه اول السلاله الحاكمه واللى امتد حكمهم لحوالى٣٠٠٠ سنه اه قرأتها صح 
يعنى ٣٠ قرن من الزمان 
يعنى قبل ميلاد السيد المسيح ب ١٠٠٠ سنه 
يادين النبى 
المهم ان زى ما قلنا الجماعه بتوع الحبشه دول شبطوا ف النسب المشرف ده
ويعتبر هو مؤسس السلالة السليمانية في الحبشة اللى استمرت  حوالى  ٢٢٥ جيل 

ايه ... ياسنه سوخه ياولاد 
تخيلوا ان الفتره الطويله دى لسه خلصانه ١٩٧٤م مع سقوط الإمبراطور هيلا سيلاسي
مش هتكلم عن وش جيلنا حلو عليهم اد ايه😊   
طبعا حتة سياسه ع الماشى كده 
ده يفسر لنا ليه الاsرائيليين راشقين اوى ف اثيوبيا وعاملين معاهم حبايب وعمالين يساعدوهم اقتصاديا وسد النهضه وكده 
مع انهم دايما بيحتقروهم ومش معتبرينهم  yهود اصليين وبيعاملوهم انهم درجة تانيه يهود الفلاشا اللى نسمح لهم بالهجره لما نكن عاوزين وقود للحرب مع الفلسطينين ولا نزود عدد السكان اللى بيقل حتى بدون الدخول ف حرب 
واذا كان اساسا كل سبط من الاسباط ال١٢ شايف انه احسن من الاسباط التانيين واسمهم من اصل واحد من ابناء يعقوب ال١٢
مابالك بقى لما ناس سود ييجوا يقولوا احنا من نسل نبى من اعظم انبيائكم وقضاتكم 
سليمان اللى عمالين يهدوا تحت المسجد الاقصى ال ايه بيدوروا ع الهيكل بتاعه
ف لسان حالهم بيقول للاثيوبيين
 يقوموا ولادكم انتواااا يضحكوا علينا احنااااا ويقولولى انهم من نسل سليمان 
بس تقول ايه؟ الغايه تبرر الوسيله وهم محتاجين دولم دلوقتى علشان ينخوروا عند منابعنا يقفلوا عننا حنفية نهر النيل وينشفوها على دماغنا ولما نتكسر مصر  وباذن الله مش ممكن يحصل 
يبقوا ساعتها يدوا الاثيوبيين  شلوت 
ولا ليه دا من دلوقتى اsرائيل اكبر دول العالم فى عمليات زراعة الاعضاء 
عارفين بيجيبوها منين ؟؟؟
من الاثيوبيين اللى بيهاجروا هجرة غير شرعيه علشان يعيشوا ف وطنهم الجديد ومستوى معيشه زى امريكا 
وهوب يتاخدوا يتقطعوا ويتباعوا بالقطعه واهلهم ف اثيوبيا فاكرينهم نسيوهم عايمبن على وش الفته و ان اللى عِلىّ عِلىّ 

يلا هو اللى يفترى على  الله وعلى انبياؤه عندهم ذمه ولا ضمير
نرجع لحدوتتنا  
الا هو كده سيدنا سليمان خلف ولد واحد بس ولا فى تانى ؟
عاوزين تعرفوا تعالوا الليله الجايه وهاتوا معاكوا الشير والايك والكومنت ف اديكوا 

#يارب_اكون_فهمتها_صح
#ابتسام

تعليقات

إرسال تعليق

المشاركات الشائعة من هذه المدونة

#ليه_طيب_اكسر_وراه_قله؟ج٢#الليله٦٠٨

صورة
#ليه_طيب_اكسر_وراه_قله؟ج٢ #الليله٦٠٨ اما بقى الحدوته التانيه فبتقولك ان زمان وبردو ايام الفراعنه كانت لما الانسان يموت بيكسروا وراه اناء من الفخار  يعنى هنا كانت عاده مرتبطه بالجنائز  وطبعا كلنا عارفين اهمية الموت و الحياه الابديه والكلام دا كله عند المصريين القدماء واظن انى لسه مخلصه سلسلة ايزيس وازوريس اللى بتحكى باستفاضه ف اهمية الدفن والليله دى  طب بردو ليه نكسر وراه حاجه فخار واللى رسيت ع القله لاننا بقينا نستخدم معادن وصينى واوانى تانيه حاليا  انما القله فهى اللى كانت مكمله حتى دخول التلاجه الايديال ال ٨ قدم لكل بيت نرجع لكسر القله الفكره انهم مش بس بيكسروا القله لاء وكمان بياخدوها ويدفنوها جنب قبر المرحوم طيب الله ثراه ... ودا ليه؟ علشان لما ترجع الكا يعنى (الروح) على بيته مره تانيه مره ماتأذيش اهل البيت اللى موجودين فيه دول كانوا بيعملوا الاكل ف البيت وياخدوه عند مكان المقبره وياهم وهناك ياكلوا وبعدين يكسروا الاوانى دى ويسيبوا الفخار الكسر هناك  واللى كانوا بيسموه الشِقف جمع شقفه لدرجة ان المتخصصين فى الآثار وهم بينقبوا لو لقوا ف مكان ما آنيه  فخاري...
قراءة المزيد

#هو_صحيح_الجوع_كافر_بس_مش_للدرجه_دى؟؟؟ج٢#الليله٦٥٠

صورة
#هو_صحيح_الجوع_كافر_بس_مش_للدرجه_دى؟؟؟ج٢ #الليله٦٥٠  زى ما قولنا كان الموسم الزراعي في شمال العراق اواخر عام ١٩١٧ سئ جداً ومطر قليل ومحصول ضعيف و بيقول محمد امين العمري  واللى كان ف الوقت ده ضابط اعاشة في الجيش السادس التركي ويعتبر شاهد عيان ع الفتره دى بيحكى ويقول : انه كتب تقرير للقائد خليل باشا وضح فيه الخطر اللي هيحصل في ولاية الموصل بسبب قلة الحبوب و انهم ضرورى يستعدوا ويجيبوا مؤن من اسطنبول و يلحقوا الدنيا قبل فوات الاوان   لكن خليل باشا كبر دماغه و مهتمش للتحذير ده وقال له  ان ولاية الموصل هي مستودع تموين العراق و هي مش  محتاجة تموين يجي لها من بره يا حبيبى احنا ناخد ومنديش بس زى ما توقع محمد امين العامرى بدأت المجاعه حصل ايه ف المجاعه ؟ هل تداركت الحكومه الغير واعيه سوء الحال ؟ ولا ايه اللى حصل؟ ازاى اتعامل اهل الموصل مع المجاعه؟ اقولكم اولا زى ما توقع ضابط الاعاشه بدأت المجاعة تستفحل وشملت الموصل والمنطقة الواسعة اللى ف الشمال منها لحد بحيرة ((وان)) وبدأت جموع من الجياع تهجر ديارها في الاناضول وتتوجه ناحية الموصل  ما الكل بقى فاكرها مليانه خير...
قراءة المزيد

#زئرده #الليله١٠١

صورة
#زئرده #الليله١٠١ الحدوته المرادى حقيقيه زى حكايه #الشنطه_المعجزه  اللى ده الرابط بتاعها https://www.facebook.com/102264164820545/posts/142331610813800/ بردو جيران ماما زمان ف الحى العريق والشارع الجميل (( ابن الرشيد )) اللى لا اتولدت فيه ولا عشت فيه بس حبيته من حب امى فيه ومن حكاياتها عنه  (( زئرده ))  دى واحده جارتهم وباين من اسمها -اللى طبعا مش اسمها الحقيقى - ولكن الناس كانوا مسمينها كده لانها كانت صغننه الحجم  تقريبا كان اسمها نوال بس اللى كانت الدنيا كلها بتناديها بيه كان زيئرده كانت متجوزه بس معهاش اولاد وجوزها كان بيشتغل ف بلد تانيه وبييجى يشوفها كل فتره  وعلشان كده كانت عايشه ف شقه ف بيت اهلها بس بتبات لوحدها ف شقتها كان الناس كلها عارفين انهم مرتاحين ماديا  وف ليله صيفيه حاره حين لم يكن يوجد لا تكييف ولا حتى مروحه فى هذا الزمان القديم  و حيث لا يوجد حل سوى ان تنهى ليلتك بدش بارد لتذهب للنوم متأخراً على ١١ونص ١٢ بالليل كده  بعد ساعه ولا ٢ اما المدينه كلها تغرق فى سبات عميق مفيش صاحى  كانت كالعاده بايته لوحدها وحست بحركه معاها ف اوضة ...
قراءة المزيد